"Prezident İlham Əliyevin bu sərəncamı vətəndaşların sosial müdafiəsi baxımından ciddi əhəmiyyətə malikdir" - RƏY

"Prezident İlham Əliyevin sosial ödənişlərin artırılması ilə bağlı növbəti sərəncamı vətəndaşların sosial müdafiəsinin Azərbaycan dövlət siyasətinin başlıca istiqamətlərindən olduğunu sübut edir. Son dövrlər vətəndaşların sosial vəziyyətinin yaxşılaşdırılması istiqamətində ciddi işlər görülür və xüsusilə həssas qrupların təqaüd və pensiyaları, sosial müavinətləri və əmək haqqıları artırılıb. Yeni sərəncam vətəndaşların sosial müdafiəsi baxımından ciddi əhəmiyyətə malikdir".
Bunu Pravda.az-a açıqlamasında Milli Məclisin deputatı Cavid Osmanov deyib.
O bildirib ki, Azərbaycanda dövlət siyasətinin mərkəzində vətəndaşların sosial rifah halının yaxşılaşdırılması dayanır: "Xüsusilə də həssas qruplara aid olan vətəndaşların sosial vəziyyətinin yaxşılaşdırılması istiqamətində son illər ciddi işlər həyata keçirilib. Oktyabrın 16-da Prezident İlham Əliyev tərəfindən imzalanan "Əhalinin sosial rifahının qorunması sahəsində əlavə tədbirlər haqqında" Sərəncamı birbaşa vətəndaşların sosial müdafiəsinə xidmət edir. Bilirsiniz ki, dünyada baş vermiş hadisələr, xüsusilə də COVID-19 pandemiyası iqtisadiyyata ziyan vurub. Azərbaycan həm də müharibədən çıxıb. Belə bir şəraitdə Azərbaycan Prezidenti İlham Əliyevin sosial ödənişlərin artırılması ilə bağlı Sərəncam imzalaması xalq tərəfindən yüksək qiymətləndirilir. Nəzərə almaq lazımdır ki, Tarif Şurası qazın və elektrik enerjisinin istehlak qiymətlərində müvafiq dəyişikliyi təsdiqləyib. Belə dövrdə sosial ödənişlərin artırılması, doğrudan da, xüsusilə həssas qrupdan olan vətəndaşlar üçün çox əhəmiyyətlidir. Bu, bir daha sübut edir ki, vətəndaşların sosial vəziyyətinin yaxşılaşdırılması Azərbaycan dövlətinin prioritet vəzifələrindəndir. Sərəncam təxminən 1 milyon 800 mindən çox Azərbaycan vətəndaşını əhatə edir. Sərəncama əsasən, həmin vətəndaşların təqaüd, sosial müavinət, pensiya və əmək haqqlarında 2022-ci ildən etibarən artım nəzərdə tutulub. Şübhəsiz ki, bu, vətəndaşların sosial vəziyyətini yaxşılaşdıracaq və daha yaxşı yaşayışı təmin edəcək".
Nəzrin Cavid

Mənbə:
0
183
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar