• Şikayət et

Maykl Doran: Ermənistan sülhün bərqərar olmasının əhəmiyyətini görəcək

İnsanların 30 ildən sonra öz evlərinə qayıtmasını görmək olduqca həyəcanvericidir.

APA xəbər verir ki, bunu Zəngilanın Ağalı kəndinə və Xudafərin körpüsünə səfər edən Hudson İnstitutunun böyük elmi işçisi Maykl Doran jurnalistlərə açıqlamasında deyib.

O bildirib ki, Azərbaycan hökumətinin vacib infrastrukturun qurulması üçün nə qədər sürətlə işlədiyini görmək heyrətamizdir: “Bu, sadəcə möhtəşəm hisslər bəxş edir. Bu, mənim strateji baxımdan da çox xoşuma gəldi və hesab edirəm ki, Azərbaycanın ABŞ üçün dəyəri yüksələn dövlət kimidir. Həmçinin, Azərbaycanın Türkiyə və İsraillə müttəfiqliyi Qərb üçün çox böyük üstünlükdür. Mən ümid edirəm ki, ABŞ-a qayıdıb insanlara bu ərazilərin nə qədər strateji olduğunu və milli maraqlarımız üçün nə qədər dəyərli olduğunu izah edə biləcəyəm”.

Amerikalı tədqiqatçı Ermənistan-Azərbaycan münasibətlərinin normallaşmasından da danışıb: “Bununla bağlı onu deyə bilərəm ki, çox həyəcanlı irəliləyişlər baş verir. Mən həqiqətən ümid edirəm ki, Ermənistan tərəfi sülhün bərqərar olmasının əhəmiyyətini görəcək. Müharibə oldu, onlar müharibəni uduzdular, amma düşünürəm ki, onların Azərbaycanla sülhün qurulmasında marağı var və hesab edirəm ki, irəliyə doğru yol çox sadədir: Zəngəzur dəhlizini açın, sərhədləri demarkasiya edin, Azərbaycan ərazilərini minalamağa son qoyun və bundan sonra Azərbaycan və Türkiyə ilə münasibətləri normallaşdıra bilərsiniz. Və hamı bundan fayda görəcək”.

Mənbə:
0
436
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar