<h1>Tibbi maskalar ekologiyaya ZƏRƏR vurur - ARAŞDIRMA</h1> <p>Hər gün dünyada 6.8 milyard birdəfəlik tibbi maskadan istifadə edilir.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> Lent.az-a istinadən <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, bu barədə Kanada alimləri araşdırma aparıb. </p> <p>Araşdırmaya görə, istifadə edilən maskaların 75 faizi okean sularına qarışır. Bu isə planetin ekologiyasına ciddi zərər vurur.</p>
<h1>Sənay Qəhrəmanlıya təcavüz edən oğlan saxlanıldı - FOTO</h1> <p><a rel="nofollow" href="https://big.az" title="xeberler" son xeberler 2021" target="_blank">Xəbər</a> verdiyimiz kimi, AXCP Rəyasət Heyətinin üzvü Fuad Qəhrəmanlının qızı Sənay Qəhrəmanlı (Yağmur) xalası oğlu Əsgər Ağayev tərəfindən cinsi zorakılığa məruz qaldığını, yəni zorlandığını iddia edib.</p> <p>Oxu.Az xəbər verir ki, Əsgər Yusif oğlu Ağazadə şübhəli şəxs qismində saxlanılıb. </p> <p>Bununla bağlı Sənay Qəhrəmanlının anası Zümrüd Yağmur paylaşım edib.</p>
<h1>BBC World News-da "Azərbaycanı kəşf et" - VİDEO - FOTO</h1> <p>"BBC World News" televiziya kanalında "Azərbaycanı kəşf et - gələcəyə gedən yol" adlı videoçarx yayımlanır.</p> <p>Milli.Az AZƏRTAC-a istinadən bildirir ki, 200-dən çox ölkədə yayımlanan, 450 milyon izləyicisi olan "BBC World News" telekanalında nümayiş etdirilən videoçarxda zəngin mədəni irsə malik olan, keçmişlə gələcəyin astanasında yerləşən Azərbaycanın tarixi və müasir memarlıq abidələrindən, füsunkar təbiətindən, nəqliyyat və texnoloji imkanlarından, ölkəmizdəki sürətli inkişafdan bəhs olunur.</p> <p>Qeyd edilir ki, gündən-günə daha da müasirləşən Bakı şəhərində yeni göydələnlər, ticarət mərkəzləri, ən müasir biznes mərkəzləri və otellər tikilməkdədir. Videoçarxda, həmçinin ölkəmizin dəniz qapıları olan, eyni zamanda, Bakı şəhərini beynəlxalq nəqliyyat-kommunikasiya mərkəzinin qovşağına çevirən Beynəlxalq Dəniz Ticarət Limanının görüntüləri də nümayiş etdirilir.</p> <p>Videoda Bakının tarixi və müasirliyini, dini tolerantlığını, inkişafını, dəniz, hava və yol infrastrukturunu özündə ehtiva edən müxtəlif görüntülər təqdim olunur. Eyni zamanda, videoçarxda Şuşanın gözəl mənzərəli dağlarına, görkəmli sənət xadimləri - Xurşidbanu Natəvanın, Üzeyir Hacıbəylinin, Bülbülün Şuşadakı büstlərinə, Şəki Xan Sarayına dair kadrlar da yer alıb.</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="https://izle.az/embed/SymxNTQ0szCxAAA%7E" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div> <p>Təqdim olunan videoçarxda UNESCO-nun Dünya İrs Siyahısına daxil edilmiş İçərişəhərin ərazisində yerləşən və Bakının rəmzi hesab olunan XII əsrin tarixi memarlıq abidəsi olan Qız qalası, Şirvanşahlar Sarayı kompleksi, dünyaca məşhur memar Zaha Hadidin layihəsi əsasında inşa olunan Heydər Əliyev Mərkəzi, "Crystal Hall, "Külək-alov" konsepsiyası əsasında tikilən "SOCAR Tower", səthi tamamilə LED ekranlarla örtülən "Alov qüllələri", "Park Bulvar" və "Dəniz Mall" ticarət mərkəzləri, Heydər Əliyev Beynəlxalq Aeroportu, habelə inşası davam etdirilən nəhəng tikililər də nümayiş olunur.</p> <p>Videomaterialda hündür minarələrinin, günbəzlərinin xüsusi gözəllik verdiyi Heydər məscidinin və digər dini məbədlərin görüntüləri təqdim edilir, Azərbaycanda təkcə məscidlərin deyil, kilsə və sinaqoqların da qorunub saxlanıldığı vurğulanır.</p> <p>Videoçarxda müasir texnologiyaların Azərbaycana yeni fürsətlər gətirdiyi qeyd olunur, ölkənin nəqliyyat və texnoloji imkanları nümayiş etdirilir. Həmçinin ölkədə yaşıl enerjidən istifadə olunması, ölkənin külək və günəş enerjisi ilə çalışan stansiyaları barədə izləyicilərə məlumat verilir, Qobustanın yaşıl enerji üzrə hibrid elektrik stansiyasına aid kadrlar nümayiş etdirilir.</p> <p>"BBC World News"un təqdim etdiyi material ölkəmizin tarixi, milli-mədəni irsi, habelə müasirliyi və dinamik inkişafı ilə bağlı beynəlxalq ictimaiyyətin məlumatlandırılması, turistlərin və investorların ölkəyə cəlb edilməsi baxımından mühüm əhəmiyyət kəsb edir.</p>
<h1>Hamam arzusu turistin gözündən gəldi - Təcavüzə uğradı, sonra da ədəbsiz bir təklif aldı - VİDEO</h1> <p>Türkiyəyə ziyarətə gələn və uzun illər həsrətində olduğu türk hamamına gedən sosial media fenomeni Yosi Enomoto adlı turist yəqin bundan sonra bir daha hamama getmək istəməz. Belə ki, türk hamamında təcavüzə məruz qaldığını iddia edib.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> Milli.Az-a istinadən <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, turist əvvəlcə təcavüzə məruz qalıb, sonra hamamda başqa birindən "səninlə cinsi əlaqədə olmaq istəyirəm" təklifi ilə üzləşib.</p> <p>Sosial media fenomeni olan turist başına gələnləri paylaşıb. Yapon gənc hadisə ilə bağlı "hamamlar təhlükəlidir" mesajını paylaşıb.</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="https://izle.az/embed/SymxNTQ0szA2BQA%7E" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Bu ölkədə fahişəlik qadağan ediləcək</h1> <p>İspaniyanın Baş naziri Pedro Sançes ölkədə fahişəliyi qadağan edəcəyini və bunu cinayət sayacağını bəyan edib.</p> <p>Valensiya şəhərində üç gün davam edən Sosialist Partiyasının qurultayında tərəfdarları qarşısında çıxış edən P. Sançes fahişəliyin qadınları əsarət altına aldığını söyləyib.</p> <p>Qeyd edək ki, İspaniyada fahişəliklə məşğul olmaq 1995-ci ildən etibarən cinayət hesab edilmir.</p> <p>Səbəb kimi bu sahədə çalışan insanların və onların <a rel="nofollow" href="https://xidmetler.az" title="xidmetler" target="_blank">xidmət</a> göstərdikləri şəxslərin tibbi təhlükəsizliyini yaxşılaşdırmaq əsas götürülüb.</p> <p>Rəsmi məlumata əsasən, hazırda İspaniyada təxminən 300 min qadın leqal olaraq fahişəliklə məşğul olur./Oxu.az</p>
<h1>Koronavirusa görə bir həftəlik tətil olsun</h1> <p>Rusiyada yeni növ koronavirus (COVID-19) infeksiyası ilə bağlı vəziyyətin pisləşməsi ilə əlaqədar bir həftəlik tətil <a rel="nofollow" href="https://tezbazar.az" title="elanlar" sayti alqi satqi sayti" target="_blank">elan</a> olunması təklif edilib.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, bu təkliflə Rusiya Baş nazirinin müavini Tatyana Qolikova çıxış edib.</p> <p>O, oktyabrın 30-dan noyabrın 7-nə kimi qeyri-iş günü elan olunmasını təklif edib.</p> <p>Qeyd edək ki, Rusiyada koronavirusla bağlı vəziyyət gərginləşib. Son sutka ərzində koronavirusa 33 mindən çox yoluxma halı qeydə alınıb. Virusdan ölənlərin sayında isə pandemiya dövründə ən maksimum göstərici qeydə alınıb. Belə ki, son sutka ərzində 1015 nəfər koronavirusdan ölüb./Medicina.az</p>
<h1>Koronavirusun yeni ştammıyla bağlı alimlərdən XƏBƏRDARLIQ</h1> <p>Böyük Britaniyanın Kembricdəki Senger İnstitutundan Ceffri Barrett və London Universitetindən Fransis Ballou Hindistanda koronavirusun yenidən mutasiyaya uğradığı haqda <a rel="nofollow" href="https://big.az" title="xeberler" son xeberler 2021" target="_blank">xəbər</a>darlıq ediblər.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> Axşam.az-a istinadən xəbər verir ki, alimlər "AY.4.2" adlanan yeni ştammın 10-15% daha yoluxucu olduğunu bildiriblər.</p> <p>Onların sözlərinə görə, "AY.4.2" pandemiya dövrünün ən təhlükəli mutasiyası ola bilər.</p>
<h1>Gecə saatlarında küçədən beş yaşlı uşaq tapılıb – VİDEO</h1> <p>Bu gün gecə <a rel="nofollow" href="https://saatlar.az" title="saatlar" brend saatlar qol saatlari" target="_blank">saatlarında</a> Bərdə rayonunun Heydər Əliyev prospektində beş yaşlı Akif Abdullayev sakinlər tərəfindən aşkarlanıb.</p> <p>Yerli sakinlər azyaşlını polisə təhvil veriblər. </p> <p>Aparılan araşdırmalardan sonra məlum olub ki, uşağın atası həbsdə olduğuna görə Akif bibisinin himayəsində yaşayır. </p> <p>Daha ətraflı Baku TV-nin süjetində:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="https://izle.az/embed/qyyxNQ72djQNMDcNKE8HAA%7E%7E" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Koronavirusa yoluxanlar psixi müalicə almalıdır - Psixiatrlardan həyəcan təbili</h1> <p>Koronavirusa yoluxub sağalmış insanların yalnız 30 faizinin psixikası bərpa olunur, belə şəxslər arasında depressiyadan əziyyət çəkənlər çoxdur.</p> <p>Medicina.az <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, bu fikri rusiyalı həkim Maryana Lısenko bildirib.</p> <p>"Psixiatrlar durmadan həyəcan təbili çalırlar, depressiv vəziyyətdə olanların sayı həddən artıq çoxdur, koronavirusa yoluxub sağalanların yalnız 30 faizi xəstəlikdən əvvəlki psixi vəziyyətə qayıda bilirlər. Özü də biz bilmirik ki, bu qalıcıdır, ya yox? Bu ciddi müalicə tələb edir ki, onun özü də ayrıca problemdir"</p>
<h1>Putinin "gözəl qadın" dediyi jurnalist onun tort üzərində şəklini paylaşıb - FOTO</h1> <p>CNBC jurnalisti Hedli Qembl öz "Instagram" hesabında üzərində Rusiya prezidenti Vladimir Putinin şəkli olan və "Çox gözəlsiniz" yazılan tortun şəklini paylaşıb.</p> <p>Onun sözlərinə görə, bu hədiyyəni ona dostları edib.</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="https://izle.az/embed/y0y3dQ7zDA5wL03P9QkAAA%7E%7E" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div> <p>Xatırladaq ki, Rusiya Enerji Həftəsi beynəlxalq forumunda çıxışı zamanı Putin Qembli "gözəl qadın" adlandırmışdı. Həmin vaxt Rusiya dövlət başçısı Avropaya qaz təchizatı ilə bağlı eyni suala iki dəfə cavab verməli olmuşdu.</p> <p>"Gözəl, simpatik qadın. Mən ona bir söz deyirəm - o isə tamam başqa söz deyir. Elə bil dediyimi eşitmir", - deyə həmin vaxt prezident bildirmişdi./Oxu.az</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="https://izle.az/embed/09cvyEmsTC3SS0rMLtUrKdNPzU1KTdE3MTUyNAIA" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>72 yaşlı şirkət rəhbərinə 9 il həbs cəzası VERİLDİ</h1> <p>Bakı Ağır Cinayətlər Məhkəməsində rüşvət almaqda təqsirləndirilən "Fakt Araşdırıcı-N" MMC-nin direktoru Zeynal Məmmədovun cinayət işi üzrə məhkəmə prosesi başa çatıb.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> unikal.org-a istinadən <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, hakim Eldar Ismayılovun sədrliyi ilə keçirilən prosesdə hökm oxunub.</p> <p>Məhkəmənin hökmü ilə Z.Məmmədov 9 il müddətinə azadlıqdan məhrum edilib.</p> <p>Qeyd edək ki, "Fakt Araşdırıcı-N" MMC-nin vəzifəli şəxslərinin qanunsuz əməlləri barədə Baş Prokuror yanında Korrupsiyaya Qarşı Mübarizə Baş İdarəsinin 161 nömrəli Qaynar xətt əlaqə mərkəzinə daxil olmuş vətəndaş müraciətləri əsasında cinayət işi başlanmışdı.</p> <p>İbtidai istintaqla Zeynal Məmmədovun həmin vəzifədə işləyərkən <a rel="nofollow" href="https://xidmetler.az" title="xidmetler" target="_blank">xidməti</a> vəzifələrinin icrası ilə əlaqədar ona müraciət etmiş ayrı-ayrı şəxsləri həmin Cəmiyyətdə işə qəbul etmək üçün müxtəlif məbləğlərdə pul vəsaitini rüşvət qismində almasına, daha sonra cinayət yolu ilə əldə edilmiş pul vəsaitinin əldə olunmasının həqiqi mənbəyini gizlətmək məqsədilə məzmununa bilə-bilə yalan məlumatlar daxil etdiyi rəsmi sənədləri təsdiq etməklə vəzifə saxtakarlığına yol verərək pul vəsaitlərini leqallaşdırmasına əsaslı şübhələr müəyyənləşdirilib.</p> <p>Xatırladaq ki, Z.Məmmədov barəsində daha əvvəl də Qida Təhlükəsizliyi Dövlət Agentliyindən daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində istintaq aparılmışdı.</p> <p>Araşdırma zamanı MMC-nin təsisçisi və direktoru Zeynal Məmmədovun 2017-2020-ci il tarixlərdə rəhbərlik etdiyi cəmiyyətə işə götürmək adı ilə vətəndaşlardan ümumilikdə 31 epizod üzrə cəmi 17 min manat məbləğində pulu bir neçə dəfə rüşvət kimi istəyərək almasına əsaslı şübhələr müəyyən edilmişdi.</p> <p>Ona məhkəmənin hökmü ilə 8 il 6 ay azadlıqdan məhrum etmə cəzası verilmişdi. Bu dəfə Z.Məmmədova həmin cəzanın yerdə qalan hissəsi ilə sonuncu cəzası qismən toplanaraq hökm elan olunub.</p> <p>Qeyd edək ki, Zeynal Məmmədovun 72 yaşı var.</p>
<h1>Nə üçün hər gün 100-200 qr çuğundur yeməliyik?</h1> <p>Ən ucuz və sadə tərəvəzlərdən biri olan çuğundur eyni zamanda ən faydalı tərəvəz sayıla bilər.</p> <p>Mütəxəssislər çuğundurun orqanizmə olan təsirini araşdırıb belə nəticəyə gəliblər ki:</p> <p>- Çuğundurun tərkibində olan betanin orqanizmin hüceyrələrini iltihabdan qoruyur və bununla da bir çox xroniki xəstəliklərin və o cümlədən xərçəngin riskini xeyli azaldır.</p> <p>- Həmçinin betanin qaraciyərin fəaliyyətini yaxşılaşdırır.</p> <p>- Sink və selenlə zəngin olan çuğundur imun sisteminə müsbət təsir edir.</p> <p>- Selen qalxanvari vəzinin (zob) normal fəaliyyəti üçün ən vacib maddələrdən biri sayılır. Bu səbəbdən qalxanvari vəzi problemləri olanlar da mütləq çuğundur yeməlidir.</p> <p>- Çuğundur təzyiqi normada saxlamağa kömək edir. </p> <p>- Çuğundurun tərkibində olan nitratlar beyinin fəaliyyətini yaxşılaşdırır.</p> <p>- Çuğundur arıqlamağa kömək edir, orqanizmdə piylərin yandırılmasını sürətləndirir.</p> <p><b><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> </b>sağlamolun.az-a istinadən <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, diyetoloqlar hər gün 100-200 qr bişmiş çuğundur yeməyi tövsiyə edirlər.</p>
<h1>Qonşusunu öldürən: "Diski qoyanda gördüm ki, arvadımla intim görüntüləri var"</h1> <p>Yevlaxda qonşusunu qətlə yetirməkdə təqsirləndirilən 1990-cı il təvəllüdlü Qorxmaz Həsənəliyevin cinayət işi üzrə məhkəmə prosesi yekunlaşıb.</p> <p>Lent.az həmin cinayət işi üzrə materialları əldə edib.</p> <p>İttihama görə, hadisə bu il fevralın 21-i <a rel="nofollow" href="https://saatlar.az" title="saatlar" brend saatlar qol saatlari" target="_blank">saat</a> 13 radələrində Yevlax rayonunun Qaraoğlan kəndi ərazisində qeydə alınıb. </p> <p>Belə ki, Q. Həsənəliyev aralarında yaranmış̧ mübahisə zamanı odlu silahdan atəş açaraq qonşusu 1983-cü il təvəllüdlü Xəyal Səfərovu qəsdən öldürməsinə əsaslı şübhələr müəyyənləşdirilib.</p> <p>Faktla bağlı Yevlax Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Q. Həsənəliyev tutulub. Həsənəliyev ittiham üzrə özünü təqsirli bilib. </p> <p>O, ifadəsində bildirib ki, 2016-cı ildə Oğuz rayonu Xaçmaz kənd sakini olan dayısı qızı Sevil (ad şərtidi) ilə ailə həyatı qurub: "Birgə nikahımızdan 1 azyaşlı övladım var. 2019-cu ildə maddi vəziyyətim zəif olduğundan Rusiyaya "Çerkez" bazarına işləməyə getdim. İki-üç ay işləyirdim ki, evdən zəng etdilər. Dedilər ki, atanının vəziyyəti pisdir. Mən də rayona qayıtmalı oldum. Evə gələndən sonra atam mənimlə təklikdə söhbət etmək istədi. Qırağa çəkildik. O, Sevilin məni aldadaraq xəyanət etdiyini dedi. Və tapşırdı ki, Sevilin ana və atasına zəng edərək onu burdan aparmalarını istəyim. Atamdan Sevilin məni kimlə aldatdığını soruşdum. O, qonşumuz Xəyalla münasibəti olduğunu dedi. Həmin vaxt evdən çıxaraq Xəyalın mobil telefonuna zəng edərək görüşmək istədim. Lakin Xəyal Bakıda olduğunu deyərək, telefonda məni təhqir edib, dəstəyi qoydu. Həmin vaxt Sevili ata və anası aparıb getmişdi".</p> <p>Təqsirləndirilən şəxs qeyd edib ki, bir neçə həftə sonra Oğuza gedib: "Fikrim vardı ki, Sevilin ana və atası ilə söhbət edim. Anası xəstə olduğu üçün çox söhbətlər edə bilmədim. Sevillə qısa bir görüşüm oldu. O mənə "bağışla" deyərək ağladı. Başqa heç nə danışmadı. Oğuzdan qayıdandan sonra boşanma ərizəsi ilə Yevlax rayon Məhkəməsinə müraciət etdim. Bir ay ərzində Sevildən boşandım. Övladım da anasının himayəsində qaldı. Lakin həmin vaxtlar utandığımdan heç yerə çıxa bilmirdim. Bu vaxt Xəyal rayona qayıtmışdı. Yoldan keçəndə hərdənbir mənə eyham vuraraq qonşularında bir dənə kişi olmamağını deyirdi. Bunlara dözə bilmirdim. Ona görə bir neçə aylıq Cəlilabada qardaşımın evinə getdim".</p> <p>Q. Həsənəliyev bildirib ki, iki ay qardaşıgildə qaldıqdan sonra yenidən Yevlaxa qayıdıb:</p> <p>"Kənddə qala bilmirdim. Uşaq üçün də darıxmışdım. Ona görə Oğuza uşağımı görməyə getdim. 4-5 gün dayımgildə qaldım. Təxminən hadisədən 4-5 gün əvvəl Yevlaxa geri qayıtdım. Hadisə günü evdə tək idim. Xarici ölkəyə getmək haqqında düşünürdüm. Bu səbəbdən xarici pasportu axtarırdım. Orada tapa bilmədiyimdən evdəkilərin çantalarına baxdım. Bu zaman qarşıma telefon kartı və bir neçə disk çıxdı. Kartı telefonuma taxanda gördüm ki, arvadım Sevillə qohumumuzun mesajları var. Orada Sevil qohumumuza Xəyalla olan münasibətlərini etiraf edir. Səs yazısında isə Sevil Xəyalın bu münasibət haqqında heç kimə məlumat verməyəcəyini deyir. Həmin vaxt əsəblərim tarıma çəkildi. Diskləri evdəki DVD-yə taxdım. Bu zaman arvadımın Xəyalla intim görüntüləri üzə çıxdı. Görüntülərin evin həyətində atam tərəfindən gizli çəkilmişdi. Atam bu videoları gələcəkdə məhkəmədə sübut üçün qeydə alaraq saxlayıb. Əlim ayağım əsməyə başladı. İlk öncə diskləri götürüb əmimgildə olan atamın yanına getmək istədim. Sonra fikrimi dəyişərək evə qayıtdım. Artıq özümdən utanırdım. Gecəni səhərə qədər yata bilmədim. İntihar haqqında düşünürdüm. Lakin Xəyalın məni çöldə lağa qoyması, söz atması mənə təsir edirdi. Onun bizim ailəmizin şərəf və ləyaqətinə sataşmasını qəbul edə bilmirdim".</p> <p>İttiham olunan şəxs deyib ki, səhəri gün Xəyalı küçədə görüb: " Həyətə hava almaq üçün çıxmışdım. Bu vaxtı Xəyalın haradansa gəldiyini gördüm. O, mənə çatana yaxın mənə "peysər", daha sonra isə "mənim qonşularım nə gündədir" deyib getdi. Artıq dözə bilmirdim. Evə girərək öz adıma sənədləşmiş qoşalüləli "TOZ" markalı 16 kalibrli tüfəngi sandıqdan götürdüm. Silahı götürüb ədyalın arasında olan 2 dənə patronu gödəkcəmin cibinə qoyub silahı yığdım və Xəyalgilin evinə getdim. Uzaqdan gördüm ki, Xəyal əlində araba ilə mən tərəfə gəlir. Qabağına çıxıb, silahı onun üzərinə tuşlayaraq "ay şərəfsiz sən idin mənim qapıma girən? dedim. O isə "nədir indi qeyrətə gəlmisən?" dedi. Mən olanlardan tam <a rel="nofollow" href="https://big.az" title="xeberler" son xeberler 2021" target="_blank">xəbərdar</a> olmadığımı bildirdim. Sonda isə "artıq bu kənddə heç kimin anasına və ya bacısına sataşa bilməyəcəksən" deyib silahı nişan alıb Xəyala ilk atəşi açdım. Xəyal sinəsini tutub səndələyərək yerə uzandı, artıq Xəyalın ölmüş olacağını düşünüb silahın lüləsini aşağı salıb geri qayıtmaq istəyərkən Xəyal yenidən başını qaldırıb mənə tərəf "ayə, ayə" dedi. Bu zaman geri qayıdaraq ona yaxın məsafədən yenidən atəş açdım. Evə tərəf gələndə atam səsə qaçdı. Məndən nə baş verdiyini soruşanda Xəyalı öldürdüyümü dedim. O, mənə əsəbiləşərək bir neçə sillə vurdu. Sonra polisə və təcili yardıma zəng etdi. Törətdiyim əməldən peşmanam". </p> <p>Məhkəmənin hökmü ilə Q. Həsənəliyev 9 il 6 ay müddətinə azadlıqdan məhrum edilib.</p>
<h1>10 uşağı öldürüb qanını içdi: Döyüb...</h1> <p>Keniyada 20 yaşlı Masten Vanjal yerli sakinlər tərəfindən döyülərək öldürülüb.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a>-ın Lent.az-a istinadən məlumatına görə, hadisə ölkənin Bunqoma şəhərində baş verib.</p> <p>Vanjal uşaqları öldürüb daha sonra onların qanını içməkdə günahkar bilinib.</p> <p>Məlumata görə, manyak özünü uşaqlara futbol məşqçisi kimi təqdim edərək onları aldadırmış. Daha sonra uşaqlara narkotik verən Vanjal onları öldürüb qanını içirmiş.</p> <p>Oktyabrın əvvəlində polis onun izinə düşərək həbs etmişdi. İlkin istintaq zamanı məlum olmuşdu ki, onun qurbanlarının sayı düz on nəfərdi. Amma o, paytaxt Nayrobidəki həbsxanadan qaçaraq Bunqomada gizlənibmiş. Manyak çox gizlənə bilməyib. Yerli sakinlər onu küçədə görəndə tanıyıblar və döyüb öldürüblər.</p>
<h1>Rusiya Telman İsmayılovun ekstradisiyası üçün materialları Monteneqroya təqdim edib</h1> <p>Rusiyanın Monteneqrodakı səfirliyi iş adamı Telman İsmayılovun təhvil verilməsi üçün lazımi materialları bu ölkənin müvafiq strukturlarına təqdim edib.</p> <p>Bu barədə diplomatik nümayəndəlikdən <a rel="nofollow" href="https://big.az" title="xeberler" son xeberler 2021" target="_blank">xəbər</a> verilib.</p> <p>Qeyd edək ki, bir qədər əvvəl Monteneqronun Ədliyyə Nazirliyi İsmayılovun ekstradisiyasına dair Rusiya tərəfindən heç bir sorğu almadığını bildirmişdi.</p> <p>Xatırladaq ki, Rusiya Baş Prokurorluğu iş adamının cinayət məsuliyyətinə cəlb ediləcəyini bəyan edib./Oxu.az</p>
<h1>Bu il doğulan üçəm və dördəmlərin sayı...</h1> <p>Bu ilin yanvar-avqust aylarında Azərbaycanda doğulan əkiz və üçəmlərin sayı açıqlanıb.</p> <p>Dövlət Statistika Komitəsindən Medicina.az -a verilən məlumata görə, Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-avqust ayları ərzində 73177 doğulan körpə qeydə alınıb.<br/> Əhalinin hər 1000 nəfərinə bu göstərici 11,0 təşkil edib.</p> <p>Doğulan uşaqlar arasında oğlanların xüsusi çəkisi 53,4 faiz, qızların xüsusi çəkisi isə 46,6 faiz olub. Körpələrdən 1 862-si əkiz, 51-i üçəm, 4-ü isə dördəm doğulub.</p>
<h1>Nazarbayev xalqından üzr istəyib</h1> <p>Qazaxıstanın keçmiş prezidenti Nursultan Nazarbayev xalqından üzr istəyib.</p> <p>81 yaşlı siyasətçinin etirafları yeni ekranlaşdırılan "Portretin ştrixləri. Həqiqətlər" filminin anonsunda təqdim olunub.</p> <p>N.Nazarbayevin mətbuat katibi bildirib ki, film Nursultan Nazarbayev Fondunun dəstəyi ilə həyata keçirilib.</p> <p>O qeyd edib ki, N.Nazarbayev filmdə sensasiyaya çevriləcək açıqlamalarla çıxış edib./Oxu.az</p>
<h1>İlham Əliyev Özdemir Bayraktarın vəfatı ilə əlaqədar Ərdoğana başsağlığı verib</h1><p>Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana başsağlığı məktubu ünvanlayıb.</p> <p><a class="linkblue" href="https://azertag.az/xeber/Turkiye_Respublikasinin_Prezidenti_Zati_alileri_cenab_Receb_Tayyib_Ardogana-1903526" target="_blank" title="AZƏRTAC">AZƏRTAC</a> xəbər verir ki, mətndə deyilir:</p> <p>"Hörmətli cənab Prezident,</p> <p>Əziz Qardaşım,</p> <p>"Baykar" şirkətinin İdarə Heyətinin sədri Özdemir Bayraktarın vəfatı xəbəri məni olduqca kədərləndirdi.</p> <p>Bu ağır anlarda dərdinizi bölüşür, Sizə, ailənizin üzvlərinə və yaxınlarınıza səbir diləyir, dərin hüznlə başsağlığı verirəm.</p> <p>Allah rəhmət eləsin!"</p>
<h1>Eyni anda meydana gələn üç burulğan insanları təşvişə saldı - VİDEO</h1> <p>Türkiyənin Hatay bölgəsində eyni anda meydana gələn üç burulğan qorxunc bir görüntü yaradıb.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a> oxu.az-a istinadən <a rel="nofollow" href="https://big.az" title="xeberler" son xeberler 2021" target="_blank">xəbər</a> verir ki, təbiət hadisəsi anbaan yaxınlıqda olan sakinlər tərəfindən anbaan telefonla qeydə alınıb.</p> <p>Burulğan bir neçə dəqiqədən sonra sahilə çatmadan gözdən itib.</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="https://izle.az/embed/SymxNTQ0szAwAwA%7E" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Saxlanılan beş erməni İrəvana təhvil verilir - FOTO</h1> <p>Rusiyanın Qarabağda müvəqqəti yerləşdirilmiş sülhməramlılarının keçmiş komandanı general-leytenant Rüstəm Muradovun olduğu təyyarə Bakıdan İrəvana yola düşüb.</p> <p>"Caliber"in "Telegram" səhifəsinin məlumatına görə, R.Muradov Azərbaycanın güc strukturları tərəfindən saxlanılan beş erməni hərbçini ölkələrinə aparır.</p> <p>Məlumata görə, söhbət Azərbaycan ordusu və əhalisinə qarşı ağır cinayətlərdə əli olmayan sıravi erməni əsgərlərindən gedir. Onlardan bəziləri 27 may 2021-ci ildə Azərbaycan ərazisinə daxil olmağa cəhd edərkən Kəlbəcərədə saxlanılan diversiya qrupunun üzvləridir.</p> <p>Onların belə tezliklə buraxılması, heç şübhəsiz ki, Azərbaycan tərəfinin növbəti humanist addımıdır. Hərçənd, onlara daha ağır cəza verilə bilərdi.</p> <p>"Caliber" əlavə edib ki, ümumilikdə, hadisəyə Azərbaycan və Ermənistan arasında cərəyan edən siyasi proseslərin tərkib hissəsi kimi yanaşmaq daha düzgün olardı.<br/> <img src="https://cdn.azerforum.com/2021/10/19/3902673.jpg" alt="Saxlanılan" beş erməni İrəvana təhvil verilir - foto" class="imgbcode" /></p>
<h1>28 may qeyri-iş günü, 18 oktyabr iş günü olacaq</h1> <p>Bayram <a rel="nofollow" href="https://tezbazar.az" title="elanlar" sayti alqi satqi sayti" target="_blank">elan</a> edilmiş 28 May Müstəqillik Günü qeyri-iş günü, 18 Oktyabr Müstəqilliyin Bərpası Günü iş günü olacaq.</p> <p><a rel="nofollow" href="https://sonxeber.az" title="en" son xeberler 2021" target="_blank">Sonxeber.az</a>-ın məlumatına görə, bu, Əmək Məcəlləsinə təklif edilən dəyişiklikdə əksini tapıb.</p> <p>Qanun layihəsi Milli Məclisin Hüquq siyasəti və dövlət quruculuğu komitəsinin bu gün keçirilən iclasında müzakirə olunub və parlamentin plenar iclasına tövsiyə olunub.</p> <p>Qeyd edək ki, Prezident İlham Əliyevin 15 oktyabr 2021-ci il tarixli sərəncamı ilə təsdiqlənən "Müstəqillik Günü haqqında" qanuna əsasən, mayın 28-i Müstəqillik Günü, oktyabrın 18-i Müstəqilliyin Bərpası Günü elan olunub. Müstəqillik Günü və Müstəqilliyin Bərpası Günü hər il bayram kimi qeyd ediləcək. Əmək Məcəlləsinə dəyişiklik isə uyğunlaşdırma xarakteri daşıyır.</p> <p>Xatırladaq ki, bundan əvvəl mayın 28-i Respublika Günü, oktyabrın 18-i Dövlət Müstəqilliyi Günü kimi qeyd olunub.</p>
