<p>Azərbaycan nefti 0.4% bahalaşıb.</p><p>Banker.az xəbər verir ki, “Azeri Light” markalı xam neftin bir barreli 66.52 dollar/barrel təşkil edib.</p>
<p>“Reddit” platforması yeni “Reddit Talk” funksiyasını təqdim edib. Banker.az bu barədə “Vc.ru”ya istinadən xəbər verir.</p><p>Bu funksiya istifadəçilərə platforma çərçivəsində istifadəçilərə səsli ünsiyyət qurmağa imkan verir. Hələki “Reddit Talk” mövcud deyil, lakin moderatorlar gözləmə siyahısına daxil edilə bilər.</p><p>Testlər zamanı funksiya yalnız moderatorlar üçün əlçatan olacaq – onlar söhbət otaqlarını yarada, digər moderatorları söhbətə dəvət edə, səsi söndürə və istifadəçiləri bloklaya biləcəklər.</p><p>Digər istifadəçilər dinləyici olaraq söhbətdə iştirak edə, emoji vasitəsilə cavab verə və dialoqa qoşulmaq üçün “əlini qaldıra” biləcəklər.</p><p>Qeyd edək ki, “Clubhouse” sosial şəbəkəsinin uğuru digər şirkətləri səsli ünsiyyət funksiyasını yaratmağa sövq edib. Onlar arasında “Facebook”, “Telegram”, “Slack” və “LinkedIn” var.</p>
<p>2021-ci ilin aprel ayının 1-nə respublika üzrə uçotda olan 1.240.652 vergi ödəyicisinin 87.7%-i fiziki şəxs, 12.3%-i hüquqi şəxs və digər təşkilatlar olub.</p><p>Banker.az xəbər verir ki, bu barədə İqtisadiyyat Nazirliyi yanında Dövlət Vergi Xidmətindən bildirilib.</p><p>Belə ki, 2020-ci ilin müvafiq dövrü ilə müqayisədə vergi ödəyicilərinin ümumi sayı 167.992 vahid və ya 115.7% artıb ki, bunun da 94.6%-i fiziki şəxslərin, 5.4%-i hüquqi şəxslərin hesabına baş verib. Hüquqi şəxs kimi uçotda olan vergi ödəyicilərinin sayının artması əsasən kommersiya qurumları hesabına baş verib.</p><p><strong>2020-ci ilin mart ayından başlamaqla müşahidə olunmuş ardıcıl 12 aylıq azalma dövründən sonra, ilk dəfə olaraq cari ilin mart ayında qeydiyyatın sayında artım müşahidə edilib.</strong></p><p>Cari ilin I rübündə 2.714 kommersiya qurumu dövlət qeydiyyatından keçib. Kommersiya qurumlarının 2253-ü (83%) elektron qaydada, 461-i isə (17%) kağız daşıyıcılarda edilmiş müraciətlər əsasında qeydə alınıb. İlkin qeydiyyat prosedurunun yerinə yetirilməsi zamanı 460 hüquqi şəxsin (ümumi qeydiyyatın 17%-i) ƏDV məqsədləri üçün qeydiyyata alınması təmin edilib.</p><p>Cari ilin I rübündə 2.494 yerli investisiyalı kommersiya qurumu dövlət qeydiyyatına alınıb ki, bu da yerli investisiyalı kommersiya qurumlarının dövlət qeydiyyatının sayında 25%-lik artım deməkdir.</p><p>2021-ci ilin I rübündə fəaliyyəti aktivləşmiş (bərpa edilmiş) hüquqi şəxslərin sayı 2.840 vahid təşkil edib. Bu zaman fəaliyyəti aktivləşmiş ƏDV ödəyicilərinin sayı ötən ilin müvafiq dövrü ilə müqayisədə 6,4% artıb. 2021-ci ilin I rübündə fəaliyyətini dayandırmış hüquqi şəxslərin sayı 3.682 vahid təşkil edərək 2020-ci ilin müvafiq dövrü ilə müqayisədə 19,5% azalıb. Fəaliyyətini passivləşmiş ƏDV ödəyicilərinin sayı isə 18,8% azalıb.</p><p>2021-ci ilin I rübündə qeydiyyata alınmış və fəaliyyətini bərpa etmiş kommersiya qurumlarının sayı fəaliyyəti passivləşmiş qurumların sayından 1.788 vahid çox olub.</p><p>Hesabat dövründə fəaliyyəti aktiv olan hüquqi şəxslərin 86,4%-i kommersiya qurumlarıdır. Ümumiyyətlə, 136.997 kommersiya qurumundan 58,5 faizinin vəziyyəti aktiv olub. 2020-ci ilin müvafiq dövrü ilə müqayisədə aktiv kommersiya qurumlarının sayı 13,9 faiz artıb. Bu zaman kommersiya qurumlarının tərkibində aktiv ƏDV ödəyicilərinin sayı 16% artıb.</p><p>2021-ci ilin I rübündə kommersiya qurumlarının 83%-i elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 91%-ə yaxın olub.</p><p>Yeni qeydiyyat üsulu ilə (fin kod+mobil nömrə) cari ildə 438 yerli investisiyalı məhdud məsuliyyətli cəmiyyət qeydə alınıb ki, bu da 2020-ci ilin müvafiq dövrü ilə müqayisədə 62,2 faiz çoxdur. Bu üsulun ümumi qeydiyyatda xüsusi çəkisi artaraq 16,1%, yerli investisiyalı məhdud məsuliyyətli cəmiyyətlərin qeydiyyatında isə 17,7% təşkil edib.</p><p>2021-ci ilin 1 aprel tarixinə 272 publik hüquqi şəxs, 16.066 xarici investisiyalı kommersiya hüquqi şəxs dövlət qeydiyyatından keçib.</p>
<p>Aprelin 22-də bütün müavinət, təqaüd və kompensasiyaların ödənilməsi nəzərdə tutulub.</p><p>Banker.az xəbər verir ki, bu barədə Dövlət Sosial Müdafiə Fondu məlumat yayıb.</p>
<p>Antiinhisar və İstehlak Bazarına Nəzarət Dövlət Agentliyi istehlakçıların hüquqlarının pozulmasına görə “Shop.az Vebtures” MMC barəsində inzibati protokol tərtib edib.</p><p>İnzibati Xətalar Məcəlləsinin 447.0.9-cu (qanunvericilikdə nəzərdə tutulan hüquqlarla müqayisədə istehlakçının hüquqlarını məhdudlaşdıran şərtlərin müqaviləyə daxil edilməsinə görə) maddəsi ilə yazılan protokol baxılması üçün Yasamal Rayon Məhkəməsinə göndərilib.</p><p>Bu inzibati xətaya görə hüquqi şəxslər dörd min manatdan altı min manatadək məbləğdə cərimə edilir.</p><p>Qeyd edək ki, “Shop.az Vebtures” MMC shop.az internet saytı vasitəsilə Azərbaycanın online alış-veriş mərkəzi kimi fəaliyyət göstərir.</p>
<p>Bu ilin yanvar-mart aylarında Azərbaycan 26 milyon 791 min ABŞ dolları dəyərində 23 988 ton ilkin formalarda polipropilen ixrac edib.</p><p>Banker.az Dövlət Gömrük Komitəsinin statistikasına əsasən xəbər verir ki, bu, ötən ilin eyni dövrü ilə müqayisədə müvafiq olaraq 5 milyon 672 min ABŞ dolları (26.8 %) çox, və 935 ton (3.8 %) azdır.</p><p>Ötən rüb polipropilenin qeyri-neft sektoru üzrə ixracda payı 5.34 %, ümumi ixracda payı isə 0.65 % olub.</p><p> </p>
<p style="font-weight:;" 400;">İngiltərənin rəqəmsal texnologiyalar, mədəniyyət, KİV və idman departamenti “Nvidia” və “Arm” şirkətləri arasında bağlanan 40 milyard dollarlıq müqaviləyə müdaxilə edəcəyini bildirib.</p><p>Banker.az bu barədə “Vc.ru”ya istinadən xəbər verir.</p><p style="font-weight:;" 400;">Departament rəhbəri Oliver Douden ölkənin “inkişaf edən texnologiya sənayesini” dəstəkləmək istədiyini və xarici investisiyaları alqışladığını, lakin bu müqavilənin ölkənin milli təhlükəsizliyini təhdid edib-etmədiyini yoxlamaq lazım olduğunu söyləyib.</p><p style="font-weight:;" 400;">Rəqabət və Bazarlar İdarəsi (CMA) 2021-ci il 30 iyul tarixinə qədər bütün müqavilələr barədə hesabat hazırlayacaq.</p><p style="font-weight:;" 400;">Xatırladaq ki, “Nvidia” və “Arm” arasında 2020-ci ilin sentyabrında 40 milyard dollarlıq müqavilə bağlanıb. Requlyatorların təsdiqini almaq üçün tərəflər 18 ay vaxt sərf etməyi gözləyiblər.</p><p style="font-weight:;" 400;">Fevral ayının əvvəlində “Financial Times” İngiltərə və Avropa Birliyinin rəqiblərin istəyi ilə müqavilə ilə bağlı araşdırmaya başlayacağını yazıb. Onlar müqavilədən sonra “Nvidia”nın xoşagəlməz şərtlər irəli sürməsindən, “Arm”ın isə müstəqilliyini itirməsindən qorxurdular.</p><p style="font-weight:;" 400;">“Qualcomm”, “Google” və “Microsoft” da həmçinin müqaviləyə qarşı çıxıblar. “Arm” şirkətinin baş direktoru German Hauzer “Arm-ı xilas edin” kampaniyasında başlayıb və İngiltərənin baş nazirinə məktub yazıb. Məktubda o bu müqavilənin ölkədəki məşğulluq səviyyəsinə, şirkətin biznes-modelinə və İngiltərənin gələcək iqtisadi müstəqilliyinə təsir göstərəcəyini bildirib.</p>
<p>Livanın baş naziri vəzifəsini müvəqqəti icra edən Həssən Diyab Fars körfəzinin ərəb dövlətlərinə təcili maliyyə yardımı ilə bağlı müraciət edib.</p><p>Bu barədə “El Nashra” nəşri xəbər verir.</p><p>Məlumata görə, Livan hökuməti başçısının səlahiyyətlərinin müvəqqəti icraçısı Dohada Qətər şeyxi Temim bin-Hamid əl-Sani ilə görüşündə bildirib ki, onun ölkəsi iflas həddindədir.</p><p>Diyabın sözlərinə görə, “boğulan Livan xilasetmə dairəsinə ehtiyac duyur, yeni nazirlər kabinetinin formalaşması ləngiməyə görə beynəlxalq ictimaiyyətdən maddi kömək ala bilmir”. Baş nazirin səlahiyyətlərinin müvəqqəti icraçısı iqtisadi kollapsın səbəbinin “onilliklər boyunca hakimiyyətin ən yüksək eşelonlarında hökm sürmüş korrupsiya və səhv borc alma siyasəti” ilə bağlı olduğunu bildirib.</p><p>Diyab Qətərə təcili maliyyə yardımının əsas qida və tələbat malları üçün dövlət subsidiyalarını davam etdirəcəyinə ümid etdiyini söyləyib.</p>
<p>“Zoom” onun texnologiyalarından istifadə edən startaplara dəstək olmaq üçün 100 milyon dollarlıq fond yaradıb.</p><p>Banker.az bu barədə “Vc.ru”ya istinadən xəbər verir.</p><p>Verilən məlumata görə, şirkət fonda 250 min dollardan 2.5 milyon dollara qədər maliyyə yatıracaq.</p><p>İnvestisiyanı ilk növbədə istifadəçilərə “dəyərli və cəlbedici təcrübə” təqdim edə bilən və bazarda kiçik paya sahib olan startaplar alacaq. Bununla da şirkət videozəng platforması ətrafındakı ekosistemin böyüməsini təmin etmək, o cümlədən “Zoom” texnologiyasından istifadəni təşviq etmək istəyir.</p><p>Hal-hazırda bir neçə Zoom-tətbiqi inkişaf etdirilir. Şirkətin qeyd etdiyi kimi, yeni ideyalar insanlar arasındakı ünsiyyəti daha “məhsuldar və əyləncəli” edir.</p><p>Xatırladaq ki, 2020-ci ilin oktyabr ayında “Zoom” yeni “Zapps” platformasını təqdim etmişdir. Bu platforma “Zoom”da istənilən xidmət yaratmağa imkan verir. Məsələn, istifadəçilərin konfrans pəncərəsində həm “Asana”, həm “Slack”, həm də “Dropbox”u aça bilməsi üçün.</p><p>2021-ci ildə şirkət inkişafetdiricilər üçün SDK-alətlər buraxıb ki, bu da “Zoom”un funksiyalarını öz məhsullarına yeritməyi imkan verir.</p>
<p><strong>Neft dünya birjalarında ABŞ dollarının zəifləməsi ilə bahalaşmağa başlayıb. Lakin dünyanın bəzi yerlərində tələbin o qədər də yüksək olmaması qiymətləri bir qədər də yüksəlməsində əngəl olaraq qalmaqdadır.</strong></p><p>Banker.az xəbər verir ki, (Bakı vaxtı:08:50) Londonun ICE birjasında Brentin iyun fyuçersləri üzrə qiyməti 71 sent, yaxud 1.06% artımla 67.76 dollar/barrelə qədər yüksəldib. WTI neftinin Nyu-Yorkun NYMEX birjasındakı qiyməti may fyuçerslərindəki qiyməti 62 sent, yaxud 0.98% artımla 64 dollar/barrelə yüksəlib.</p><p>Fransanın “Total” şirkəti yanacaq satışlarının bu il 2019-cu ilin eyni dövrü ilə müqayisədə çox aşağı olması, Hindistanda isə yeni sürətli yayılan COVID-19 virusu karantinə getməyə, beləliklə yanacağa olan tələbi yenidən aşağı düşürtməyə təhrik edir.</p><p>Investing.com-un son göstəricilərinə görə isə ABŞ dollarının 6 əsas valyuta qarşısındakı indeksi yenidən düşüşlə 90.858 bəndə qədər eniş yaşayıb.</p><p>Neftin bahalaşması üçün daha bir stimul isə Beynəlxalq Enerji Agentliyinin (IEA) pandemiyada anbarlarda olan neft ehtiyatlarının artıq tükəndiyini eyham vurub. IEA inkişaf etmiş ölkələrin fevral ayında 57 milyon neft artıqlığını təxmin etmişdir. Bu, 2020-ci ilin iyul ayında qeydə alınan 249 milyon barelin pik dəyərinin təxminən 23%-dir. 2020-ci il pandemiyası ilə müqayisədə kəskin dönüş yaşanıb. O dövrdə qlobal neftə olan tələb 20% azalıb, ticarət nəhəngi “Gunvor” isə yanacaq saxlamaq üçün yerin olmayacağından ehtiyat edib. Qeyd edilir ki, neft artıqlığı OPEC+ tərəflərinin hasilatı azaltmaq qərarı fonunda əhəmiyyətli dərəcədə azalıb.</p><p>“Citigroup” bankının analitikləri tələbin yüksəlməsi ilə dünya neft ehtiyatlarının gündə 2.2 milyon barel azalacağını gözləyirlər. Bu da Brent markalı neftin 74 dollara/barrel səviyyəsinə qədər, hətta o həddi ötə biləcək potensialı mövcuddur.</p>
<table cellspacing="0"><tbody><tr><td><strong>Valyuta</strong></td><td><strong>Məzənnə</strong></td></tr><tr><td>1 ABŞ dolları</td><td>1,7000</td></tr><tr><td>1 Avro</td><td>2,0507</td></tr><tr><td>1 Rusiya rublu</td><td>0,0223</td></tr><tr><td>1 Avstraliya dolları</td><td>1,3252</td></tr><tr><td>1 Argentina pesosu</td><td>0,0183</td></tr><tr><td>1 Belarus rublu</td><td>0,6558</td></tr><tr><td>1 Braziliya rialı</td><td>0,3064</td></tr><tr><td>1 BƏƏ dirhəmi</td><td>0,4628</td></tr><tr><td>1 Cənubi Afrika randı</td><td>0,1198</td></tr><tr><td>100 Cənubi Koreya vonu</td><td>0,1529</td></tr><tr><td>1 Çexiya kronu</td><td>0,0791</td></tr><tr><td>100 Çili pesosu</td><td>0,2423</td></tr><tr><td>1 Çin yuanı</td><td>0,2617</td></tr><tr><td>1 Danimarka kronu</td><td>0,2758</td></tr><tr><td>1 Gürcü larisi</td><td>0,4944</td></tr><tr><td>1 Honq Konq dolları</td><td>0,2189</td></tr><tr><td>1 Hindistan rupisi</td><td>0,0228</td></tr><tr><td>1 İngilis funt sterlinqi</td><td>2,3797</td></tr><tr><td>100 İndoneziya rupiası</td><td>0,0117</td></tr><tr><td>100 İran rialı</td><td>0,0040</td></tr><tr><td>1 İsveç kronu</td><td>0,2028</td></tr><tr><td>1 İsveçrə frankı</td><td>1,8593</td></tr><tr><td>1 İsrail şekeli</td><td>0,5216</td></tr><tr><td>1 Kanada dolları</td><td>1,3607</td></tr><tr><td>1 Küveyt dinarı</td><td>5,6423</td></tr><tr><td>1 Qazaxıstan tengəsi</td><td>0,0040</td></tr><tr><td>1 Qırğız somu</td><td>0,0201</td></tr><tr><td>100 Livan funtu</td><td>0,1119</td></tr><tr><td>1 Malayziya rinqqiti</td><td>0,4130</td></tr><tr><td>1 Meksika pesosu</td><td>0,0858</td></tr><tr><td>1 Moldova leyi</td><td>0,0946</td></tr><tr><td>1 Misir funtu</td><td>0,1084</td></tr><tr><td>1 Norveç kronu</td><td>0,2059</td></tr><tr><td>100 Özbək somu</td><td>0,0162</td></tr><tr><td>1 Polşa zlotası</td><td>0,4501</td></tr><tr><td>1 Sinqapur dolları</td><td>1,2816</td></tr><tr><td>1 Səudiyyə Ərəbistanı rialı</td><td>0,4533</td></tr><tr><td>1 SDR (BVF-nin xüsusi borcalma hüquqları)</td><td>2,4384</td></tr><tr><td>1 Türk lirəsi</td><td>0,2099</td></tr><tr><td>1 Tayvan dolları</td><td>0,0605</td></tr><tr><td>1 Tacik somonisi</td><td>0,1503</td></tr><tr><td>1 Yeni türkmən manatı</td><td>0,4857</td></tr><tr><td>1 Ukrayna qrivnası</td><td>0,0608</td></tr><tr><td>100 Yapon yeni</td><td>1,5720</td></tr><tr><td>1 Yeni Zelandiya dolları</td><td>1,2266</td></tr><tr><td>Qızıl (1 unsiya)</td><td>3013,2755</td></tr><tr><td>Gümüş (1 unsiya)</td><td>44,1181</td></tr><tr><td>Platin (1 unsiya)</td><td>2057,8925</td></tr><tr><td>Palladium (1 unsiya)</td><td>4746,0940</td></tr></tbody></table>
<p>Dövlət sifarişi yerləri tələbə qəbulu üzrə müsabiqənin nəticələrinə əsasən boş qaldığı halda, Dövlət İmtahan Mərkəzi Təhsil Nazirliyi ilə razılaşdırmaqla həmin yerlərə eyni ixtisas (ixtisaslaşma) üzrə tələbə qəbulu imtahanlarının nəticələrinə əsasən ən yüksək bal toplamış ödənişli əsaslarla qəbul olmuş şəxsi, eyni ixtisas (ixtisaslaşma) üzrə təhsilalan olmadıqda isə eyni ixtisas qrupu üzrə tələbə qəbulu imtahanlarının nəticələrinə əsasən ən yüksək bal toplamış ödənişli əsaslarla qəbul olmuş şəxsi yerləşdiriləcək.</p><p>Banker.az xəbər verir ki, bununla bağlı Nazirlər Kabinetinin “Ali təhsil müəssisələrində və magistratura səviyyəsi üzrə Azərbaycan Milli Elmlər Akademiyasında yeni maliyyələşmə mexanizminin tətbiq edilməsi haqqında” qərarına əlavə edilib.</p>
<p>Rusiya Prezidenti Vladimir Putin dünya liderlərinin 22-23 aprel tarixində baş tutacaq iqlim məsələri ilə bağlı sammitində videokonfrans vasitəsi ilə çıxış edəcək. Bu barədə Kremlin mətbuat xidmətindən məlumat verilib.</p><p>Bir qədər bundan əvvəl Ağ Evin mətbuat xidməti ABŞ Prezidenti Co Baydenin 22-23 aprel tarixlərində virtual formatda təşkil olunacaq iqlim sammitinə Putin də daxil olmaqla 40 dünya liderini dəvət etdiyini bildirmişdi.</p><p>“Rusiya Prezidenti Vladimir Putin 22 aprel tarixində videokonfrans vasitəsi ilə dünya liderlərinin iqlim sammitində çıxış edəcək. Vladimir Putin qlobal iqlim dəyişikliyinin mənfi nəticələrinin aradan qaldırılmasına yönəlmiş geniş əməkdaşlıq kontekstində Rusiyanın problemə yanaşmasını açıqlayacaq”, – deyə məlumatda qeyd olunur.</p>
<p>“Azərsu” ASC “Touchess” MMC ilə 5 milyon manatlıq müqavilə bağlayıb.</p><p>Banker.az xəbər verir ki, müqavilədə İnformasiya-Kommunikasiya Texnologiyaları sahəsində və Ceyranbatan Su Təchizatı İdarəsinin ultrasüzgəcli sutəmizləyici qurğular kompleksinin Scada sisteminin fasiləsiz və dayanıqlı fəaliyyətini təmin etmək məqsədi ilə avadanlıq və mal-materialların satın alınması nəzərdə tutulur.</p><p>Müqavilənin ümumi məbləği isə 4 963 461 manatdır.</p><p>Qeyd edək ki, “Touchess” MMC 2019-cu ildə dövlət qeydiyyatına alınıb. Şirkətin nizamnamə kapitalı 10 000 manatdır və qanuni təmsilçisi Səbuhi Məmmədovdur. Bu şirkətin dövlətə vergi borcu 4 026 manatdır.</p><p> </p>
<p>2021-ci ilin ilk iki ayı üzrə dövlət büdcəsinin gəlirləri açıqlanıb.</p><p>Banker.az Dövlət Statistika Komitəsinə istinadən xəbər verir ki, ilin yanvar-fevral ayları ərzində cəmi <strong>4 milyard 29.9 milyon</strong> manat həcmində büdcəyə vəsait daxil olub.</p><p>Bu vəsaitin də 2 milyard 19.9 milyon manatı (yaxud 50.1%-i) vergi, 2 milayrd 10 milyon manatı qeyri-vergi (49.9%-i) tərəfindən daxil olub.</p><p>Öncəki ildə vergidən daxilolmanın payı 57.34%, qeyri-vergidən isə 42.66% idi.</p><p><a href="https://cdn.azerforum.com/2021/04/19/1696561.jpg"><img class="alignnone" size-full wp-image-327105" src="https://cdn.azerforum.com/2021/04/19/1696561.jpg" alt="" width="791" height="583" srcset="https://cdn.azerforum.com/2021/04/19/1696561.jpg" 791w, https://banker.az/wp-content/uploads/2021/04/e34233-300x221.png 300w, https://banker.az/wp-content/uploads/2021/04/e34233-768x566.png 768w, https://banker.az/wp-content/uploads/2021/04/e34233-80x60.png 80w, https://banker.az/wp-content/uploads/2021/04/e34233-696x513.png 696w, https://banker.az/wp-content/uploads/2021/04/e34233-570x420.png 570w" sizes="(max-width:" 791px) 100vw, 791px" /></a></p>
<p>Nazirlər Kabineti Azərbaycan Respublikasının ərazisində iş və istirahət günlərinin yerlərinin dəyişdirilməsi haqqında qərar qəbul edib.</p><p>Qərarı Baş Nazir Əli Əsədov imzalayıb.</p><p>“Azərbaycan Respublikasının ərazisində iş və istirahət günlərinin ardıcıllığını təmin etmək məqsədilə 2021-ci ilin 11 və 12 may iş günləri ilə müvafiq olaraq 8 may və 16 may istirahət günlərinin yerləri dəyişdirilsin”- deyə qərarda deyilir.</p><p>Bununla da Ramazan bayramı günləri də daxil olmaqla mayın 9-dan 15-dək qeyri-iş günləri olacaq. İş mayın 16-dan başlayacaq.</p><p>Nazirlər Kabinetinin digər Qərarına əsasən 9 may saat 00:00-dan 16 may saat 06:00-dək ölkə ərazisində ictimai nəqliyyatın fəaliyyəti dayandırılacaq.</p>
<p>9 may saat 00:00-dan 16 may saat 06:00-dək ölkə ərazisində ictimai nəqliyyatın fəaliyyəti dayandırılacaq.</p><p>Bu barədə Nazirlər Kabinetinin qərarında bildirilib.</p><p>Qeyd edək ki, Nazirlər Kabinetinin Qərarına əsasən, Azərbaycan Respublikasının ərazisində iş və istirahət günlərinin ardıcıllığını təmin etmək məqsədilə 2021-ci ilin 11 və 12 may iş günləri ilə müvafiq olaraq 8 may və 16 may istirahət günlərinin yerləri dəyişdirilib. Bununla da Ramazan bayramı günləri də daxil olmaqla mayın 9-dan 15-dək qeyri-iş günləri olacaq. İş mayın 16-dan başlayacaq.</p>
<p>Bu ilin yanvar-mart aylarında Azərbaycana 50 milyon 851 min ABŞ dolları dəyərində geyim əşyaları və geyim üçün ləvazimatlar idxal edilib.</p><p>Banker.az xəbər verir ki, Dövlət Gömrük Komitəsindən verilən məlumata əsasən, bu, ötən ilin müvafiq dövrü ilə müqayisədə 7 milyon 999 min ABŞ dolları (13.5%) azdır.</p><p>Belə ki, ötən ilin eyni dövründə Azərbaycana 58 milyon 850 min ABŞ dolları dəyərində geyim əşyaları və geyim üçün ləvazimatlar idxal edilib.</p><p>Hesabat dövründə geyim əşyaları və geyim üçün ləvazimatların idxalı ümumi idxalın 2.01-ni təşkil edib.</p>
<p>Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyi “Prosys” MMC ilə müqavilə bağlayıb.</p><p>Banker.az xəbər verir ki, müqavilədə “Haqqı ödənilən ictimai işlər portalı” proqram təminatının hazırlanması nəzərdə tutulur.</p><p>Müqavilənin dəyəri isə 238 950 manatdır.</p>
<p>Prezident İlham Əliyev Bakı şəhərinin Xətai rayonu ərazisində yerləşən Nizami adına mədəniyyət və istirahət parkında abadlıq işlərinin həyata keçirilməsi ilə əlaqədar tədbirlər haqqında sərəncam imzalayıb.</p><p>Sərəncamla Bakı şəhərinin Xətai rayonu ərazisində yerləşən Nizami adına mədəniyyət və istirahət parkında abadlıq işlərinin həyata keçirilməsi üçün Azərbaycan Respublikasının 2021-cı il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Bakı Şəhər İcra Hakimiyyətinə ilkin olaraq 5 milyon manat ayrılıb.</p><p>Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməlidir.</p>
<p>ABŞ-ın “JP Morgan” investisiya bankı Avropanın 12 nəhəng klubunun qurmağa qərar verdiyi Avropa Super Liqasına 6 milyard dollar ayıracağını açıqlayıb.</p><p>Bu barədə “Reuters” agentliyinə istinadən xəbər verilir.</p><p>Xatırladaq ki, İngiltərənin “Arsenal”, “Manchester United”, “Chelsea”, “Liverpool”, “Manchester City”, “Tottenham Hotspur”, İtaliyadan “Milan”, “Inter” və “Juventus”, İspaniyanın isə “Atletico Madrid”, “Barcelona” və “Real Madrid” klubları Avropa Super Liqasının qurulması ilə bağlı qərarlarını açıqlayıb.</p>
