İran ABŞ və ərəb ölkələrinin HƏMAS Siyasi Bürosunun rəhbəri İsmayıl Haniyənin qətlinə cavabını yumşaltmaq tələblərini rədd edib və İsrailə cavab zərbəsi endirmək niyyətindədir.
Azpost.info xəbər verir ki, bu barədə “The Wall Street Journal” yazır.
Eyni zamanda Tehran anlayır ki, sərt cavab müharibəyə gətirib çıxara bilər.
Qətldən sonra İran liderləri qisas alacaqlarına söz veriblər. Müzakirələrdən xəbərdar olan mənbələr bildiriblər ki, İran rəsmiləri “cavabımızın müharibəyə səbəb olub-olmaması bizi maraqlandırmır” deyə bildiriblər.
Mənbələr bildiriblər ki, Birləşmiş Ştatlar Avropa ölkələrindən və digər müttəfiqlərindən eskalasiyanın qarşısını almaq üçün İrana mesaj göndərmələrini istəyərək, istənilən böyük zərbənin cavab reaksiyasına səbəb ola biləcəyi barədə xəbərdarlıq edib. Onlar qeyd ediblər ki, İranın yeni prezidenti Məsud Pezeşkianın Qərblə qarşılıqlı əlaqəni yaxşılaşdırmaq səyləri Tehran təmkin nümayiş etdirsə, daha çox şans əldə edəcək.
Daha əvvəl Qərb kəşfiyyat mənbələri “Sky News Arabia” telekanalına bildiriblər ki, İranın Haniyənin öldürülməsinə cavab olaraq İsrailə hücum etməyi planlaşdırdığına dair əllərində dəlillər var. İranın hücumunun “Hizbullah”la koordinasiya ediləcəyi gözlənilir.
Azpost.info
