<p><strong>Amerikalı model, sahibkar Kayli Kristen Cenner yeni əsrarəngiz fotoları ilə diqqət çəkib.</strong></p><p>Milli.Az dailymail-ə istinadən xəbər verir ki, İnstaqramda paylaşdığı bir neçə qısa klipdə 23 yaşlı gənc dekoltedə görünüb. "Kardaşyan ailəsi" realiti-şousunun iştirakçısı 2015-ci ildə Kylie Cosmetics kosmetika şirkətini qurub.</p><p><strong>Kamran</strong><br /> <strong>Milli.Az</strong></p><div style="text-align:;" center; margin: 15px auto;"> </div><img src="https://cdn.azerforum.com/2021/04/20/1702004.jpg"><img src="https://cdn.azerforum.com/2021/04/20/1702005.jpg"><img src="https://cdn.azerforum.com/2021/04/20/1702006.jpg"><img src="https://cdn.azerforum.com/2021/04/20/1702007.jpg"><img src="https://cdn.azerforum.com/2021/04/20/1702008.jpg">
<p>Əməkdar artist Ruhəngiz Allahverdiyeva müğənni Rəqsanə İsmayılovanın toy üçün Moskvaya gedən xanım həmkarlarını tənqid etməsinə qarşı çıxıb.</p><p>Milli.Az qafqazinfo-ya istinadən xəbər verir ki, "Elgizlə izlə" proqramında qonaq olan sənətçi şəxsi həyatın toxunulmaz olduğunu xatırladıb.</p><p>O, məclislərə görə həmkarlarının bir-birini alçaltmalarına etirazını bildirib: "Mən Moskvadakı toylarda çıxış edən illərdə heç kəs yox idi. İndi getmək fikrim yoxdur. Vəziyyət düzəldikdən sonra toya və konsertə getmək olar. Baxıram, müğənnilər bir-birini yıxır, vurur. Lazım deyil! Kim hardan, necə getdi, nələr etdi... </p><p>Onsuz da kimin ürəyi nə istəyibsə, onu da edib. Bu, onun şəxsi işidir. Ancaq yıxıb-sürümək, ünvanına nəsə demək, xətrinə dəymək olmaz, günahdır. Heç kəsi qınamasınlar. Bir-birimizi alçaltmayaq".</p> <p>Xatırladaq ki, bir neçə gün öncə müğənni Rəqsanə İsmayılova Rusiyaya toya gedən qadın həmkarlarını sərt tənqid edərək hədələmiş, onların qeyri-etik hərəkətlər etdiyini bildirmişdi. </p><p><strong>Milli.Az</strong></p>
<p><strong>Əməkdar artist Nigar Şabanovanın anası günlərdir komadadır. </strong></p><p>Milli.Az "sherg.az"a istinadən xəbər verir ki, sənətçi İnstaqram səhifəsində yenə anasının fotosunu paylaşıb və bu sözləri yazıb:</p><p>"Ana, tez sağal nə olar. Gücümü itirmişəm, nəfəsim kəsilir sənsiz. Həkimlər qolumu-qanadımı qırır. Nə olar anama dua edin. Ananızı sevin. Anasız ev çox boşdur. Kaş ömrümdən pay verə biləydim, səninlə bərabər yaşayardım. Son saniyəmiz də eyni anda bitərdi. Bu həyat məni "döyməkdən" yorulmadı. Ən zəif nöqtələrimdən vurur".</p> <p><strong>Milli.az</strong></p><img src="https://cdn.azerforum.com/2021/04/20/1701696.jpg">
<p><strong>30 il bundan əvvəlki Azərbaycan yoxdur. Artıq güclü, öz ayaqları üstə duran, müstəqil siyasət yürüdən və dünyadan açıq şəkildə ədalət tələb edən, dünya susduğu, biganə qaldığı anda isə öz haqqını öz gücü hesabına əldə edən Azərbaycan var. Ermənistanın isə bu reallıqla barışmaqdan başqa çıxış yolu yoxdur. Buna baxmayaraq Qarabağ mövzusu ətrafında hələ də düşmənin manipulyasiya cəhdlərinin şahidi oluruq. Qarşı tərəf yeni reallığın strateji planlarına nəinki adekvat davranmır, hətta 44 günlük müharibə ilə darmadağın edilən fokuslanmış keçmiş baxışından da əl çəkmək niyyətində deyil.</strong></p><p>II Qarabağ müharibəsində qazanılan Zəfərin hüquqi və ideoloji mahiyyətinin ikili standartların hələ də üstünlük təşkil etdiyi qlobal sferaya düzgün çatdırılması Ermənistanı məğlub etmək qədər strateji əhəmiyyət daşıyır. Lakin təəssüflər olsun ki, istər 44 günlük müharibə zamanı, istərsə də postmüharibə mərhələsində hələ də bəzi ölkələrdən Azərbaycanın haqq səsini qlobal sferaya çatdırmaq üçün gözlənilən dəstəyi görmürük. Ötən gün Strasburqda baş tutan Avropa Şurası Parlament Assambleyasının (AŞPA) yaz sessiyası belə deməyə əsas verir.</p><p>Ermənistanın kapitulyasiyası kimi də təqdim edilən 10 Noyabr üçtərəfli bəyanatının üzərindən 5 aydan çox müddət keçməsinə baxmayaraq rəsmi İrəvan bütün qüvvəsi ilə sənəddə nəzərdə tutulan bəndlərin icrası məsələsini ləngitmək üçün müxtəlif manipulyativ addımlardan əl çəkmək fikrində deyil. Bunun təsdiqi kimi AŞPA-da Ermənistanın istəyi ilə "əsirlər" məsələsinin gündəliyə salınması üçün səsverməyə qoyulmasını göstərmək olar. </p><p>Bir daha göründü ki, Ermənistan tərəfi hər fürsətdə dilə gətirdiyi "hərbi əsirlər" mövzusu ilə bağlı yalan və iftira dolu ritorikadan çəkinmək niyyətində deyil. Dünənki hadisələr rəsmi İrəvanın imza atdığı üçtərəfli bəyanatdan bir ay sonra Azərbaycan ərazilərinə terrorçuluq məqsədilə göndərilən diversant qrupun üzvlərinin "hərbi əsir" adlandırılaraq onları Azərbaycandan geri almaq üçün başlatdığı mübarizənin davamı idi. </p><p>Ermənistanın isə üçtərəfli razılığa zidd olaraq, pozucu fəaliyyəti ilə bağlı üzrxahlıq bildirmək əvəzinə, əsassız iddialarla çıxış etməsi, Azərbaycana qarşı yalan və iftira dolu kampaniya aparması bu ölkənin hələ də düşmənçilik mövqeyindən çıxış etdiyini, beynəlxalq hüquq əsasında münasibətlərin normallaşdırılmasına hazır olmadığını və beləliklə də yaxın keçmişdə baş verənlərdən nəticə çıxarmadığını nə qədər nümayiş etdirirsə, sessiyada Ermənistanın istəyi ilə "əsirlər" məsələsinin gündəliyə salınması üçün səsvermədə iştirak edən ölkələrdən Azərbaycanın tam olaraq gözlənilən dəstəyi görməməsi bir o qədər üzücüdür.</p><p>Azərbaycanın mövqeyini 23 deputat (Türkiyə, Rusiya, Macarıstan və Serbiyalı deputatlar) dəstəklədiyi halda, məsələnin plenar iclasda müzakirə edilməsinin lehinə 93 səs verilib, bitərəf səslərin sayı isə 18 olub. Burada əraziləri işğala məruz qalan, Azərbaycanın 30 il üzləşdiyi problemi yaşayan Ukrayna, Moldova və Gürcüstanın faktiki olaraq səsvermə zamanı Avroparlament və Aİ mövqeyindən çıxış edərək Ermənistanın "əsirlərlə" bağlı mövqeyinə mane olmamaqları məqamı xüsusi diqqət çəkib.</p><p><strong>Digər diqqət çəkən məqam isə son zamanlar rəsmi Bakının narazı olduğu Rusiyalı nümayəndə heyətinin mövqeyidir. Rusiyalı parlamentarilərin Azərbaycanın xeyirinə mövqe nümayiş etdirmələrini 3 əsas səbəblə izah etmək olar:</strong></p><p><strong>I. </strong>Bu, 10 Noyabr bəyanatında imzası olan üç tərəfdən biri kimi Kreml sahibinin imzasına sadiq olduğunu, vədinə əməl etdiyini nümayiş etdirmək baxımından fürsət idi.</p><p><strong>II. </strong>Sessiya çərçivəsində "Aleksey Navalnının 2021-ci ilin yanvarında həbsi" mövzusunda keçiriləcəyi gözlənilən debatda Azərbaycanın dəstəyini almaq</p><p><strong>III.</strong> Şuşada qalıqları aşkar edilən "İsgəndər-M" operativ taktiki raket kompleksi ətrafında böyüyən qalmaqala görə rəsmi Bakıdan bəraət almaq</p><p>Gün kimi aydın görünür ki, bəzi Qərb dövlətləri, Avropa Parlamenti, Avropa İnsan Hüquqları Məhkəməsi, ABŞ Konqresi və digər strukturlarda əyləşən lobbistlər məğlub Ermənistanı reablitasiya etmək üçün bütün resuruslarını, gücünü ortaya qoyublar. "Əsir" mövzusunun AŞPA-da müzakirəyə çıxarmaq cəhdlərinə imkan yaradanlar isə anlamalıdrlar ki, bu, erməni dəyirmanına su tökmək, onun işğalçılıq, terrorçuluq siyasətini dəstəkləməklə yanaşı, regionda sülhə təhdiddən başqa bir şey deyil. </p><p><strong>Təhməz Əsədov</strong><br /> <strong>Milli.Az</strong></p>
<p>SOCAR "Qarabağ" yatağının işlənməsi üzrə texniki detallarla bağlı yekun qərarı tez bir zamanda qəbul etməyə çalışır.</p><p>Milli.Az bildirir ki, bunu <a href="https://az.trend.az" style="line-height:;" 25.6px;" target="_blank">Trend</a>-ə Azərbaycan Dövlət Neft Şirkətinin (SOCAR) Tədbirlərin təşkili və ictimaiyyətlə əlaqələr departamentinin rəis müavini İbrahim Əhmədov deyib.</p><p>O bildirib ki, bununla əlaqədar olaraq SOCAR və "Equinor" mütəxəssislərinin iştirakı ilə işçi qrup yaradılıb, fasiləsiz birgə iş aparılır.</p><p>"Əşrəfi-Dan ulduzu-Aypara" yatağına gəldikdə, İ.Əhmədov bildirib ki, bu layihə üzrə seysmik kəşfiyyat işlərinin nəticələri baxılması üçü "Equinor" mütəxəssislərinə təqdim olunub:</p><p>"Bu nəticələr təsdiq olunandan və şirkət rəhbərliyinə təqdim olunandan sonra biz geniş ictimaiyyətə məlumat verəcəyik".</p><div style="text-align:;" center; margin: 15px auto;"> </div> <p>Qeyd edək ki, SOCAR və "Equinor" 2020-ci ilin martında Xəzər dənizinin Azərbaycan sektorunda, Bakıdan 120 kilometr şərqdə "Qarabağ" neft-qaz yatağının kəşf olunması faktını təsdiq edib.</p><p><strong>Milli.Az </strong></p>
<p>Aprelin 19-da saat 10 radələrində Qəbələ rayonu ərazisində Yusifov Nəsir Yusif oğlunun elektrik cərəyanı vurması nəticəsində ölməsi barədə rayon prokurorluğuna məlumat daxil olmuşdur.</p><p>Milli.Az <a href="https://az.trend.az" style="line-height:;" 25.6px;" target="_blank">Trend</a>-ə istinadən bildirir ki, aparılan araşdırmalarla Mingəçevir Regional Elektrik Şəbəkəsi MMC-nin Qəbələ yarımstansiyasının ustası Nəsir Yusifovun iş yerində təmir işləri apararkən elektrik cərəyanı vurması nəticəsində almış olduğu xəsarətlərdən ölməsi müəyyən edilmişdir.</p><p>Faktla bağlı Qəbələ rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanmışdır.</p><p>Prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, məhkəmə-tibb və məhkəmə-texniki təhlükəsizlik ekspertizaları təyin olunmuş və digər zəruri tədbirlər yerinə yetirilmişdir.<br /> Hazırda iş üzrə zəruri istintaq tədbirləri davam etdirilir.</p><p><strong>Milli.Az</strong></p>
<p>Bərdə Rayon Polis Şöbəsinin əməkdaşları tərəfindən COVID-19 virusunun yayılmasının qarşısının alınması məqsədilə həyata keçirilən nəzarət-profilaktik tədbirlər zamanı aktiv koronavirus xəstəsi ictimai yerdə aşkar olunub.</p><p>DİN-in Mətbuat Xidmətinin Bərdə regional qrupundan Milli.Az-a verilən məlumata görə, Bərdə RPŞ-nin əməkdaşlarının keçirdiyi tədbirlər zamanı rayonun Köbər kənd sakini, Bərdə Mərkəzi Xəstəxanasının travmatologiya şöbəsində həkim kimi fəaliyyət göstərən Hafiz Əliyevin koronavirus testinin nəticəsi pozitiv olduğu halda karantin qaydalarını pozaraq müalicə aldığı ünvanı tərk etdiyi aşkar olunub.</p><p>H. Əliyev xəstəxanadakı xidməti iş otağında müəyyən edilərək fəaliyyəti dayadırılıb, onunla izahedici söhbətlər aparılıb, tibbi prosedurlar gözlənilməklə yaşadığı evə qaytarılıb.</p><p><strong>Milli.Az</strong></p>
<p><strong>Xalq artisti Röya Ayxan illərlə danışmadığı Aygün Kazımova ilə duet oxumaq istədiyini açıqlayıb.</strong></p><p>Milli.Az axşam.az-a sitinadən xəbər verir ki, müğənni bu haqda "ATV maqazin onlarla" proqramında deyib. O bildirib ki, şou-biznesin üç məşhur xanımı ilə duet oxumaq istəyir:</p><p>"Aygün Kazımova, Tünzalə Ağayeva və Zülfiyyə Xanbabayeva ilə uğurlu duetimiz olar. Üçü də ayrı-ayrı xasiyyətdə xanımlardır. Onların hər birinin sənət dünyasında özümü görə bilirəm. İnanıram ki, onlarla maraqlı bir əsərlər ərsəyə gələ bilər: şou, sallanmaq, göydən tullanmaq, yıxılmaq. Xanımlarla duetim olmayıb".</p> <p><strong>Milli.Az</strong></p>
<p><strong>ARB TV-nin "Elgizlə İzlə" verilişinin aparıcısı Pərvanə Tahirqızı sosial şəbəkədəki paylaşımı ilə diqqət çəkib. </strong></p><p>Milli.Az baku.ww-ə istinadən xəbər verir ki, aparıcı sosial şəbəkədə videosunu paylaşaraq bəzi xanımlara məsləhət verib. </p><p>Pərvanə Tahirqızı isti havalarda soyunan qadınlara üzünü tutaraq ismarış göndərib: </p><p>"Qızlar, dərhal soyunmayın. Nə olub? Hara tələsirsiniz? Hələ istilər qarşıdadır. Görəcəklər, narahat olmayın. Oranızı da, buranızı da görəcəklər. Amma dərhal yox. Tələsməyin!"</p> <p><strong>Milli.Az</strong></p>
<p>Beynəlxalq Münasibətlərin Təhlili Mərkəzinin (BMTM) aparıcı məsləhətçisi Orxan Bağırovun "Suveyş kanalının bağlanması Orta Koridorun əhəmiyyətini ortaya qoydu" sərlövhəli məqaləsi Aİ-nin nüfuzlu "Modern Diplomacy" portalında, "İkinci Qarabağ müharibəsinin Ermənistan üçün iqtisadi nəticələri" başlıqlı məqaləsi isə ABŞ-ın "Eurasia Review" nəşrində dərc edilib.</p><p>Milli.Az <a href="http://azertag.az" style="line-height:;" 25.6px;" target="_blank">AZƏRTAC</a>-a istinadən bildirir ki, "Süveyş kanalının bağlanması Orta Koridorun əhəmiyyətini ortaya qoydu" sərlövhəli məqalədə Süveyş kanalının yük gəmilərinin hərəkəti bağlanması nəticəsində yaranan böhranın Orta Dəhlizin əhəmiyyətini artırmasından bəhs olunur. Qeyd edilir ki, Süveyş kanalında yaşanan böhran beynəlxalq yükdaşımaların bu marşrutdan asılılığının yaratdığı risklər barədə suallar doğurub. Bildirilib ki, ona görə də bir sıra dövlətlər bu marşruta alternativ marşrutları təklif və təbliğ etməyə başlayıblar. Belə ki, Rusiya tərəfindən Süveyş kanalından keçən yola alternativ kimi Şimal dənizi marşurtu, İran tərəfindən isə "Şimal-Cənub" Beynəlxalq Nəqliyyat Dəhlizi irəli sürülüb.</p><p>Müəllif hesab edir ki, Suveyş kanalına alternativ yola çevrilmək imkanlarına malik olan əsas yol Şərq-Qərb Nəqliyyat Dəhlizidir (Orta Dəhliz). Çünki bu dəhliz həm ənənəvi nəqliyyat yolları, həm də təklif edilən alternativlər ilə müqayisədə bir sıra üstünlüklərə malikdir. Transsibir dəmir yolu ilə müqayisədə Orta Dəhliz 2 min kilometr qısadır və daha əlverişli iqlimə malik ərazilərdən keçir. Ənənəvi dəniz yolu ilə müqayisədə isə bu marşrutla yükləri Çindən Avropaya 3 dəfə daha tez çatdırmaq mümkündür. Təklif edilən digər alternativ yola gəldikdə, Şimal dənizi marşrutu ilin böyük hissəsi qarla örtülü olur və bu marşrut üzrə yükdaşımalar üçün xüsusi təyinatlı gəmilərə ehtiyac var. "Şimal-Cənub" Nəqliyyat Dəhlizi isə Süveyş kanalına birbaşa rəqib ola bilməz. Çünki bu dəhliz Süveyş kanalı kimi, Şərqi Asiyanı Avropa ilə deyil, Hind okeanı və Fars körfəzini Şimali Avropa ilə əlaqələndirmək üçün nəzərdə tutulub. Şimal-Cənub dəhlizi yalnız Orta Dəhlizə inteqrasiya olunduğu halda Süveyş kanalı üçün alternativə çevrilə bilər. Ona görə də Orta Dəhlizin malik olduğu üstünlüklər və digər alternativlərin çatışmaz tərəfləri onu Süveyş kanalından keçən marşrut üçün ən yaxşı alternativə çevirir.</p><p>"İkinci Qarabağ müharibəsinin Ermənistan üçün iqtisadi nəticələri" başlıqlı məqalədə isə əsas diqqət İkinci Qarabağ müharibəsinin Ermənistan üçün yaratdığı iqtisadi problemlərə yönəlib. Məqalədə qeyd edilir ki, müharibə nəticəsində Ermənistanın itirdiyi hərbi texnikanın dəyəri 3,8 milyard dollardan çoxdur və bu, işğalçı ölkənin son 10 ildəki ümumi hərbi xərclərinin 77 faizə qədərini təşkil edir. Bu, böyük maliyyə zərəri olmaqla yanaşı, Ermənistan ordusunun döyüş potensialını tamamilə itirməsi deməkdir.</p><p>Diqqətə çatdırılır ki, müharibə nəticəsində Ermənistanda enerji, kənd təsərrüfatı və maliyyə sahələrində də ciddi problemlər yaranıb. Əvvəla, Ermənistan işğal altında olmuş ərazilərdəki 36 su elektrik stansiyasından 30-u üzərində nəzarəti itirib. Bu stansiyalar işğal altındakı ərazilərin enerji tələbatının 53 faizini, Ermənistanın enerji təchizatının isə 7 faizini təşkil edirdi. Ermənistan enerji istehsalı ilə yanaşı, işğaldan azad edilmiş ərazilərdə 150 min ton müxtəlif taxıl məhsullarının yetişdirildiyi 90 min hektar əkin sahəsindən də məhrum olub. Bu sahələrdə istehsal edilən taxıl məhsulları Ermənistanın yerli tələbatının 25 faizini ödəyirdi. Bu itkilər nəticəsində Ermənistan enerji və ərzaq çatışmazlığı ilə üz-üzə qalıb. Müharibə, eyni zamanda, Ermənistanın maliyyə sektoruna da böyük təsir göstərib. Müharibə dövründə hərbi xərclərin artması nəticəsində Ermənistan büdcə xərclərini çoxaldıb (85 milyon dollar) və nəticədə 2020-ci ildə büdcə xərclərinin ÜDM-də payı 27 faizə, büdcə kəsrinin ümumi daxili məhsulda payı isə 7,6 faizə çatıb. Artan xərcləri qarşılamaq üçün Ermənistan xarici borc cəlb etməli olduğundan, dövlət borcu artaraq təhlükəli səviyyəyə - ÜDM-in 66,5 faizinə çatıb. Buna görə də hazırda Ermənistan 2021-ci ilin büdcə layihəsini icra etməkdə çətinlik çəkir.</p><p>Bildirilir ki, müharibə Ermənistanda həm də makroiqtisadi göstəricilərin pisləşməsinə yol açıb. Belə ki, 2020-ci ilin yekunlarına görə, ÜDM 8,5 faiz azalıb və bu, regionda ən pis göstəricidir. Bundan başqa, müharibə başladıqdan sonra Ermənistanın milli valyutası 8,6 faiz ucuzlaşıb.</p><p>Məqalənin sonunda qeyd edilir ki, müharibənin Ermənistan üçün uzunmüddətli dövrdə ciddi mənfi iqtisadi nəticələri olacaq və onun maliyyə təhlükəsizliyini sarsıdacaq.</p><p><strong>Milli.Az</strong></p><img src="https://cdn.azerforum.com/2021/04/20/1701188.jpg"><img src="https://cdn.azerforum.com/2021/04/20/1701189.jpg">
<p>"Real"ın və Avropa Super Liqasının prezidenti Florentino Peres yeni yaradılan liqadan bəhs edib.</p><p>Milli.Az offsideplus.az-a istinadən xəbər verir ki, İspaniya telekanalı "El Chiringuito"ya danışan 74 yaşlı funksioner Super Liqanın maliyyə cəhətdən komandalara yardım edəcəyini açıqlayıb:</p><p>"Son dönəmdə böyük klublar çox pul itirdi və pis duruma düşdü. Belə anlarda çıxış yolu tapmalısınız. "Real" son 2 ildə 400 milyon avro ziyana düşüb. Avropa Super Liqası maliyyə cəhətdən klubları gücləndirəcək. Rəqabətçi ortam ilə daha çox pul qazanacağıq.</p><p>Super Liqanın yaradılmasının əsəs məqsədi dünya futbolunu xilas etməkdir. Bunu futbolu xilas etmək üçün edirik, özümüz üçün yox.</p><p>Fransanın PSJ komandasını və Almaniya klublarını hələ dəvət etməmişik. Hazırda liqada 12 komanda var, amma onların sayını 15-ə çatdırmaq istəyirik. PSJ və ya "Bavariya" təklifi rədd edərsə, turniri ləğv etməyəcəyik".</p><p>"Bütün Superliqa klublarının futbolçuları AVRO-2020 və DÇ-2022-dən kənarlaşdırılmayacaq. Buna 100 faiz əmin ola bilərlər. Superliqa klubları milli liqalardan da kənarlaşdırılmayacaq. Bizi qoruyan qanunlar var.</p><div style="text-align:;" center; margin: 15px auto;"> </div> <p>Peres UEFA-nın prezidenti Aleksander Çeferinin Andrea Anyellini "ilan" adlanırması məsələsinə toxunub:</p><p>"Çeferin Andrea Anyellini təhqir etdi, bu qəbul olunmazdır. "Yuventus" kimi klubun prezidenti barədə belə danışmaq dəlilikdir. Qəbuledilməzdir. UEFA dəyişməlidir, biz başqa prezidentləri tənhqir edən prezident istəmirik. Niyə UEFA və La Liqa maaşları açıq göstərilmir? Niyə başqalarında olduğu kimi maaşlar pandemiya dönəmində azaldılmadı? Bizə şəffaflıq lazımdır. Biz Lebron Ceymsin maaşını bilirik, amma bilmirik ki, UEFA prezidenti nə qədər qazanır".</p><p><strong>Milli.Az</strong></p>
<p>Türkiyəli müğənni İrem Derici qəzetlərdən birinə maraqlı müsahibə verib.</p><p>Milli.Az axşam.az-a istinadən xəbər verir ki, sənətçi "Varlı, amma çirkin doğulan, yoxsa gözəl, amma kasıb olan şanslıdır" sualına belə cavab verib:</p><p>"İçimdən 6-7 il öncəki şəkillərimdəki qıza bir stəkan su vermək gəlmir. Amma indiki halımı sığortalamaq istəyirəm. Kişi olub, özümlə münasibət qurmaq istəyirəm".</p><div style="text-align:;" center; margin: 15px auto;"> </div> <p><strong>Milli.Az</strong></p>
<p>Müğənni Könül Kərimova Rusiyada yeni işə başlayıb. O Moskvada "Xına evi" açıb və obyektə öz adını verib.</p><p>Milli.Az xəbər verir ki, "sherg.az"ın məlumatına görə bu barədə onun həmkarı Elnarə Abdullayeva yazıb. Xanəndə K.Kərimova ilə fotosunu İnstaqramda paylaşaraq "Könül, xeyirli olsun, Moskvada açdığın Xına evin" qeydini əlavə edib. </p><p><strong>Milli.Az</strong></p><div style="text-align:;" center; margin: 15px auto;"> </div><img src="https://cdn.azerforum.com/2021/04/20/1700984.jpg">
<blockquote> <p><em><strong>"Zaman gələcək, insanlar qılınclarını döyərək kotanlara, nizələrini oraqlara çevirəcəklər, xalqlar arasında savaş olmayacaq, müharibələrə son qoyulacaq". İncildə peğəmbərlər İsayya və Mixeyə şamil edilən bu ifadənin minlərlə il yaşı var.</strong></em></p></blockquote> <p>Bakıda saılmış Hərbi Qənimətlər Parkı barədə deyilən "tənqidi fikir"ləri, səslənən ittihamları və bəyan edilən gileyləri eşitdikcə, gördükcə, duyduqca sadəcə, təəssüflənirəm.</p><p>Məsələ heç də Parkda deyil.</p><p>Məsələ elementar və primitiv perfomans istəyində, qərəzdə, gerçəkdən uzaq suçlamalarda və subyektivlikdədir.</p><p>Həqiqət birdir: harada, kimlər tərəfindən və nə zaman deyilməsindən asılı olmayaraq.</p><p>Ötən ilin sentyabrın 27-də Ermənistan silahlı qüvvələrinin mövqelərimizi, sonra da kəndlərimizi artilleriya atəşinə tutaraq hücuma keçmək istəyi ilə başlayan, noyabrın 9-da isə elə həmin Ermənistanın tam məğlubiyyəti və total kapitulyasiyası ilə başa çatan İkinci Qarabağ Müharibəsi ölkəmizin, xalqımızın, hər birimizin zəfəridir.</p><p>28 illik işğalı sonuclamaqla bahəm, bu zəfər Azərbaycan dövlət müstəqilliyi qazanandan bəri ilk və tam qələbəmizdir.</p><p>Qalib xalq, dövlət və qövm təbii ki, qələbəsini bayram edəndən sonra bu məşəqqətli savaş günlərini xatirələrdə yaşatmaq istəyir.</p><p>Xatirə və yaddaş isə birmənalı, homogen nəsnə deyil - onun tərkib hissələri arasında qələbənin kim üzərində qazanıldığını şərtləndirən məqam var.</p><p>Əsas məqamlardan biri olan bu nəsnə özündə düşmənin kimliyinin bəlirlənməsini ehtiva edir.</p><p>Hərbi Qənimətlər Parkı da o ehtivanın vizuallaşdırılmış obrazlar toplusu olmaqla yanaşı, xalqımızı məhv etməyə çalışan düşmənin istifadə etdiyi hərbi texnikanın, silahın və sursatın nümayişidir.</p><p>Parkı tənqid edənlərin arqumentləri çox zəifdir - bu barədə, az sonra.</p><p>İddialar da bisavad və səthidir, çünki Hərbi Qənimətlər Parkına görə Azərbaycan hakimiyyətini suçlayaraq cəmiyyəti az qala ifrat militarizmdə günahlandıranların tarix, mədəniyyət barədə bilikləri, yumşaq desəm, dolğun deyil.</p><p><img alt="" src="https://cdn.azerforum.com/2021/04/20/1700979.jpg" style="width:700px;" /></p><p>1957-ci ildə sovet heykəltaraşı E.Vuçetiç gürz zərbəsi ilə qılıncı kotana çevirən dəmirçi heykəli hazırlamışdı. Sabiq Sovetlər Birliyinin rəhbərliyinin qərarı ilə "Qılıncları kotanlara çevirək" adlanan bu heykəl Birləşmiş Millətlər Təşkilatına hədiyyə olundu.</p><p>Abidə indi də BMT-nin Nyu-Yorkdakı mənzil-qərargahının önündədir.</p><p>İncildəki süjetin obraz şəklində gerçəkləşməsi humanizm, şəfqət, savaşların inkarı, sülh istəyi və əmin-amanlıq istəyidirmi?</p><p>Təbii.</p><p>Bəs belədirsə, Bakıdakı Hərbi Qənimətlər Parkı ilə bağlı mənasız, dedi-qodu selini xatırladan və hələ də səngiməyən absurdun səbəbi, məğzi və qayəsi nədir?</p><p>Özlərini humanist, insani dəyərlər sadiqi, beynəlxalq hüquq cəngavəri və az qala ermənilərin psixoloji durumlarının müdafiəçisi kimi göstərməyə çalışanlar, "Qərb dəyərləri" təki marazmatik ifadə ilə səciyyələndirilən yanlışlıqlar toplusuna sadiq olduqlarını göstərərək libertarianlıqda yeni rekord vurmaq istəyənlər nə dediklərinin, nə istədiklərinin və ümumiyyətlə, nəyə vaysınmalarının fərqindədirmi?</p><p>Bakıdakı Hərbi Qənimətlər Parkının analoqlarına dünyanın müxtəlif ölkələrində rast gəlinir. Elə həmin Qərb ölkələrində onlarla muzey var ki, qalib xalq və dövlət məğlub etdiyi düşməni heç də Belvederli Apollon, yaxud Hermes qismində göstərmir. Tam əksinə, fransızların muzeylərində almanlar zavallı və eybəcər, ingilislərin dioramlarında düşmən qaniçən, Rusiyadakı analoji muzeylərdə düşmən qaniçən cəllad obrazınadır.</p><p>Bu, öz yerində və mövzu barədə dəfələrlə yazdığımızdan izafi şərhə zərurət duymuram.</p><p>Antitezlərə varaq və fərz edək ki, Hərbi Qənimətlər Parkı ilkdir, təkdir və heç bir analoqu da yoxdur.</p><p><img alt="" src="https://cdn.azerforum.com/2021/04/20/1700980.jpg" style="height:379px;" width:700px" /></p><p>Sözügedən parkdakı fənərlər İkinci Qarabağ Müharibəsində düşmənin bizə atdığı mərmilərin gilizlərindən, skamyalar sursat yeşiklərindən hazırlanıb. Səngərlər ermənilərin Qarabağda, işğal etdikləri ərazilərimizdə 28 il ərzində goreşən kimi qazdıqları, on kilometrlərlə uzunluğu olan eşelonlaşmış müdafiə xətlərinin tam təkrarıdır.</p><p>Belədə, qayıdırıq peyğəmbərlər İsayya və Mixeyin dediklərinə, sonra da Vuçetiçin abidəsinə, çünki Bakıdakı Hərbi Qənimətlər Parkı ermənilərin aşağılanması, təhqir olunması, onların bədheybət və idbar göstərilməsi deyil.</p><p>İdeya fərqlidir, məqsəd torpaqlarımızı işğal edən qüvvənin cəlladlığını, amansızlığını, yazılı və yazılmamış qanunları heçə saymasını, beynəlxalq hüququ tanımamasını, dinc insanlarımıza divan tutmasını, terroru dövlət siyasəti səviyyəsinə yüksəltməsini göstərməkdir.</p><p>Bu park sülhün savaş, insanlığın vəhşilik, qanunların cəlladlıq, ədalətin zülm üzərində qələbəsinin simvoludur.</p><p>Parkdakı manekenlər də heç bir halda ermənilərin etnos, millət və ya toplum qismində aşağılanması, Bakının anti-erməni siyasət yürütməsinin izharı və ən nəhayət, antihumanist nümayiş sayıla bilməz.</p><p>Bakıdakı Parkla bağlı təşvişə düşən S.Osmanqızı və digərlərinin humanizmə istinadlarına gəldikdə isə, arqumentasiya qüsurludur.</p><p>Çünki humanizm kimi qələmə verilən libertarian dəyərlərin şəfqət və insanpərvərliklə heç bir əlaqəsi yoxdur.</p><p>Lakin sadəcə, nominal, de-yure azərbaycanlı sayılan Arif Yunus, Sevinc Osmanqızı və ilaxırlar Parkı az qala anti-Oradur və ya anti-Osvensim sayırlar.</p><p>Onların fikrincə, əslində haqqın Şər üzərində qələbəsinin memorialı sayılacaq Park yolverilməzdir.</p><p>"Hərbi Qənimətlər Parkı, ümumiyyətlə bu qənimətlər var və göstərilməlidir. Mən də razıyam, amma bunun bir yolu tapılmalıdır. O dünyaya hərb yox, məhz sülh mesajı verməlidir. Əgər mən öz təklifimi versəydim, deyərdim ki, həmin o, erməni güllələrini yığıb, bir yerdə ondan Bakı göyərçini düzəltmək olardı".</p><p><img alt="" src="https://cdn.azerforum.com/2021/04/20/1700981.jpg" style="height:490px;" width:700px" /></p><p>Bu fikirləri YouTube-dakı "Osmanqızı TV" kanalının canlı efirində jurnalist Sevinc Osmanqızı deyib.</p><p>"Sən düşmən üzərində qələbə qazanacaqsan, amma onu aşağılamaq nəyə gərək? Sən qalib tərəfsənsə, qalibin dili fərqli olmalıdır. Güclünün dili fərqli olmalıdır, o zəiflərdir həmişə dil uzatmağa çalışır. Ona görə də bu ideya üzərində hələ də işləməyin yeri var".</p><p>... İnsanın növ kimi özünü qoruması baxımından humanizm işləkdir və populyasiyanın ayaqda qalmasına yönəlib.</p><p>Sosial, mənəvi və əqli təkamül baxımından kollektiv Qərbin libertarian dəyərlər üzərində qurulmuş saxta humanizm modeli ziyanlıdır, çünki zərurəti minimuma endirərək fərdin inkişafını əngəlləyir.</p><p>"Hamı barəbərdir" prinsipinə əsaslanan bu dəyərlər toplusu ikili siyasəti, şəraitə görə əlcək kimi dəyişdirilən "əxlaq kodeksi"ni şərtləndirir.</p><p>Məhz budur "Qalibin dili fərqli olmalıdır" ifadəsinin məcazsız izharının səbəbi. Hərgah ifadə sadəcə, bir nəfərin şüur məhsulu olsaydı, yanlışlığına rəğmən, fərdin özəl fikri, mövqeyi kimi qəbul edilə bilərdi.</p><p>Lakin həmişə olduğu kimi, özlərini müstəqil bloqer və az qala mövcud siyasi müstəvidəki üçüncü qüvvə, alternativ fikir daşıyıcıları kimi təqdim edən nominal azərbayanlı miqrant danışanların istisnasız olaraq hamısı bir-birlərini təkrarlayırlar.</p><p>Bəli, erməni güllələrini yığıb Parkda Bakı göyərçini də düzəltmək olardı. Amma bir şərtlə ki, o güllələri Ermənistanın Silahlı Qüvvələrinin mənsubları atmayaydılar.</p><p>Düşmənimiz 28 il işğaldakı ərazilərimizi viran qoyub, ölülərlə belə, savaşıb, məzarları dağıdıb, kənd və şəhərləri xarabazara döndərib, on minlərlə azərbaycanlının ölümünə bais olub, minlərlə vətəndaşımızı ağlagəlməz işgəncələrlə öldürüb.</p><p>Yarasaların izlərindən göyərçin hazırlanmır, buna cəhd göstərməyin özü kollaborasionizm, millətin və dövlətin məruz qaldıqlarını unutmaq cəhdi, könüllü manqurtluqdur.</p><p>Xarici ölkələrdəki erməni diasporunun fəallarının, Ermənistan siyasətçilərinin və məmurlarının, habelə ermənilərin maddi və mənəvi dəstək verdikləri avropalı siyasətçilərin ritorikası ilə özlərini cəfakeş millət fədailəri qismində qələmə verənlərin açıqlamaları yenədə az qala, sözbəsöz üst-üstə düşür, təkrarlanır.</p><p>Onların bir mərkəzdən idarə olunduğunu düşünmürəm - çap, nüfuz, imkanlar və çəki fərqlidir.</p><p>Xarici ölkələrə sığınaraq millətimizin sığınacağı olan Vətəni hədəfə alanların yeni Park ritorikasının məhvərində bir mərkəzin sifarişi var.</p><p>Sifariş fərdlərə görə fərqlənir və konkret halda, cılızların ifasında sadəcə, kakafoniyaya çevrilən absurd ittihamlara çevrilir.</p><p>Dünyaya sülh mesajı verən Azərbaycan oldu və indi də belədir.</p><p><img alt="" src="https://cdn.azerforum.com/2021/04/20/1700982.jpg" style="height:394px;" width:700px" /></p><p>Son 28 ildə olduğu kimi.</p><p>Sülh arzusu işğalla barışmaq, torpaqları unutmaq deyil.</p><p>Azərbaycan əsgəri vətənində Vətən müharibəsində oldu, qalib gəldi.</p><p>Qalibin səsi və əməli sülhdür, zahiri görünüşü isə müzəffər əsgər görünüşü.</p><p>İşğalçı məğlub olanda isə təbii ki, mahiyyətini ortaya qoyur.</p><p>Bakıdakı Hərbi Qənimətlər Parkındakı manekenlərin obrazları kimi...</p><p><strong>Elçin Alıoğlu<br /> Milli.Az</strong></p>
<p>Karies - dişin sümük toxumasının müxtəlif mikroblar tərəfindən zədələnməsidir. Müxtəif səbəblər nəticəsində baş verir. Karies diş ərpi olan yerdə (dişlərin arasında, diş ilə damaq arasında, diş səthindəki yuvacıqlarda) inkişaf edir.</p><p>Yaranma səbəbləri<br /> Ən çox yayılmış səbəblər isə aşağıdakılardır:</p><p>- ağız boşluğunun mikroblarla yuksək dərəcədə çirklənməsi;<br /> - ağız şirəsi suyunun azalması və tərkibinin dəyişməsi;<br /> - dişin sümük toxumasının möhkəmliyinin azalması.<br /> Karies diş ərpi olan yerdə (dişlərin arasında, diş ilə damaq arasında, diş səthindəki yuvacıqlarda) inkişaf edir.</p><p>Kariesin səbəblərindən biri də ağız şirəsinin çatışmazlığıdır. Ağız şirəsi qida qalıqlarını yuyur və antiseptik təsir edir (ağız şirəsinin tərkibinə xüsusi antimikrob zülal vardır). Əgər hər hansı bir xəstəlik səbəbindən (immunitetin pozulması, bağırsaq xəstəlikləri) uşağın ağız şirəsinin miqdarı və keyfiyyəti aşağı düşərsə agız boşluğundakı kariesli dişlərin miqdarı az bir müddətdən sonra artmış olur. Saqqız çeynənməsi ağız şirəsinin artmasına səbəb olur. Məhz buna görə stomatoloqlar gün ərzində yeməkdən sonra 3-4 dəfə olmaqla 5-7 dəqiqə (bundan artıq məsləhət deyil!) ərzində saqqız çeynəməyi məsləhət görürlər.</p><p>Emal və dentinin möhkəmliyi irsi faktorlardan asılıdır. Bundan başqa, dişlərin möhkəmliyi uşağın ilk dövrülərdən etibarən qəbul etdiyi qidaların keyfiyyətindən, az və ya çox xəstələnməsindən də asılıdır. İnsanda kəskin və xroniki xəstəliklərin olması, bədəndə baş verən hormonal dəyişikliklər, müxtəlif qan xəstəlikləri az bir zaman ərzində 10-dan artıq dişdə kariesin əmələ gəlməsinə səbəb ola bilər. Eyni zamanda çoxsaylı dişlərdə kariesin inkişaf etməsi bədəndə kalsium mübadiləsinin pozulmasını göstərir və mütləq olaraq həkim-pediatrın məsləhətini vacib edir.</p><p>Kariyesin profilaktikası</p><div style="text-align:;" center; margin: 15px auto;"> </div> <p>Çoxsaylı mikrob toplumlarının əmələ gəlməsi üçün orta hesabla 12 saat tələb olunur. Məhz buna görə də dişləri gündə iki dəfə təmizləmək məsləhət görülür. Bu mikroblar xüsusilə gecə vaxtları daha aktiv olurlar. Buna görə də valideynlər öz uşaqlarına dişlərini düzgün şəkildə təmizləməyi öyrətməlidirlər. Bu, kariyesin profilaktikası üçün ən yaxşı vasitədir.</p><p>Kariesin profilaktikası üçün aşağıdakı qaydalara əməl etmək lazımdır:<br /> 1. Ağız boşluğunun gigiyenasına əməl edin: dişləri gündə iki dəfə (səhər və axşam yeməklərindən sonra) olmaqla ftor tərkibli diş pastası ilə təmizləyin.<br /> 2. Həkim məsləhətinə uyğun olaraq tərkibinə ftor və kalsium elementləri olan müvafiq həbləri qəbul etmək. Kalsium preparatlarını, bir qayda olaraq, ildə iki kurs olmaqla yazda və payızda qəbul etmək olar<br /> 3. İldə 2 dəfədən az olmayaraq (yazda və payızda) usağın yaşına və həkim məsləhətinə uyğun olaraq tərkibində polivitamin-polimineral kompleksi olan həblər qəbul edilməsi.<br /> 4. Konfet, mürəbbə, müxtəlif şirniyyatlar, makaron, peçenye və bu kimi məhsulların qəbulunu azaltmaq.<br /> 5. Vaxtaşırı stomatoloqun müayinəsindən keçməli.<br /> 6. Tərkibində ftor elementi olan xüsusi vasitələrlə ağız boşluğunu qarqara etmək.</p><p>Fəsadları<br /> Karies çox təhlükəli bir xəstəlikdir. O, yalnız dişin dağılmasına və sonda itirilməsinə səbəb olmur. Kariesli diş daim infeksiya mənbəyi olub son nəticədə ağız-udlağın, həmçinin daxili orqanların da iltihab xəstəliklərinə səbəb ola bilər. Bundan başqa, karies özünün digər daha ağır fəsadları ilə də qorxuludur. Çünki iltihab prosesi diş köküətrafı sümük toxumasına keçərək periodontit xəstəliyinə, çənə sümüklərinə keçdikdə isə daha qorxulu hesab edilən osteomielit xəstəliyinə səbəb ola bilər. Buna görə də kariesli dişləri (müvəqqəti və ya daimi olmasından asılı olmayaraq) mütləq müalicə etmək lazımdır.</p><p><strong>Milli.Az</strong></p>
<p>Milli.Az "Ağababa Ağababa" youtube kanalına istinadən oxucularına növbəti maraqlı resepti təqdim edir.</p><p><strong>Ərzaqlar</strong></p><p><strong>Xəmiri üçün:</strong><br /> Un.........250qr (200qr-lıq stəkanla 2 stəkan.)<br /> Şəkər tozu........70qr (3 xörək qaşığı)<br /> Duz......1 çimdik<br /> Atena kərə yağı..........150qr<br /> Qovrulub əzilmiş qoz......100qr<br /> <strong>Kremi üçün</strong><br /> Yumurta.........2 ədəd<br /> Şəkər tozu.........150qr (200qr-lıq stəkanla 3/4 stəkan)<br /> Qarğıdalı nişastası.........2 xörək qaşığı<br /> Atena xaması..........500qr ( Mən Atenanın 1 ədəd 20%-li 200qr-lıq balaca və 1 ədəd də 25%-li 330qr-lıq böyük qutu xamasından götürdüm)<br /> Atena kərə yağı..........50qr<br /> Şəkərli vanil...... 1 bağlama.</p><p>Hazırlanma qaydasına videoda baxa bilərsiniz. Nuş olsun!</p><p>Kulinariya xəbərlərini həmçinin bizim <a href="https://www.facebook.com/MilliAz-M%C9%99tb%C9%99x-1185496731494346" target="_blank">Facebook</a>-dakı Mətbəx bölməsində də izləyə bilərsiniz</p> <p>Kulinariya xəbərlərini həmçinin bizim <a href="https://daytube.az/az/tags/kulinariya/" target="_blank">Daytube</a>-dakı Mətbəx bölməsində də izləyə bilərsiniz</p><p>Kulinariya xəbərlərini həmçinin bizim <a href="https://news.milli.az/kilinariya/" target="_blank">Milli.Az</a>- dakı Mətbəx bölməsində də izləyə bilərsiniz</p><p><strong>Milli.Az</strong></p><iframe width="670" height="400" src="https://daytube.az/az/embed/105933" frame allowfullscreen></iframe>
<p>Kanadada epidemiya başlayandan bəri ilk dəfə əhaliyə nisbətdə ABŞ-dan çox yoluxma hadisəsi qeydə alınıb. Bildirilir ki, ölkədə əhalinin ən sıx yaşadığı Ontario şəhərində yoluxma halı iyun ayına kimi 600 faiz arta bilər.</p><p>Ontarionun yerli hökumət başçısı Daq Ford "Koronavirusun növləri ilə vaksinasiya arasında müharibəni uduzuruq. İradəli olarsaq, bu vəziyyət tərsinə doğru dəyişər", - deyib.</p><p>Milli.Az oxu.az-a istinadən bildirir ki, ölkədə koronavirusa qarşı tədbirlər çərçivəsində Ontario polisi sürücüləri və piyadaları saxlayaraq, küçədə olma səbəbini və ünvanlarını soruşa biləcək. Qaydalara uymayan şəxslər 600 dollar (1020 manat) cərimələnəcək.</p><p>Şəhərdəki yoluxmaların 2/3-ni koronavirusun yeni növləri, xüsusən də "Britaniya ştammı" təşkil edir. Mütəxəssislər vaksinasiyadan əlavə daha sıx tədbirlər görülməyəcəyi təqdirdə Ontariodakı yeni yoluxma hallarının gündə 30 minə yüksələ biləcəyini deyiblər.</p><div style="text-align:;" center; margin: 15px auto;"> </div> <p><strong>Milli.Az</strong></p>
<p>Günəş şüalarının faydaları</p><p>Günəş şüalarından az miqdarda və doğru zamanlarda istifadə etsəniz görmə organınızda (gözlərdə) günəş şüalarından çox müsbət təsir ortaya çıxar.</p><p>Günəş şüaları depresiyanın qarşısını alır</p><p>Günəş şüalarının psixologiyaya yaxşı təsir etdiyi və depressiyaya qarşı da faydalı olduğu sübut edilmişdir.</p><p>Günəş şüaları D vitamini səviyyəsini artırır<br /> Bədənimiz üçün son dərəcə əhəmiyyətli olan D vitaminini çöldən alacağımız bir qida yoxdur. Ya dərman preparatıyla alınır ya da günəşdən. Ən sağlıqlı olanı günəşdən alınan D vitaminidir. Gündəlik olaraq səhər saatlarında saat 10-a qədər və 16:00-dan sonra olan günəş işığında 15-20 dəqiqəlik ovuc içlərini günəşə doğru tutsanız bədəninizin yetəri qədər D vitamini depolamasını təmin etmiş olacaqsınız. D vitamini uşaqların böyüməsi üçün olduqca təsirli bir vitamindir. Yalnız uşaq deyil, böyüklər üçün də son dərəcə əhəmiyyətlidir. Sümük zədələnmələri və formalaşması üçün olduqca əhəmiyyətlidir.</p> <p>Günəş şüalarının zərərləri<br /> Təəssüf ki, yanlış zamanda və səhv şəkildə istifadə edilən günəş şüaları ölümcül nəticələr yarada bilir. Sıx görülən dəri xərçənginin ən böyük səbəblərindən biri günəş şüalarıdır. Bu dərhal özünü göstərməz, özünü günəş şüalarına qorunmadan buraxanlarda illər keçdikcə dəri problemi meydana gələr və müəyyən bir zaman sonra bu vəziyyət dəri xərçənginə çevrilər. Çox insan solyarinin daha "günahsız" olduğunu düşünür. Lakin solyari üzündən dəri xərçəngi olub ölən insan sayı normal günəş şüalarından dəri xərçənginə tutulub ölən insan sayı qədərdir artıq. Yəni ikisi arasında heç bir fərq yoxdur, solyari də son dərəcə təhlükəli və dəri xərçənginin yaranmasına səbəb olan bir faktordur.</p><p>Yanlış günəş vannası qəbul etmək bədəndə qalıcı günəş ləkələri meydana gəlməsinə səbəb ola bilər. Günəş ləkələrinin səbəbi də bədənin günəş qarşısında çox müdafiəsiz qalması deməkdir.<br /> Günəş erkən yaşlanmanın ən mühüm səbəbidir. Xüsusilə üz günəş şüalarına qarşı çox müdafiəsizdir. Hər zaman üzünüzü günəş şüalarından qorumalısınız.</p><p><strong>Milli.Az</strong></p>
<p>Futbol üzrə Superliqanın qurucu klubları hazırkı Çempionlar Liqası və ölkə çempionatlarından kənarlaşdırılmayacaq.</p><p>Milli.Az <a href="https://az.trend.az" style="color:;" rgb(7, 130, 193); font-family: arial, verdana, "trebuchet ms"; font-size: 16px; font-style: normal; font-variant-ligatures: normal; font-variant-caps: normal; font-weight: 400; letter-spacing: normal; orphans: 2; text-align: start; text-indent: 0px; text-transform: none; white-space: normal; widows: 2; word-spacing: 0px; -webkit-text-stroke-width: 0px; background-color: rgb(255, 255, 255); line-height: 25.6px;" target="_blank">Trend</a>-ə istinadən bildirir ki, bu barədə Madridin "Real" klubunun prezidenti və Superliqanın rəhbəri Florentino Peres bildirib.</p><p>F.Peres qeyd edib: "UEFA-da çaşqınlıq yaranıb və inhisarçılığı mülk ilə qarışdırırlar. Əminəm ki, klublar hazırkı Çempionlar Liqasından və ya milli liqalardan kənarlaşdırılmayacaqlar".</p><p>Qeyd edək ki, aprelin 19-a keçən gecə Avropanın 12 ən yaxşı klubu Superliqanın yaradıldığını elan edib. Bunlar İngiltərənin "Mançester Unayted", "Mançester Citi", "Tottenhem", "Liverpul", "Çelsi" və "Arsenal", İspaniyanın "Barselona", "Atletiko" və "Real", İtaliaynın "Milan", "Inter" və "Yuventus" klublarıdır.</p><div style="text-align:;" center; margin: 15px auto;"> </div> <p><strong>Milli.Az</strong></p>
<p>Koronavirusa yoluxan türkiyəli aktrisa Qonca Vuslateri paylaşımı ilə diqqət çəkib.</p><p>Milli.Az axşam.az-a istinadən xəbər verir ki, aktrisa Tvitter hesabında vəziyyətinin yaxşı olmadığını deyib:</p><p>"Ciddi mənada insan ağrıdan ağlamaq istəyir. Heç kimə qulaq asmamışam deyə bilmərəm. Maskalar, əlcəklərlə gəzdik. İnsanın ciyərində yallı oynayırlar. Sizi çoxluq olan yerə aparan şəxs "onsuzda diqqətliyik" deyirsə, xəstəlik keçər, amma o düşüncə qalıcıdır. Xahiş edirəm özünüzü qoruyun".</p><div style="text-align:;" center; margin: 15px auto;"> </div> <p><strong>Milli.Az</strong></p>
