Müdafiə Nazirliyinin Maliyyə və Büdcə İdarəsinin rəisi vəzifəsindən bu yaxınlarda azad edilmiş polkovnik Nəriman Cabbarova yenidən yüksək vəzifə verilib.
Heftelik.az-ın Qafqazinfo-ya istinadən verdiyi məlumata görə, bu barədə müdafiə naziri Zakir Həsənov müvafiq əmr imzalayıb.
Əmrə əsasən, polkovnik Nəriman Cabbarov Müdafiə Nazirliyinin İşlər İdarəsinin rəisi təyin edilib.
Qeyd edək ki, polkovnik Cabbarov hazırda həbsdə olan general-mayor Nizami Məmmədovdan sonra MN-nin Maliyyə və Büdcə İdarəsinin rəisi işləyib, məhkəmədə şahid qismində dindirilib.
