<p><strong>“Paralel”</strong> qəzetinin kollektivini məyus edən o acı xəbər. Bu xəbərin təsirindən qurtulmağın necə ağır olduğunu ifadə etməkdə çətinlik çəkirəm. Bunun nə demək olduğunu onu tanıyanlar yəqin ki, daha yaxşı anlayar... Redaksiyamızı özünə doğma evi kimi bilən, kollektivimizi övladları kimi sevən Vaqif müəllim sözün əsl mənasında böyük, əvəzsiz insan idi. Həm xaraktercə, həm də simaca atama oxşarlığı məndə ona qarşı bir doğmalıq yaratmışdı. Elə bu doğmalığa görə idi ki, o dəyərli, əvəzsiz insana əmi deyə müraciət edirdim... Əmi qədər və ondan bir az da çox sevdiyimiz Vaqif müəllimin son bir neçə ildə redaksiyamızda çalışması özünün təbirincə desək, iş fəaliyyətini və kollektivimizə bağlılığını daha da artırmışdı. Onun “Paralel” qəzetində nəşr olunan geniş, maraqlı, dəyərli izahlarla yazdığı dini mövzudakı məqalələri doğrudan da bir tarix oldu... Onun sözün həqiqi mənasında böyük insan olduğu təkcə qələmindən çıxanlardan deyil, ədəbindən, ifadəli danışığından, atdığı hər addımının nizamlı olmasından bəlli idi. Bu və sadalamaqla bitməyən digər dəyərli xüsusiyyətləri onu anlayanlar üçün böyük məktəb idi. “Paralel” TV-də birlikdə çəkildiyimiz verilişlərdəki söhbətlərini xatırladıqca, Vaqif əminin haqqında keçmiş zamanda yazmağa əlim gəlmir...</p> <p>Onun bioqrafiyası da çox zəngin olub. Vaqif Cəliloğlu 1944-cü ildə Salyan rayonunda anadan olub. O, Azərbaycan Dövlət Neft-Kimya İnstitutunu (Neft Akademiyası) fərqlənmə diplomu ilə bitirəndən sonra müxtəlif, hətta ixtisasına uyğun olmayan sahələrdə çalışıb. Mətbuata gəlişi də yaradıcılığa olan hədsiz maraq və sevgisindən qaynaqlanırdı ki, ömrünün son saatlarına kimi, doğma redaksiyamızla əlaqəsini kəsmədi…</p> <p>Vaqif müəllimin geniş oxucu auditoriyası qazanmış kitabları evimizdəki rəfin ön sırasında yer alıb. Məqalələri, işinə peşəkar yanaşma tərzi, malik olduğu insani xüsusiyyətlərindən doğan dərin məsuliyyət hissi onu media ictimaiyyətinə tanıtdırdı, sevdirdi, rəğbətini qazandırdı…</p> <p>Məhz buna görədir ki, Vaqif müəllimin yoxluğu onu tanıyan hər kəsi kədərləndirir.</p> <p>Kollektivimiz adından o dəyərli insanın doğmalarına, əzizlərinə dərin hüznlə başsağlığı verir, üzüntü və kədərlərini bölüşürük.</p> <p>Ruhun şad olsun, Böyük İnsan!</p> <p>Özünə doğma bildiyin “Paralel” qəzetinin mehriban kollektivi səni unutmayacaq!</p> <p>Şahnaz Salehqızı</p>
<p><strong>Paralel.az</strong> xəbər verir ki, Türkiyə Prezidenti Rəcəb Tayyib Ərdoğan bu gün Çamlıca Məscidində cümə namazından sonra məscid ictimaiyyətinə müraciət edib. Türkiyə mətbuatına görə, prezident daha sonra müxbirlərin suallarını cavablandırıb. Müxbirlər prezidentə əvvəlcə ölkənin müxtəlif bölgələrində baş verən yanğınlar və təxribat iddiası ilə bağlı sual ünvanlayıb. Prezident isə araşdırmaların intensiv şəkildə davam etdiyini, yalnız çalışmalardan sonra dəqiq bir nəticə olacağını söyləyib. Qeyd edilib ki, baş verən hadisə demək olar ki, eyni anda Manavgatda başlayan, Marmaris və Bodrumu əhatə edən bir yanğındır.</p> <p>Prezident Ərdoğan deyib: “Bunun üçün milli bir perspektiv lazımdırsa, bu, bir ölkə və millət olaraq birlikdə qərar verəcəyimiz bir məsələdirsə, hər kəs eyni istiqamətə baxmalıdır. Hətta siyasət, fərziyyələr və siyasi partiyaların yanaşması həqiqətən üzüntülüdür. Prezident olaraq dərhal bütün nazir dostlarımı bölgəyə göndərdim. THK-nın burada rahatlıqla istifadə edilə biləcək təyyarələri yoxdur. Bunu hazırlayırlar. Bu gündən etibarən təyyarələrimizin sayı 5-6-ya yüksəldi. Ukraynadan, Rusiyadan aldığımız təyyarələr var. Azərbaycan da amfibiya təyyarələri göndərəcək. 6-7 təyyarə də olacaq. Bu təyyarələr ən səmərəlisidir. 800 su çəni, 2800 su tankeri, 2270 birinci cavab vasitəsi aktiv işləyir. 660 dozer və tikinti texnikası və yanğın tankı aktivdir. Burada 10550 yanğınsöndürən fəal şəkildə xidmət göstərir. Bölgədə hələ də 4 min 110 texniki heyət çalışır. Mübarizə 1140 nöqtədə aktiv şəkildə davam edir. 71 meşə yanğını meydana gəlib, 28-30 iyul tarixləri arasında 57 meşə yanğını söndürülüb. Onlardan 14-ü hələ də var. Günorta saatlarında təyyarələrin gəlişi ilə müsbət istiqamətə qayıdırıq. Nazirlərimiz, mənim müavinlərim Binali Yıldırım və Süleyman Soylu da bu gün bölgəyə getdi”.</p> <p>Ərdoğan qeyd edib ki, sel fəlakətində kimsənin qurban edilməyəcəyi söylənərək addımlar atıldığı kimi, evləri yandırılan və heyvanları tələf olanların ziyanı da qiymətləndiriləcək: “Heç bir vətəndaşımıza zərər verməyəcəyik. Ətraf Nazirliyimiz öz işini görəcək və TOKİ ilə birlikdə evləri yandırılanların evlərini yenidən qurub təhvil verəcək”.</p> <p>Nigar</p>
<p><strong>Paralel.az</strong> xəbər verir ki, Beynəlxalq Olimpiya Komitəsinin (BOK) prezidenti Tomas Bax Olimpiya Oyunlarının şüarını dəyişdirmək mövzusunda danışıb. Ria.Novostinin məlumatına görə, Müqəddəs Taxtın yüksək səviyyəli nümayəndəsi ilə məsləhətləşmələr uğursuz bir səhvdən qaçmağa imkan verib. Xatırladaq ki, BOK-un iyulun 20-də Tokioda keçirilən 138-ci sessiyasının iştirakçıları hazırda “Citius, Altius, Fortius - Communiter” (“Daha sürətli, daha yüksək, daha güclü - birlikdə”) kimi səslənən Olimpiya Oyunlarının şüarının dəyişdirilməsini yekdilliklə qəbul edib. Məlum latın formulu 1894-cü ildə Sorbonnadakı konqresdə təsdiq edilib və o vaxtdan bəri heç vaxt dəyişməyib. Xəbərdə qeyd edilib ki, mövcud şüarın dəyişdirilməsi fikri şübhəsiz ki, bir çox məşhur Olimpiya Hərəkatı üzvləri və məşhur</p> <p>idmançılarla müzakirə edilib. Bildirilib ki, Vatikanda təkcə mədəni məsələlərə deyil, həm də idmana nəzarət edən Kardinal Ravazi latınçı olduğu üçün Olimpiya şüarının yeni formulu üçün çox spesifik tövsiyələr hazırlanıb. Onu da xatırladaq ki, Atletica Vaticana üzvləri ilə görüşdə Papa Fransisk Məsihin iki şagirdinin müjdə hekayəsini şərh edərək, nəinki idmanda, həm də həyatın müxtəlif sahələrində bəzən ən zəif adamı, başqası qədər güclü və sürətli olmayan birini gözləməyi bacarmağın zəruriliyini söyləyib.</p> <p>Nigar</p>
<p><strong>Paralel.az</strong> xəbər verir ki, Səhiyyə Nazirliyinin təşkilatçılığı ilə 26 iyul 2013-cü il tarixində Şirvan və Gədəbəy Mərkəzi Rayon Xəstəxanalarında könüllü qanvermə aksiyaları keçirilmişdir.</p> <p>Aksiyalar zamanı Şirvan MRX-da 140 nəfər, Qədəbəy MRX-da isə 175 nəfər tibb işçisi könüllü olaraq qan vermişdir. Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaqdır.</p> <p>Aksiyalar davam edir.</p> <p>Şahnaz</p>
<p>Operativ Qərərgah: "Unutmayaq ki, o pandemiya hələ bizimlə vidalaşmayıb"</p> <p>Artıq iki gündür ki, Beyləqandayıq. Əgər axşamüstü Operativ Qərərgahın statistikasına nəzər salmasaq, rayonda koronavirus pandemiyasından əsər-əlamət yoxdur. Yerli sakinlərlə söhbətimiz zamanı dedilər ki, Beyləqanda pandemiya ötən il oldu-keçdi. Sakinlərin sözlərinə görə, keçən ilin payızında ölkədə müşahidə edilən ikinci dalğa Beyləqanda hiss olunmayıb. Rayonda pandemiya 2020-ci ilin ortalarında, 44 günlük müharibəyə qədər tüğyan edib. Həmin dövrdən sonra isə pandemiya yavaş-yavaş sönüb, keçıb.Artıq rayon əhalisi demək olar ki, normal həyata qayıdıb. Rayon mərkəzindəki çayçılarda qələbəlikdir. Ölkə üzrə tətbiq edilən xüsusi karantin rejiminin qadağaları artıq zəhmətkeş fermerlərin cilovunu çevrilib, onların işinə mane olur.Masalən, yetişdirilmiş məhsulların bazara çıxarılmasına xüsusi karantin rejimi bir sıra əngəllər yaradır. Yerli fermerlər hesab edir ki, xüsusi karantin rejimi bölgələrdə yumşaldılmalı, bəlkə də ləğv edilməlidir.Onu da qeyd edək ki, rayon əhalisinin xəstəlik keçirməşim hissəsinin əksəriyyəti COVİD-19 əleyhinə peyvəndinin hər iki dozasını alıb.Beyləqan əhalisinin təkliflərinə Operativ Qərərgahın mövqeyini öyrəndik. Qərərgah sözçüsü bildirdi ki, bəzi bölgələrdə pandemiya səngisə də, Bakıda yeni dalğaya doğru gedirik: "Bunu gündəlik statistika da təsdiqləyir. Xüsusi karantin rejiminin aradan götürülməsi Bakı ilə bölgələr arasında əlaqələr intensivləşər ki, bu da yoluxmanı bir qədər də sürətləndirər və bölgələrə yayılmasına səbəb ola bilər. İnsanlar fərdi qoruyucu vasitələrdən istifadə etməli, fərdi gigeniyalarına xüsusi fikir verməlidirlər. Unutmayaq ki, pandemiya hələ bizimlə vidalaşmayıb".Akif</p>
<p><strong>Beyləqan mərkəzi xəstəxanasının direktoru vəzifəsini ələ keçirən rüşvətxor və cinayətkar Ruhəngiz Bəşirova, nəhayət əvvəl direktor işlədiyi, lakin rayon sakinlərinin şikayətlırinin təzyiqilə tərk etməyə məcbur olduğu Xocavənd xəstəxanasını əlində saxlamaq üçün özünə həm əməl, həm də xaraktercə yaxın olan Kifayət Hacıyevanı direktor təyin etdirib.</strong></p> <p><strong>Beyləqan xəstəxanasında uzun müddət həkimi işləmiş, xəstə və sağlam adamlara rüşvətlə saxta əlillik təyin edilməsini təşkil etdiyinə görə, dəfələrlə töhmət almış, aşağı vəzifəyə keçirilmiş Kifayət Hacıyevanın Ruhəngiz Bəşirovanın istəyilə TƏBİB tərəfindən Xocavənd rayon xəstəxanasına direktor təyin olunacağı barədə bir neçə gün əvvəl verdiyimiz proqnoz çox keçməmiş təsdiqini tapdı.</strong></p> <p><strong>Rayon əhalisinin yüksək dövlət orqanlarına göndərdiyi çoxsaylı şikayət materiallarında Xocavənd xəstəxanada qanunları kobud şəkildə pozmaqda və rüşvətxorluqda ittiham olunan sabiq direktor Ruhəngiz Bəşirova TƏBİB-in direktoru Ramin Bayramlının köməyilə bu ilin fevralında Xocavənddən Beyləqan rayon xəstəxanasının direktoru vəzifəsinə gətirilməsi ölkədə, Xocavənddə və Beyləqanda gündəmi zəbt etdi.</strong></p> <p><strong>Bu dəyişiklik Beyləqanda tibb ictimaiyyətinin və əhalinin ciddi qəzəbinə səbəb oldu. Bu qəzəbin ciddi səbəbləri var. Bu çoxsaylı səbəblərdən ölkə ictimaiyyətinə mətbuatdan bəlli olan biri üzərində dayanacam.</strong></p> <p><strong>Beyləqan ictimaiyyətini və rayon əhalisini qəzəbləndirən əsas səbəb odur ki, Ruhəngiz Bəşirova Xocavənd xəstəxanasında baş həkim işlədiyi dövrdə rüşvət almaqla və doğulmamış uşaqlara saxta sənəd tərtib edməklə, dövlətin pulunu cinayət yolu ilə mənimsəyib.</strong></p> <p><strong>2016-cı ildə bu cinayət əməlinə görə, hətta Ağcabədi rayon prokurorluğunda R. Bəşirovaya cinayət işi açılıb, o, baş həkim vəzifəsindən 2 dəfə azad olunub.</strong></p> <p><strong>Lakin baş həkim ağır cinayət əməli törətdiyinə görə, məsuliyyətə cəlb olunmayıb, əksinə həbsə atılmaq əvəzinə o, yenidən baş həkim vəzifəsinə qaytarılıb. Bu da haqlı olaraq xocavəndliləri ölkənin yüksək dövlət orqanlarına şikayət etmək üçün vəsilə olub.</strong><br/> <strong>Şikayətçilər 30 ildir Xacavənd icra hakimiyyətinin başçısı kreslosunda əyləşən Eyvaz Hüseynovun himayəsilə həbsdən qurtulan Xocavənd xəstəxanasının baş həkimi Ruhəngiz Bəşirovanın rayonda törətdikləri ağır cinayət əməllərinin ölkə prezidentinə və Birinci vitse prezidentə çatması üçün mətbuat konfransı keçirib onları ifşa ediblər.</strong><br/> <strong>Lakin rayon əhalisinin ardıcıl şikayətlərinə baxmayaraq Eyvaz Hüseynovun dəstəyilə aşkar cinayətlərinin üstünü örtüb, istəyinə nail olan Ruhəngiz Bəşirova Kifayət Hacıyevanı direktor kürsüsünə əyləşdirib, hazırda Xocavənd və Beyləqan rayon xəstəxanalarının rüşvət çarxını əlinə keçirərək, qaz vurub, qazan doldurur...</strong></p> <p><strong>Aldığımız xəbərə görə, Ruhəngiz Bəşirovanın təqdimatı, TƏBİB-in direktoru Ramil Bayramlının əmrilə Xocavənd rayon xəstəxanasının direktoru vəzifəsinə keçən və Ruhəngiz Bəşirovanın təlimatı ilə işə başlayan Kifayət Hacıyeva işçilərə ilk müdhiş tapşırıqlarını çox kobud, mədəniyyətsiz və qanunazidd tərzdə verib: "hər bir işçi sabahdan vaksinasiya üçün 2 nəfər cəlb etməlidir. Tapşırığı yerinə yetirməyən tibb və texniki işçilərdən ilk dəfə izahat alınacaq, mənim tələbimi təkrar ödəməyən işçilər işdən azad olunacaqlar"-deyib!..</strong></p> <p><strong>Xocavənd rayon xəstəxanasına yeni direktor təyin olunmuş Kifayət Hacıyeva hələ də bilmir ki, vətəndaş heç kimin təhriki, təzyiqi və məcburetməsilə vaksinasiya edilə bilməz!...</strong></p> <p><strong>Züleyxa</strong></p>
<p>Belarusla Azərbaycan arasındakı münasibətlər möhkəm təmələ dayanır.</p> <p>“BelTa” xəbər verir ki, bunu Azərbaycanın Belarusdakı fövqəladə və səlahiyyətli səfiri Lətif Qəndilov Nümayəndələr Palatasının sədri Vladimir Andreyçenko ilə ölkəmizdəki diplomatik missiyasının başa çatması münasibətilə keçirdiyi görüşdən sonra jurnalistlərə bildirib.</p> <p>“Münasibətlərimiz çox möhkəm təmələ söykənir. Müstəqilliyin son 30 ili ərzində o, çox möhkəmlənib. Əlbəttə ki, burada əsas məsələ prezidentlərimiz, onların şəxsi münasibətləridir. Buna əsasən dövlətlərimiz arasındakı münasibətlər yüksək səviyyəyə qalxıb”, - deyə Lətif Qəndilov qeyd edib.</p> <p>Onun sözlərinə görə, Belarus və Azərbaycan nəinki yaxın, dost ölkələrdir, eyni zamanda strateji tərəfdaşdır:</p> <p>“Və bugünkü münasibətlərimiz buna uyğundur. Prezidentlərimiz daim görüşür, bu, davamlı intensiv münasibətdir. Hər iki ildən bir saatlar tutuşdurulur, dəqiq vəzifələr qoyulur və bu daima onlar tərəflərindən yoxlanılır. Buna görə burada nəzərdə tutulmuş plandan kənara çıxmaq sadəcə, mümkün deyil. Və Belarus Prezidentinin son səfəri göstərdi ki, 2018-ci ildə qarşıya qoyulmuş vəzifələr tam yerinə yetirilib və münasibətlərimizdə, əməkdaşlığımızın dərinləşməsində, sənaye müəssisələrimizin qarşılıqlı fəaliyyətində yeni bir mərhələ başlayır. Sentyabr ayında iqtisadi əməkdaşlıq üzrə hökumətlərarası komissiyanın keçirilməsi planlaşdırılır”, - deyə o vurğulayıb.</p> <p>Lətif Qəndilov əlavə edib ki, ölkələrimiz arasındakı münasibətlərdə çox yaxşı perspektivlər mövcuddur:</p> <p>“Təhsil, mədəniyyət, səhiyyə sahələrində əməkdaşlıq əlaqələrimizi dərinləşdirəcəyik. Hesab edirəm ki, bu mərhələdə məhz bu sahələr daha da böyük dəstək və inkişaf əldə edəcək”.</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https:https://cdn.oxu.az/uploads/W1siZiIsIjIwMjEvMDcvMjkvMTcvMzMvMzkvNDFjYjdmZDctMGE1MS00OTY5LWFlYmMtMTlhNzNlOTI2NDkyLzAwMDAyMF9EODNFRjNBRjUxMzA0QTc4NDMyNTg3MjEwMDI5NzY2OV84NDYyOS5qcGciXSxbInAiLCJlbmNvZGUiLCJqcGciLCItcXVhbGl0eSA4MCJdLFsicCIsInRodW1iIiwiNTkweDU5MFx1MDAzZSJdXQ?sha=310abb410a1a7bbb"> <img class="img-fluid" alt="" src="https:https://cdn.oxu.az/uploads/W1siZiIsIjIwMjEvMDcvMjkvMTcvMzMvMzkvNDFjYjdmZDctMGE1MS00OTY5LWFlYmMtMTlhNzNlOTI2NDkyLzAwMDAyMF9EODNFRjNBRjUxMzA0QTc4NDMyNTg3MjEwMDI5NzY2OV84NDYyOS5qcGciXSxbInAiLCJlbmNvZGUiLCJqcGciLCItcXVhbGl0eSA4MCJdLFsicCIsInRodW1iIiwiNTkweDU5MFx1MDAzZSJdXQ?sha=310abb410a1a7bbb"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https:https://cdn.oxu.az/uploads/W1siZiIsIjIwMjEvMDcvMjkvMTcvMzMvMzkvZWFiMDYyNjMtM2NmOS00ZDQwLWIzZTYtYWMwMjY4M2U3MDNjLzAwMDAyMF9EODNFRjNBRjUxMzA0QTc4NDMyNTg3MjEwMDI5NzY2OV81NDY1NTMuanBnIl0sWyJwIiwiZW5jb2RlIiwianBnIiwiLXF1YWxpdHkgODAiXSxbInAiLCJ0aHVtYiIsIjU5MHg1OTBcdTAwM2UiXV0?sha=8d7ad490739004a2"> <img class="img-fluid" alt="" src="https:https://cdn.oxu.az/uploads/W1siZiIsIjIwMjEvMDcvMjkvMTcvMzMvMzkvZWFiMDYyNjMtM2NmOS00ZDQwLWIzZTYtYWMwMjY4M2U3MDNjLzAwMDAyMF9EODNFRjNBRjUxMzA0QTc4NDMyNTg3MjEwMDI5NzY2OV81NDY1NTMuanBnIl0sWyJwIiwiZW5jb2RlIiwianBnIiwiLXF1YWxpdHkgODAiXSxbInAiLCJ0aHVtYiIsIjU5MHg1OTBcdTAwM2UiXV0?sha=8d7ad490739004a2"/> </a> </div> </div> </div>
<p>“Komandanın bu cür zəif çıxış etməsindən belə görünür ki, hazırlıq zamanı nəsə problem olub. Amma federasiya tərəfindən “qa” deyiblər “qa”, “qu” deyiblər “qu” veriblər. Bütün təlim-məşq toplanışlarında iştirak ediblər. Heç bir cüdoçunun zəif məşq keçməsi barədə danışmağa haqqı da yoxdur. Burada baş məşqçinin, məşqçilər heyətinin səhvləri var”.</p> <p>Bunu <strong>paralel.az</strong>-a Azərbaycan Cüdo Federasiyasının Yarışların Təşkili və Keçirilməsi Komitəsinin sədri, Ağsaqqallar Şurasının rəhbəri Ağayar Axundzadə deyib.</p> <p>Kişilərdən ibarət cüdo millimizin sabiq məşqçisi Tokio Yay Olimpiya Oyunlarında idmançılarımızın zəif çıxışından danışıb. O, Rüstəm Orucov istisna, digər cüdoçularımızın zəif çıxış etdiyini bildirib:</p> <p>“Rüstəm Orucovun medal qazanacağını gözləyirdik. Ancaq Şohey Ono ilə bir səbətə düşməsi ilə bəxti gətirmədi. Yapon idmançıya həmişə uduzub. Ononun reytinqdə 13-cü olması Rüstəmlə bir səbətə düşməsinə səbəb oldu. Məsələn, reytinqdə 1-ci olan digər yaponiyalı cüdoçu Soiçi Haşimoto Olimpiadada çıxış etsəydi, başqa səbətə düşəcəkdi.</p> <p>Bu cüdoçuların əvvəlki çıxışları göstərir ki, hamısının medal qazanmaq şansı vardı. Ancaq niyə belə zəif çıxış etdilər – özümə də çox qəribə gəldi. Adamın ürəyi yanır. Baxırsan ki, gürcülər gənclərlə cüdoda üç final keçirdilər, bir qızıl qazandılar. Niyə bizimkilər olmasın?!</p> <p>Kimsə deyə bilər ki, bizim uşaqlar güləşmək istəmir, "qudurublar". Amma bu, düzgün söhbət deyil. Kim istəməz ki, qalib gəlib 5-10 manat mükafat qazanmasın, sosial vəziyyətini düzəltməsin. Hamısı istəyir. Amma uşaqlarda elə bil həvəs, döyüşkənlik yoxdur.</p> <p>Dostlarımız bizə yazır ki, noldu, niyə bizimkilər belə çıxış edir? Adam söz tapmır deməyə. Pandemiya vaxtı bütün təlim-məşq toplanışlarına aparılıblar. Onlar sponsorumuz SOCAR, federasiya tərəfindən hər şeylə təmin olunublar. Hamısı da təcrübəli idmançılardır. Vallah, deməyə söz tapmıram”.</p> <p>O, baş məşqçi Ruslan Maşurenkonun komandadan göndərilməsinin tərəfdarı olduğunu bildirib:</p> <p>“Bizim də xəmirimiz cüdo ilə yoğrulub. İstərdik ki, biz də Olimpiadada medal qazanıb tanınaq. Ən çox lisenziyanı da biz qazanmışdıq. Amma nəticə yoxdur. Kiçik bir ölkə olan Kosovo cüdoda artıq iki qızıl medal qazanıb.</p> <p>Sabah da medal olmasa, məşqçilər heyətində dəyişikliyin olması labüddür. Baş məşqçiyə buna görə “çox sağ ol” deyəsi deyilik ki. Olimpiadada medal qazananda nə Peter Zayzenbaxer, nə də Ruslan Maşurenko var idi. Fərhad Məmmədov, Mövlud Mirəliyev kimi yığma komandada özümüzün yaxşı məşqçiləri olub”.</p> <p>Qeyd edək ki, indiyədək yeddi cüdoçumuz (altı kişi və bir qadın) Tokioda tatamiyə çıxsa da, medal qazana bilməyib. Sabah ən ağır çəkilərdə Azərbaycanın son iki cüdoçusu – Uşanqi Kokauri (+100 kq) və İrina Kindzerskaya (+78 kq) çıxış edəcək.</p> <p><strong>Səbuhi Musayev</strong></p>
<p>Baku TV-nin canlı yayımında xəbər vaxtıdır:</p> <p>Ac toyuq yuxusunda darı görür. Nikol Paşinyan da yenə nəticəsi olmayacaq nələrisə sınamaq istəyir.</p> <p>Daha bir həyatı məhv olan körpə. Narkotik aludəçisi olan ana həm özünü, həm də körpəsini qurban etdi.</p> <p>Türkiyədə meşə yanğınları, Amerika Birləşmiş Ştatlarında isə güclü zəlzələ və sunami xəbərdarlığı. Təbiət hadisələrinin dəhşətli görüntüləri BAKU NEWS-da.</p> <p>Daha ətraflı BAKU NEWS-un 17:00 buraxılışında:</p> <div class="embed-responsive" embed-responsive-16by9"> <iframe class="embed-responsive-item" src="https://www.youtube.com/embed/Kvuugoj59OM" allowfullscreen></iframe> </div>
<p>Bakı şəhəri, M.K.Atatürk prospekti ev 47 sakini Əhməd Əliyev üzləşdiyi problemdən bəhs edib. Vətəndaş qeyd edib ki, 15.02.2021-ci il tarixdə “Avropa Qapıları” şirkətinə 3 ədəd mənzil qapısı sifariş verib: “10.02.2021-ci il tarıxdə şirkətin nümayəndəsi Şahlar müəllimə qapıların ölçüşü alınarkən, beş yüz manat beh ödəmişəm. Amma ödədiyim pul müqabilində mənə kassa çeki verilmədi. 05.03.2021-ci il tarıxdə sifarişi qəbul edən Rəsmiyyə Məhərrəmova qapıların hazır olduğunu və şirkətə gəlib qalan borcu ödəməyimi xahiş etdi. 06.03.2021-ci il tarixdə borcumun 554 manatından 500 manatını ödədim. Sifarişin ümumi dəyəri 1054 manat təşkil edirdi. Qalan 54 manatın isə qapılar quraşdırılandan sonra ödəniləcəyinə razılaşdıq. Bu ödəniş zamanı yenə də mənə rəsmi maliyyə sənədi, kassa çeki və ya mədaxil orderi verilmədi. 11.03.2021-ci il tarixdə qapıları gətirdilər, amma onlar</p> <p>mənim sifarış etdiyim deyıldi. Tam başqa, tələbatıma uyğun olmayan qapılar idi. Mən qapıları geri qaytardım və səhəri günü şirkətin Teymur Əliyev küçəsindəki baş ofisinə gedərək ödədiyim məbləğin - 1000 manatın geri qaytarılmasını xahiş elədim. Əfsuslar olsun ki, cəmi bir dəfə şirkətin rəhbər işçilərindən Aqil adlı şəxslə danışa bildim. Davamlı olaraq bir neçə dəfə şirkətlə əlaqə saxlamışam, dəfələrlə gedib müdirin qəbuluna düşmək istəmişəm, amma üzləşdiyim problemə heç bir reaksiya verilməyib və tədbir görülməyib. Mən İqtisadiyyat Nazirliyi yanında yaradılmış Antiinhisar və İstehlak Bazarına Nəzarət Dövlət Xidmətinin qaynar xəttinə dəfələrlə zəng etsəm də nəticəsiz qalıb.</p> <p>Əlacsız qalıb Nərimanov rayon prokurorluğuna ərizəylə müraciət etdim. Ordan da mənə dedilər ki, rayon polisi bu barədə məlumatlıdır. Lakin bu vaxta kimi nə prokurorluqdan, nə də polisdən bir xəbər gəlib. Sonra Azad İstehlakçılar Birliyinə və ali dövlət orqanlarına müraciət etdim. Lakin bugünə kimi heç bir dövlət orqanından bu məsələyə praktik kömək olmayıb. Şirkətə</p> <p>ödədiyim 1000 manatın, mənə dəymiş mənəvi və maddi zərərin kompensasiya şəklində ödənilməsini, “Avropa Qapıları” şirkətinin bu qanunazidd hərəkətləri barədə KİV-ə, uyğun dövlət orqanlarına məlumat verilməsini xahiş edirəm”.</p> <p>Nigar</p>
<p><strong>Paralel.az</strong> xəbər verir ki, bəlli olduğu kimi, payız aylarında müəllimlərin sertifikasiyası gözlənilir. Bu barədə bizə müraciət edən şəxslər MİQ imtahanlarındakı sualların çox çətin olmasından bəhs ediblər. Onların sözlərinə görə, texnologiya və filologiya ixtisası olan şəxslər bundan daha çox narazı qalıb: “Ümumiyyətlə, müəllim ordusu, ali təhsilli, neçə ilin pedaqoji təcrübəsinə malik olan şəxslər sertifikasiya olunmasından narazıdırlar. Bu, cəmiyyətdə müəllimlərə qarşı inamsızlıq yaratmaq deməkdir. Müəllimlər nüfuzdan düşür. Bundan başqa, insanların sertifikasiyadan narazı olmasının başqa tərəfləri də var. Yəni müəllimlər sertifikasiyadan keçiriləcəksə, ona uyğun xüsusi kitablar da çap olunmalıdır. İnsanlar da kurrikulum, müsahibə, fənn suallarıının əsasında hazırlaşmalıdır. Amma reallıqda belə deyil. Hər kəs bir kitab dərc edir, bilinmir sertifikasiyada bu kitabların hansından suallar düşəcək. Müəllim də bu xaosun, qarışıqlığın içində itib-batır, çoxu həyəcan keçirir, xəstələnir, sağlamlığında müxtəlif fəsadlar yaranır”.</p> <p>Şikayət müəllifləri daha sonra əməkhaqqı məsələsindən də bəhs ediblər. Onların sözlərinə görə, hazırkı əməkhaqqı məbləği bütün müəllimlər üçün bərabər və müasir yaşam şərtlərinə uyğun deyil: “Deyirlər ki, müəllimlər üçün orta aylıq əməkhaqqı 720 manatdır. Bu maaş o şəxslər üçündür ki, orda dərs var. Əksər məktəblərdə isə dərs azdır, saat hesabıyladır. Ona görə də 6-10, 12-15 saat dərs deyən müəllim qətiyyən 720 manat maaş ala bilməz. Əslinə qalsa, həmin maaş insanların hazırkı, bugünkü tələbatını ödəmir”.</p> <p><strong>Nigar</strong></p>
