• Şikayət et

“KTMT-yə üz tutmaq əbəs idi, Əliyevin də dediyi kimi...” - Akopyan

“KTMT Rusiya rəhhbərliyinin ambisiyalarını təmin edən klubdur”.

Teleqraf.com xəbər verir ki, bunu erməni siyasi ekspert Vigen Akopyan deyib.

“Əgər doğrudan da erməni tərəfinin KTMT-nin sammitdən ciddi gözləntiləri var idisə, təbii ki, bu gözləntilər özünü doğrultmadı. Amma məntiqsiz istəkləri, yanaşmaları, qeyri-peşəkarlığı ilə müstəsna olan bu hakimiyyətə görə (Ermənistan – red.) bunun olmayacağı bəlli idi. Digər yandan, bu, sırf siyasi xarakterli sammit idi. Eyni zamanda, KTMT hərbi-siyasi baxımdan funksional deyil. Rusiya rəhbərliyinin ambisiyalarını təmin etmək istəyən dövlətlərin birləşdiyi müəyyən hərbi-siyasi klubdur. Həmin klubda olmaq Rusiya ilə bütün aspektlərdə, o cümlədən hərbi və təhlükəsizlik sahəsində daha sıx əməkdaşlıq şansını artırır”, - ekspert bildirib.

Akopyanın fikrincə, Ermənistan KTMT-yə daxil olanda - uzaq 1992-ci ildə, Levon Ter-Petrosyanın dövründə bəlkə də ümid olub ki, KTMT nə vaxtsa funksional ola bilər:

“Həyat göstərdi ki, heç də belə deyil, bu, həqiqətən də Rusiya liderlərinin, indiki halda Vladimir Putinin ətrafında formalaşmış hərbi-siyasi klubdur. Bir ölkə öz təhlükəsizlik məsələlərində KTMT-yə bel bağlamağa çalışırsa, bu o deməkdir ki, reallıqdan çox uzaqlaşıb. Məsələn, Ermənistan hakimiyyəti KTMT-dən qoşun yeritməsini, yardım göstərməsini istəyir. Rusiya faktiki olaraq göstərir ki, probleminiz varsa, mənimlə həll edin, KTMT-yə müraciət etməyin mənası yoxdur”.

Erməni ekspert Azərbaycan Prezidenti İlham Əliyevin fikrinə də istinad edib:

“Əslində, Paşinyan müraciət edəndə KTMT-dəki durumu çox gözəl bilirdi. Digər tərəfdən, Əliyevin də dediyi kimi, KTMT-də Azərbaycanın Ermənistandan daha çox dostu var. Yəni KTMT-yə üz tutmaq əbəs idi”.

Mənbə:
0
51
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar