<p><strong>GÜNDƏM...</strong></p><p><iframe allow="accelerometer;" autoplay; clipboard-write; encrypted-media; gyroscope; picture-in-picture" allowfullscreen="" frame height="315" src="https://www.youtube.com/embed/g0B7dlthOWQ" title="YouTube" video player" width="560"></iframe></p>
<p>Konfrans Liqasının ikinci təsnifat mərhələsində "Zirə"nin rəqibi olan "Makkabi" futbolçularından biri ilə müqavilə müddətini uzadıb.</p><p><strong>Sportinfo.az </strong>Təl-Əviv klubunun rəsmi saytına istinadən xəbər verir ki, Parfe Giaqon komandada saxlanılıb.</p><p>Fil Dişi Sahilindən olan futbolçu ilə 3+1 illik sözləşmə imzalanıb.</p><p>2019-ci ildən "Makkabi"də oynayan 21 yaşlı afrikalı ötən mövsümü Netaniyanın "Makkabi" klubunda çıxış etmişdi.</p> <p>"Zirə"nin "Makkabi" ilə ilk oyunu iyulun 21-də Bakıda, cavab qarşılaşması isə iyulun 28-də Təl-Əvivdə keçiriləcək.</p>
<p>Baş məşqçi postuna Laurentsiu Reqekapmfı gətirdikdən sonra “Neftçi” daha iddialı heyət formalaşdırmağa çalışır.</p><p><strong>Sportinfo.az </strong>xəbər verir ki, qanalı futbolçu “Neftçi” ilə 2024-cü ilə qədər müqavilə imzalayıb.</p><p>Qanada “Rayt to Dream” akademiyasının yetirməsi olan Donhoy “Mançester Siti”nin aşağı yaş qruplarından ibarət komandalarında oynayıb. Amma o, Mançester klubunun əsas heyətində oyuna çıxa bilməyib.</p><p>O, karyerası ərzində "Yurqorden", "Falkenberq", "Nordşelland", "Dinamo"(Drezden) klublarında çıxış edib. 27 yaşlı futbolçu fərqli ölkələrdə, fərqli klublarda oynasa da, komanda yoldaşı olduğu ulduz futbolçuların sayıazdı. </p> <p><strong>Daniel Amartey - </strong>Hazırda Qana millisinin və “Lester”in aparıcı üzvü olan Daniel Amartey “Neftçi”nin yeni transferi ilə “Yurqarden”də birlikdə çıxış edib. Belə ki, hər iki qanalı İsveç klubunda 2013/2014 sezonunda oynayıb.<br /> <br /> <img alt="" src="https://cdn.azerforum.com/2022/07/04/6742578.jpg" /><br /> <br /> <br /> <strong>Stanislav Lobotka </strong>– Slovakiyalı futbolçu azərbaycanlı futbolsevərlərə həm millidən, həm də “Napoli”dən tanışdı. Millisinin aparıcı futbolçusu olan 27 yaşlı yarımmüdafiəçi “Neftçi”nin yeni transferini yaxşı tanıyanlardandı. Lobotka da Qodsvay kimi “Nordşelland”də az oynamayıb. Slovakiyalı 2015-ci ildə "Trençin"dən Danimarka klubuna keçmişdisə, Qodsvay bir il sonra bu kluba qoşulmuşdu. Hazırda “Napoli” forması geyinən futbolçu 2017-ci ildə Danimarkanı tərk edərək “Selta”ya keçmişdi. Qodsvay isə 2020-ci ildə “Dinamo”da qısamüddətli icarədən sonra “Makkabi”yə keçib.<br /> <br /> <img alt="" src="https://cdn.azerforum.com/2022/07/04/6742579.jpg" /><br /> <br /> <strong>Emre Mor - </strong>"Fənərbaxça" ilə yeni müqavilə imzalayan Emre də “Neftçi”nin yeni hücumçusunun nəyə qadir olduğunu yaxşı bilir. Hər iki futbolçu “Nordşalland”da birlikdə oynayıb.<br /> <br /> <img alt="" src="https://cdn.azerforum.com/2022/07/04/6742580.jpg" /><br /> </p><p><strong>Ben Sahar </strong>– İsrail futbolunun tanınmış simalarından biri də Ben Sahardı. “Çelsi”, “Portsmut”, “Espanyol”, “Oser”, “Herta” kimi tanınmış klubların hücumçusu olmuş 32 yaşlı forvard Qodsvayla “Makkabi”də komanda yoldaşı olub. Sahar indi də Hayfa klubunun şərəfini qoruyur (sportal.az). <br /> <img alt="" src="https://cdn.azerforum.com/2022/07/04/6742581.jpg" /></p>
<p>Əlcəzairdə keçirilən 19-cu Ağdəniz Oyunları davam edir.</p><p><strong>Sportinfo.az </strong>xəbər verir ki, bu gün Türkiyəni təmsil edən azərbaycanlı atlet Ramil Quliyev qızıl medal qazanıb.</p><p>O, 200 metr məsafəyə qaçışda 20,21 saniyəlik nəticə ilə qalib olub.</p> <p>İtaliyalı Dieqo Aldo (20,65) ikinci, ispaniyalı Daniel Rodriqes (20,78) isə üçüncü olub.</p>
<p>İtaliyanın paytaxtı Romada keçirilən U-20 Avropa çempionatında qadın güləşi üzrə yarış başa çatıb.</p><p><strong>Sportinfo.az</strong> xəbər verir ki, qitə birinciliyinə böyük məşqçi Həsrət Məmmədyarov və məşqçi Solmaz Adilovanın rəhbərliyi altında cəmi 6 güləşçiylə yollanan millimiz uğurlu çıxış edib.</p><p>Belə ki, təmsilçilərimizdən 4-ü fəxri kürsüyə qalxıb.</p><p>Elnurə Məmmədova (55 kq) və Birgül Soltanova (62 kq) Avropa çempionu olmaqla bu növdə gənclər arasında qitə birinciliyində 7 illik qızıl medal həsrətinə son qoyublar.</p><p>Eyni zamanda, Əsmər Canqurtaranla (50 kq) Mərziyə Sadıqovanın (72 kq) bürünc medal əldə etməsi daha 2 nəticənin yaxşılaşdırılmasıyla əlamətdar olub.</p> <p>Belə ki, gənclər arasında 2 qızıl, 2 bürünc medal Azərbaycan qadın güləşində medalların əyarına görə yeni rekorddur. Komanda hesabında yığmamız 92 xal toplayıb ki, bu da millimiz üçün rekord nəticədir.</p><p>Beləliklə, qızlardan ibarət komandamız Romada cəmi 6 güləşçiylə təmsil olunmasına baxmayaraq, 2 rekordunu yeniləyib.</p><p>Azərbaycan bu növdə komanda hesabında 5-ci yeri tutub. Ölkəmiz Ukrayna (169), Türkiyə (151), Almaniya (117) və Polşadan (102) geri qalıb.</p>
<p>“Rusiyanın Ukraynaya qarşı apardığı genişmiqyaslı müharibəsi zamanı 89 ukraynalı idmançı və məşqçi həlak olub, 13-ü əsir götürülüb”.</p><p><strong>Sportinfo.az</strong> xəbər verir ki, bunu Ukrayna prezidenti Volodimir Zelenski Kiyevdə Beynəlxalq Olimpiya Komitəsinin prezidenti Tomas Baxla birgə mətbuat konfransında deyib.</p><p>“Bir çox ukraynalı idmançı dövlətimizi döyüş meydanında müdafiə etmək üçün Ukrayna Silahlı Qüvvələri sıralarına qoşulub. Döyüş əməliyyatları nəticəsində 89 idmançı və məşqçi həlak olub. 13 nəfər əsir götürülüb və Rusiya əsirliyindədir”, - Ukrayna lideri deyib.</p>
<p>Strateji Lisiçanskinin Rusiya tərəfindən işğal olunması yenidən Ukraynanın danışıqlar masasına oturması ilə bağlı müzakirələri aktuallaşdırıb</p><p>Rusiyanın müdafiə naziri ordu generalı Sergey Şoyqu Rusiya prezidenti Vladimir Putinə "Luqansk Xalq Respublikasının azad edilməsi haqqında" məruzə edib.</p><p>Bu barədə RusiyaMüdafiə Nazirliyinin rəsmi açıqlamasında deyilir.</p><p>Bundan əlavə, Şoyqu bildirib ki, “Rusiya Federasiyasının Silahlı Qüvvələri Luqansk Xalq Respublikasının xalq milislərinin bölmələri ilə birlikdə Lisiçansk şəhəri və yaxınlıqdakı bir sıra ərazilərə tam nəzarəti ələ keçirib. Nazir “son 24 saat ərzində azad edilən ərazilərin ümumi sahəsinin 182 kvadrat kilometr təşkil etdiyini” açıqlayıb.</p><p><strong>Buna paralel olaraq, yenidən Ukraynanın danışıqlar masasına oturması ilə bağlı müzakirələr aktuallaşıb. Britaniyanın xarici işlər naziri əvvəl olduğu kimi, yenə də qətiyyətlə danışıqların əleyhinə olduqlarını açıqlayıblar. Britaniya XİN-də Ukraynanın qələbə qazana biləcəklərinə inanırlar.</strong></p><p><strong><img src="https://cdn.azerforum.com/2022/07/04/6742272.jpg" /></strong></p><p>Almaniya prezidenti Frank-Valter Ştaynmayer də bildirib ki, Qərb Ukraynanı Rusiya ilə danışıqlara məcbur etməməlidir. Bu barədə TASS Almaniyanın ZDF telekanalına istinadən xəbər verir. Ştaynmayerin sözlərinə görə, Ukrayna “yenidən öz suverenliyini, ərazi bütövlüyünü və müstəqilliyini bərpa etməlidir”. “Biz Ukrayna üçün elə bir vəziyyət yaratmalıyıq ki, onun danışıqlara başlamazdan əvvəl onu gücləndirək, onun danışıqlar üçün bir şeyləri olsun”, - Almaniya prezidenti bildirib.</p><p>Ştaynmayer onu da qeyd edib ki, sülh danışıqları yoluna nə vaxt getmək barədə qərar Ukraynanındır. O, Ukraynadakı vəziyyətin Almaniya üçün nəticələrinə toxunaraq, "ola bilər ki, bizi hələ çətin illər gözləyir" deyib.</p> <p><img src="https://cdn.azerforum.com/2022/07/04/6742273.jpg" /></p><p><strong>Rusiya Prezidentinin mətbuat katibi Dmitri Peskov isə deyib ki, “Qərbdə gec-tez sağlam düşüncə qalib gələcək və Ukrayna Rusiya ilə danışıqlar aparacaq”. Peskov “Rossiya 1” tekanalında yayımlan “Moskva. Kreml. Putin” proqramına açıqlamasında deyib ki, “danışıqların zamanı gələcək, ukraynalılar bizim bütün şərtlərimizi bir daha başa düşməlidirlər”.</strong></p><p>Peskov iyunun 30-da İndoneziya prezidenti Coko Vidodonun Kremldəki danışıqlardan sonra mətbuata Zelenskidən Putinə mesaj çatdırdığı barədə dediklərinə də aydınlıq gətirib. “Mən prezident Zelenskinin mesajını prezident Putinə çatdırdım”, - deyə, Vidodo “iki lider arasında dialoq qurmağa hazır olduğunu” ifadə edib.</p><p><img height="458" src="https://cdn.azerforum.com/2022/07/04/6742274.jpg" width="815" /></p><p>Lakin sonradan Zelenskinin ofisi İndoneziya prezidenti vasitəsilə Putinə mesaj göndərildiyini təkzib edib. Peskov öz növbəsində “söhbət hansısa yazılı mesajdan getmir. Sizə deyə biləcəyim yeganə şey budur”, - deyə Kremlin sözçüsü bunun şifahi mesaj olub-olmadığını açıqlamayıb (musavat.com).</p><p><strong>Orxan ƏLİYEV</strong></p>
<p>Bakıda keçirilən "IronWind 70.3" turnirində bəzi nazirlərimiz də qüvvəsini sınayıb.</p><p><strong>Sportinfo.az </strong>xəbər verir ki, bu haqda Gənclər və İdman Nazirliyinin mətbuat xidmətinin rəhbəri Qabil Mehdiyev sosial şəbəkədə paylaşım edib.</p><p>"İdman tariximizdə ilk dəfə olaraq bu gün 3 nazir yarışda qüvvəsini sınayıb.</p><p>Müdafiə sənayesi naziri Mədət Quliyev, rəqəmsal inkişaf və nəqliyyat naziri Rəşad Nəbiyev, gənclər və idman naziri Fərid Qayıbov "IronWind 70.3" triatlon turnirində iştirak ediblər", -deyə nazirlik sözcüsü qeyd edib.</p><p><em>Məqaləyə dair fotomateriallar:</em></p> <p><em><img height="478" src="https://cdn.azerforum.com/2022/07/03/6739284.jpg" width="728" /></em></p><p><em><img src="https://cdn.azerforum.com/2022/07/03/6739285.jpg" /></em></p><p><em><img height="924" src="https://cdn.azerforum.com/2022/07/03/6739286.jpg" width="728" /></em></p>
<p>İngiltərə millisinin və “Liverpul”un keçmiş hücumçusu Maykl Ouenin qızı Cemma Ouen Britaniyanın “Love Island” realiti-şousunun bölümlərindən birində erotik rəqs nümayiş etdirib.</p><p><strong>Sportinfo.az </strong>xəbər verir ki, bodi, corab və dikdaban ayaqqabı geyinən 19 yaşlı Cemma kişilərin qarşısında seksual rəqs edib.</p><p>Maykl Ouen qızının rəqsinin yayımı zamanı gözlərini bağlayan emoji ilə “tvitter”də paylaşım edib.</p><p>“Sevgi adası” realiti-şousunun qaydalarına görə, adada məskunlaşan iştirakçılar özlərinə həyat yoldaşı tapmalıdır. Qalib gələn cütlük 50 min funt-sterlinq qazanır.</p> <p>Ouen İngiltərə millisinin heyətində 89 oyunda 40 qol vurub.</p> <div class="news-gallery" mt-5"> <div class="row"> <div class="col-4" item"> <a data-fancybox="gallery" href="https://www.sportinfo.az/media/2022/07/03/cemma-ouen-2.jpg"> <img alt="Tanınmış" futbolçunun qızı realiti-şouda erotik rəqs etdi –" src="https://cdn.azerforum.com/2022/07/04/6742117.jpg"/> </a> </div> <div class="col-4" item"> <a data-fancybox="gallery" href="https://www.sportinfo.az/media/2022/07/03/cemma-ouen-1.jpg"> <img alt="Tanınmış" futbolçunun qızı realiti-şouda erotik rəqs etdi –" src="https://cdn.azerforum.com/2022/07/04/6742118.jpg"/> </a> </div> <div class="col-4" item"> <a data-fancybox="gallery" href="https://www.sportinfo.az/media/2022/07/03/cemma-ouen.jpg"> <img alt="Tanınmış" futbolçunun qızı realiti-şouda erotik rəqs etdi –" src="https://cdn.azerforum.com/2022/07/04/6742119.jpg"/> </a> </div> </div> </div>
<p>"Creative corner" yay məktəbinin iştirakçıları "Bank Respublika Arena"ya təşrif buyurub,</p><p><strong>Sportinfo.az</strong> xəbər verir ki, yay məktəbinin iştirakçıları əvvəlcə “Sabah” FK və klubun bazası ilə tanış olub, daha sonra əyləncəli futbol oyunlarında iştirak ediblər. </p><p>“Sabah”ın idman tərəfdaşı olduğu yay məktəbi "International School of Public Speaking" və "Baku Oxford School" tərəfindən təşkil olunur.<br /> </p> <div class="news-gallery" mt-5"> <div class="row"> <div class="col-4" item"> <a data-fancybox="gallery" href="https://www.sportinfo.az/media/2022/07/04/289481994_2903045843327047_1752827674165742468_n.jpg"> <img alt="“Sabah”a" qonaq gəldilər, baxdılar, əyləndilər -" src="https://cdn.azerforum.com/2022/07/04/6742036.jpg"/> </a> </div> <div class="col-4" item"> <a data-fancybox="gallery" href="https://www.sportinfo.az/media/2022/07/04/289697219_2903045879993710_6405112554452642637_n.jpg"> <img alt="“Sabah”a" qonaq gəldilər, baxdılar, əyləndilər -" src="https://cdn.azerforum.com/2022/07/04/6742037.jpg"/> </a> </div> <div class="col-4" item"> <a data-fancybox="gallery" href="https://www.sportinfo.az/media/2022/07/04/289797476_2903045939993704_7416232578334017156_n.jpg"> <img alt="“Sabah”a" qonaq gəldilər, baxdılar, əyləndilər -" src="https://cdn.azerforum.com/2022/07/04/6742038.jpg"/> </a> </div> </div> <div class="row"> <div class="col-4" item"> <a data-fancybox="gallery" href="https://www.sportinfo.az/media/2022/07/04/289792750_2903045869993711_6262182881660287224_n.jpg"> <img alt="“Sabah”a" qonaq gəldilər, baxdılar, əyləndilər -" src="https://cdn.azerforum.com/2022/07/04/6742039.jpg"/> </a> </div> <div class="col-4" item"> <a data-fancybox="gallery" href="https://www.sportinfo.az/media/2022/07/04/290393233_2903045916660373_5555863112446903648_n.jpg"> <img alt="“Sabah”a" qonaq gəldilər, baxdılar, əyləndilər -" src="https://cdn.azerforum.com/2022/07/04/6742040.jpg"/> </a> </div> <div class="col-4" item"> <a data-fancybox="gallery" href="https://cdn.azerforum.com/2022/07/04/6742042.jpg"> <img alt="“Sabah”a" qonaq gəldilər, baxdılar, əyləndilər -" src="https://cdn.azerforum.com/2022/07/04/6742041.jpg"/> </a> </div> </div> </div>
<p>U-20 Avropa çempionatında uğurlu çıxış edən gənc qızlardan ibarət güləş yığmamız vətənə qayıdıb.</p><p><strong>Sportinfo.az</strong> xəbər verir ki, qitə birinciliyində 2 qızıl və 2 bürünc medal qazanan və 92 xalla komanda hesabında 5-ci yeri tutan milli üzvlərini Azərbaycan Güləş Federasiyasının rəsmiləri, məşqçilər, idmançıların yaxınları və yeniyetmə güləşçilər qarşılayıb.</p><p><strong>Həsrət Məmmədyarov, böyük məşqçi</strong>: "Komandanın çıxışını əla dəyərləndirirəm. Mən deyərdim ki, qızlar böyük şücaət, mərdlik göstərdilər. Özlərindən güclü rəqiblərə qalib gəldilər. Komandamla fəxr edirəm. Halal olsun. Qızlarımıza gələcək yarışlarda uğurlar arzulayıram. Çalışacağıq ki, dünya çempionatına da yaxşı hazırlaşaq".</p><p><strong>Elnurə Məmmədova, Avropa çempionu</strong>: "Çox şükürlər olsun. Çox sevinirəm. İnanıram ki, daha böyük yarışlarda daha böyük nəticələr əldə edə bilərəm. Federasiya rəhbərliyinə minnətdarlığımı bildirirəm. Həsrət müəllim sağ olsun. Mən özümə inanmadığım vaxtda belə o mənə inandı. Əlimdən tutub məni qaldırdı. Ailəmə təşəkkürümü bildirirəm. Sonuncu təlim-məşq toplanışımız Astarada keçdi. Olimpiya İdman Kompleksində hər şey yüksək səviyyədə təşkil olunmuşdu. Avqustda əvvəlcə İslam Həmrəyliyi Oyunları keçiriləcək. Alınsa, həmin yarışdan sonra dünya çempionatında iştirak edəcəyik. Çalışacağam ki, orada da ümidləri doğruldum".</p><p><strong>Birgül Soltanova, Avropa çempionu: </strong>"Çox sevincliyəm. Sevincimin həddi-hüdudu yoxdur. Prezidentimizə, federasiyamızın rəhbərliyinə, yığma komandanın məşqçilərinə, şəxsi məşqçimə, mənə dəstək olan hər kəsə təşəkkürümü bildirirəm. Avropa çempionatına çox yaxşı hazırlaşmışdıq. Astara Olimpiya İdman Kompleksində təlim-məşq toplanışı keçmişdik. Türkiyədə də hazırlıq prosesi olmuşdu. 2019-cu ildə İtaliyada U-17 Avropa çempionatında bürünc medal qazanmışdım. Bu il yenidən İtaliyada uğur qazandım. U-20 Avropa çempionatının qalibi oldum".</p> <p>Qızlardan ibarət millimiz U-20 Avropa çempionatları tarixində həm medalların əyarına, həm də toplanan xallara görə özünün ən yaxşı nəticəsinə imza atıb.</p><p>Romada Elnurə Məmmədova (55 kq) ilə Birgül Soltanovanın (62 kq) qızıl, Əsmər Canqurtaran (50 kq) və Mərziyə Sadıqovanın (72 kq) isə bürünc medal qazandığını xatırlatmaq yerinə düşər.</p>
<p>Peyvənd şirkəti koronavirusun yeni dalğasının başlayacağı ehtimalını açıqlamışdır. Deməli pandemiya təzədən qayıda bilər və hökumətimiz sərhədləri bağlı saxlamaqda müdrik addım atır – bir şey ki, əvvəl-axır bağlamağa məcbursan, onu niyə açasan? Pandemiyadan çıxıb pandemiyaya girməkdənsə, elə şərait qurursan, faktiki hər gün pandemiya şərtləri altında yaşayırlar. Vəssalam. Ondan sonra rahat nəfəs al. Allaha şükür, maska ləğv edilib, bu, xalqa bəsdir.</p><p>Dünyada hər cür pis təhlükələr vardır. Hər an sərhədi aşıb ölkəmizə girmək istəyirlər. Meymun çiçəyi, quş qripi, nə bilim, qızılgül inqilabı... Hərçənd, deyir bu meymun çiçəyi xəstəliyi əsasən bir-birini sevən erkəklər arasında yayılırmış, milli mentalitetimizə zidd olduğu üçün onun xalqımıza yoluxması şübhə altındadır. Bizdə ancaq kişiyana xəstəliklərin yayılma ehtimalı vardır. Hər ehtimala qarşı sərhədi bağlamışıq, hamını tanımaq olmur. Hələlik üz tanıma, bədən oxuma texnologiyalarını Çindən almaq üzərində iş gedir. Ondan sonra ana yurdumuzda icazəsiz milçək də uçmayacaqdır.</p><p>Yoxsa hərəsi xaricə gedir, ordan dərman alır, gizli şəkildə, belinə bağlayıb, corabına dürtüb vətənimizə gətirirlər. Bugünlərdə gömrük-sərhəd idarəsi belə vətəndaşlardan tutmuşdu. Gətirdikləri xərçəng xəstəliyinə qarşı dərmanlar idi, elə-belə, maraq üçün Türkiyə saytında o dərmanların qiymətinə baxdım, bizim pulla 38 manat eləyirdi. Bakıda neçəyədir, onu tapmaq, təbii ki, çətindir. Standart qiymətlər yox, dərman bazarı inhisarda, apteklər soyğunçuluq mərkəzi... Şair demiş: “Dərd çox, həmdərd yox, düşmən qəvi, tale zəbun”. Deməli o dərman Türkiyədə 38 manatdırsa, bizdə ən azı 138 manata satılacaq. Əks halda bu yazıq adamlar dərman dalıyca niyə yaxın-uzaq ölkələrə uçsunlar? Bir dəfə hesablamışdıq, müəyyən xəstənin dərmanlarını Bakıdan almaqdansa İstanbula bilet almaq, gedib həmin dərmanların 2 doza da artığını alıb qayıtmaq ucuz başa gəlirdi.</p><p>Bağlı ölkə olmaq sərfəlidir, açıq ölkədə vətəndaş yelə düşür, böyür-başını soyuq vurur. Xalqımızın mahiyyətində qapalı olmaq var. Əks halda hara baxırsan üstündən quş uçmayan, bir kərpici qızıldan, bir kərpici gümüşdən hasarları kim çəkib? Xaricilərin, Corc Sorosun işidir? Qətiyyən. Hamısını özümüz çəkmişik. Bakı kubiki yatağı olmasa, sümüklərimizdən hasar çəkərdik. Mütləq bir üsul tapıb tısbağa kimi qınımıza girərdik.</p><p>Halallıqdan, düzlükdən, imandan dəm vuran camaat göydələnin 9-cu, 16-cı mərtəbəsində pəncərəyə dəmir barmaqlıq taxır ki, oğrular əziyət çəksin. Bəs belə toplumun Naxçıvan-Türkiyə, Azərbaycan-Gürcüstan, İran, Rusiya quru sərhədlərinin bağlı qalmasından donquldanmağa əsasları varmı? Siz beş manatınızı o cür qoruyursunuz, iqtidarın milyardları var.</p><p>Örtülü bazar, dostluğu pozar deyib babalarımız, ancaq indiki dövrdə bu məsəl qüvvədən düşübdür. Gilasın bahalığı bazarın örtüsü ilə, gizli iqtisadiyyatla bağlıdır, bu heç, sözüm bunda deyil. Əsl həqiqət ondadır ki, qapalı cəmiyyət müəyyən sahələrdə inkişafa səbəb olur.</p> <p>Elə götürək çimərlik futbolunu. Fantastikadır. Bugünlərdə bir hesab gördüm. Azərbaycan çimərlik futbolu komandası Avropa çempionatında Almaniyanı 6:5 hesabıyla udmuşdu! İnanılmazdır. Almaniyanı udmuşuq. Futbolda. Nə olsun bunu qumda oynayırlar, əsas odur adı futbol gedir. Normal futbolda biz Lixtenşteynə uduzuruq, lakin çimərlikdə almanları uduruq. Sizcə bunun elmi əsasları necədir? İzah edim, bilin.</p><p>Bizdə çimərliklərə getmək zülümdür, hər yanı hasara alıblar, pullu məmurlar dənizi xalqdan əkişdiribdir. Əgər kimsə o hasarları aşıb özünü quma, dənizə yetirməyi bacarırsa, əsl qəhrəmandır. Çimərlik futbolu komandamız məhz o cür seçilmişlərdən tərtib olunmuşdur.</p><p>Şuşanı alan uşaqlar da vaxtilə Qəbələ meşələrində, Qaxda, İsmayıllıda, Qubada, Qusarda çox əziyyət çəkmişdilər (musavat.com).</p><p><strong>Zamin HACI</strong></p>
<p>“Beşiktaş” Atiba Hatçinsonla müqavilənin müddətini uzadıb.</p><p><strong>Sportinfo.az</strong> xəbər verir ki, bu barədə klubun rəsmi saytı məlumat yayıb</p><p>39 yaşlı kanadalı yarımmüdafiəçi ilə 1 illik yeni müqavilə imzalanıb.</p> <p>Atiba 2013-cü ildən İstanbul təmsilçisində çıxış edir. O, “Beşiktaş”da keçirdiyi 240 oyunda 22 qol vurub.</p>
<p>“Real”ın yarımmüdafiəçisi Luka Modriç PSJ-də Lionel Messinin oyununa alışmasının çətin olduğunu etiraf edib.</p><p><strong>Sportinfo.az</strong> xəbər verir ki, xorvat Messini “Barselona”dan başqa klubun formasında görməyin qəribə hiss etdirdiyini deyib:</p><p>“Bütün “el klasiko”lardan sonra Messini başqa klubun forması ilə görmək mənim üçün qəribə idi. Lakin Neymar və Kilian Mbappe ilə PSJ-nin inanılmaz istedadları var”.</p><p>Messi 2021-ci ildə “Barselona”dan Paris klubuna keçib.</p> <p>PSJ 2021/22 mövsümündə Fransa çempionu olub.</p><p>Messi ötən mövsüm PSJ-nin heyətində 34 oyunda 11 qol vurub və 15 məhsuldar ötürmə edib.</p>
<p>"Neftçi" Gürcüstan millisinin müdafiəçisi ilə anlaşıb.</p><p><strong>Sportinfo.az </strong>klubun mətbuat xidmətinə istinadən xəbər verir ki, paytaxt klubu Solomon Kvirkveliyanı transfer edib.</p><p>Onunla imzalanan müqavilənin detalları açıqlanmayıb.</p><p>"Rubin", "Lokomotiv", "Nefteximik", "Rotor", "Metallist"də oynamış Kvirkveliya son olaraq "Qaqra" forması geyinmişdi.</p><p>Baş məşqçi axtarışını tamamlamaq üçün 3 həftə vaxt itirən “Neftçi” cari transfer bazarında hərəkətliyi nisbətən artırıb.</p> <p>Lorentsiu Regekampfı sükan arxasına əyləşdirən bakılılar 3 yeni legionerlə anlaşıb.</p><p>Ataa Caber, Qodsvey Donyo dz Kenni Sayef qarşıdakı 2 mövsümdə ağ-qara formanı geyinəcək.</p>
<p>Kapitulyant Ermənistanda “hərb, yoxsa sülh” dilemması ətrafında siyasi çəkişmələr getdikcə daha qabarıq çalar almaqdadır.</p><p>Bu da səbəbsiz deyil.</p><p>Ona görə ki, zaman gedir və Ermənistan adlı süni, “izqoy” dövlət blokada rejimində vaxt ötdükcə daha dərin böhrana girir, sürətlə boşalır, çünki əmək qabiliyyətli əhalinin sabaha olan-qalan ümidi sarsılır.</p><p>Bu durumdan tək çıxış yolu isə iqtidarlı-müxalifətli ölkənin siyasi elitasının mövcud durumu - 44 günlük müharibənin yaradığı sərt gerçəyi, təzə status-kvonu düzgün qiymətləndirib yeganə doğru qərarı verməsidir, nəinki, erməni xalqını yenə heç vaxt rellaşmayacaq boş vədlərlə, xam xəyallarla “yedizdirməsi”, onu növbəti avantüralara sürükləməsi.</p><p>Müsbət haldır ki, erməni cəmiyyətində, onun siyasi elitasında acı gerçəyi qəbul eləməyin zəruriliyini açıq bəyan edən ermənilər də var. Hələlik çoxluqda olmasalar da. Onlar Azərbaycan və Türkiyə ilə sülh oyununun yox, əsl sülhün tərəfdarıdırlar. Özü də vaxtı fövtə vermədən. Əfsus ki, Nikol Paşinyan hökuməti də bu yöndə gərəkən addımları atmağa tələsmir, yaxud istəmir və radikallar kimi, “status”, “Minsk Qrupu” deyib durur. Bunlar isə artıq keçmişdə qalıb və sülh üçün əsla yararlı vasitələr deyil, olmayacaq...</p><p><img alt="" height="400" src="https://cdn.azerforum.com/2022/07/04/6741558.jpg" width="650" /></p><p>“ATƏT-in Minsk Qrupu, həqiqətən də əvvəlki həyat qabiliyyətini itirib, o cümlədən baş vermiş geosiyasi dəyişikliklərə görə”.</p><p><strong>Musavat.com</strong> xəbər verir ki, bu barədə Ermənistanın keçmiş səhiyyə naziri, hakim “Mülki müqavilə” partiyasından olan deputat Arsen Torosyan öz Facebook səhifəsində yazıb.</p><p>“Fransa və amerikalı həmsədrlər Rusiyanın və ya qarşı tərəfin imtinası səbəbindən rusiyalı həmsədrlə sadəcə danışa bilmirlər. Və mənə qəribə gələn odur ki, daim bu formatın vacibliyi bildirilir. Bununla da biz dialoqu dalana sürükləyirik. Bu isə bizim maraqlarımıza uyğun deyil. Hazırda belə dəbdəbəni özümüzə rəva bilə bilmərik. Biz təhdidlərə və çağırışlara qarşı durmaq üçün həll yolları tapmağı bacarmalıyıq, nəinki əksinə, bu həll yollarını təxirə salmalıyıq”, - deyə Torosyan qeyd edib.</p><p>Hakim partiyanın deputatı mümkün həll yolunu da göstərir.</p><p>“Bizə bir millət, xalq və dövlət olaraq həmişə təlqin edilib ki, qonşularımızla sülh şəraitində yaşaya bilmərik və buna haqqımız da yoxdur. Həm müxtəlif gündəliyə malik daxili qüvvələr, həm də müxtəlif dövlətlər durmadan bizə deyirdilər ki, siz öz qonşularınızla problemlərinizi təkbaşına həll edə bilməzsiniz, hökmən biz iştirakçı olmalıyıq. Düşünürəm ki, biz bu stereotipi qırıb, qonşularımızla dinc yanaşı həyata doğru addım ata biləcəyimizi anlamlıyıq. Biz isə belə bir tamamilə əks stereotiplə yaşayırıq ki, türklə, azərbaycanlı ilə yanaşı yaşamaq sadəcə mümkün deyil”, - deputat vurğulayıb.</p><p><img alt="" height="437" src="https://cdn.azerforum.com/2022/07/04/6741559.jpg" width="650" /></p> <p>Torosyanın əminliyinə görə, erməni xalqı bu stereotipi kollektiv şəkildə qırmağı bacarsa, danışıqlar masası arxasında kompromis həll yolu tapıla bilər. “Yox, əgər bacarmasaq və bizə yenə iki qonşumuzla, xüsusən də Azərbaycanla birgəyaşayış normaları barədə razılığa gəlməyin qeyri-mümkünlüyü təlqin edilsə, o zaman həmişəlik bu dalanda qalacağıq, hansı ki, bizə yeni fəlakətlər gətirəcək”, - deyə hakim komandanın üzvü xəbərdarlıq edib.</p><p>Torosyanın fikirlərində əlbəttə ki, həqiqət payı böyükdür. Erməni deputat doğru olaraq, öz xalqının yaşadığı bəlaları on illərlə bu xalqa təlqin edilən yanlış və təhlükəli stereotiplərdə, o sırada Türkə nəsildən-nəslə ötürülən nifrət və ksenofobiyada axtarır. Əfsus ki, bu nifrəti körükləyən qüvvələr, o cümlədən diaspora hələ ki, erməni cəmiyyətində söz sahibliyini, kütləyə təsir imkanlarını saxlayır.</p><p>Bunu Laçın dəhlizinə alternativ yolla bağlı neçə gündür radikal-revanşistlərin ölkədə qaldırdığı süni hay-küy bir daha təsdiqləyir. Radikallar yenə də “miatsum” virusunu bədbəxt erməni toplumunun canına salıb onu növbəti faciəyə ürcah eləməyə çalışırlar...</p><p><img alt="" height="368" src="https://cdn.azerforum.com/2022/07/04/6741560.jpg" width="650" /></p><p>Torosyanlar isə təəssüf ki, hələ azlıqdadır. Düzdür, 44 günlük müharibədən sonra erməni cəmiyyətində müharibə istəməyən laqeyd bir təbəqə formalaşıb. Bu təbəqə radikalların ardınca getmədiyi kimi, hökumətin pis-yaxşı sülh təşəbbüslərinə də demək olar, laqeyddir. Bir növ seyrçi mövqedədir. Radikal müxalifətin özəyini təşkil edən “Qarabağ klanı”nın - keçmiş xunta rejiminin təmsilçilərinin əsas ümidi də məhz həmin indiferent təbəqəyədir. Onlar güman edirlər ki, günün birində “laqeydləri” nəhayət, Paşinyan iqtidarına qarşı qaldıra biləcək, beləliklə də təzədən hakimiyyətə gələcəklər.</p><p>Bu da o anlama gələcək ki, qonşularla ədalətli sülh, uzunmüddətli sabitlik, inkişaf yoluna çıxmaq şansı bir az da əlçatmaz olmaqla Ermənistan təzədən yeni müharibənin astanasına gələcək. Hərçənd, radikal-revanşistlər də sülhdən danışırlar. Lakin əlbəttə ki, öz təsəvvürlərindəki “sülh”dən. Barıt qoxulu “sülh”dən!</p><p><img alt="" height="404" src="https://cdn.azerforum.com/2022/07/04/6741561.jpg" width="650" /></p><p>Yəni bu qüvvələr əslində, Azərbaycan və Türkiyə ilə hər hansı sülh anlaşması imzalamağa qabil deyillər, olmayacaqlar da. “Miatsum” virusundan, “böyük Ermənistan” mərəzindən əziyyət çəkənlər, XXI əsrdə “Türksüz Ermənistan!” irqçi şüarını özlərinə mübarizə sloqanı, nasist Qaregin Njdeni kumir seçənlər buna necə nail ola bilərlər ki?</p><p>Odur ki, ümid yenə qalır torosyanların səsinin getdikcə daha çox erməni tərəfindən eşidilməsinə və ciddiyə alınmasına. Eşitməlidirlər, çünki başqa çarələri qalmayıb. Əks halda ermənilər nəinki Qarabağda, ümumən Qafqazda heç etnik azlıq kimi də qala bilməyəcəklər...</p>
<p>Türkiyənin Konya şəhərində 9-18 avqust tarixlərində təşkil olunacaq V İslam Həmrəyliyi oyunlarında mübarizə aparacaq 23 yaşadək futbolçulardan ibarət Azərbaycan milli komandasının rəqibləri müəyyənləşib.</p><p><strong>Sportinfo.az</strong> xəbər verir ki, millimiz B qrupunda Marakeş, İran və Səudiyyə Ərəbistanı komandaları ilə mübarizə aparacaq.</p><p>Millimizin oyunların təqvimini nəzərinizə çatdırırıq:</p><p>8 avqust</p><p><strong>19:00.İran – Azərbaycan</strong><br /> 10 avqust</p><p><strong>17:00. Səudiyyə Ərəbistanı – Azərbaycan</strong><br /> 12 avqust</p> <p><strong>15:00. Mərakeş – Azərbaycan</strong><br /> 14 avqust</p><p><strong>19:00. Yarımfinal</strong><br /> 16 avqust</p><p><strong>16:00. Üçüncü yer</strong><br /> Saat<br /> <strong>19:00. Final</strong></p><p>Oyunların başlama saatı yerli vaxtla göstərilib.</p>
<p>Millimizin futbolçusu Dmitri Nazarovun formasını geyindiyi "Erzgebirge" növbəti yoxlama oyununa çıxıb.</p><p><strong>Sportinfo.az</strong> xəbər verir ki, yeni mövsüm Almaniya 3-cü liqasında mübarizə aparacaq Aue klubu ölkənin bölgə liqası təmsilçisi "SV Leukersdorf"la qarşılaşıb.</p><p>Matç "Erzgebirge"nin 29:0 hesablı qələbəsi ilə başa çatıb.</p> <p>Nazarov start heyətdə meydana çıxıb və 2-ci hissədə əvəzlənib. 14 qolun vurulduğu ilk hissədə millimizin üzvü də het-trik edib. O,8, 22, 36-cı dəqiqələrdə fərqlənib.</p>
<p>“Qəbələ” 2022/23 mövsümünün hazırlığını davam etdirmək üçün Türkiyəyə uçub.</p><p><strong>Sportinfo.az </strong>xəbər verir ki, Boluda təlim-məşq toplanışı keçirəcək “qırmızı-qaralar” iyulun 13-dək qonşu ölkədə hazırlaşacaq.</p><p>Hazırlıq dönəmində "Qəbələ" iki yoxlama görüşünə də çıxacaq. İyulun 5-də "Qaziantep" ilə qarşılaşacaq komanda 12-də Rumıniya "Çiksereda"sı ilə oynayacaq.</p>
<p>Çempionlar Liqasının 1-ci təsnifat mərhələsi çərçivəsində Azərbaycan çempionu “Qarabağ”la Polşanın “Lex” komandası arasında keçiriləcək oyunlar canlı yayımlanacaq.</p><p><strong>Sportinfo.az</strong> xəbər verir ki, Ağdam klubu iyulun 5-də Polşada “Lex”in qonağı olacaq.</p><p>Bu oyun “CBC Sport” kanalı vasitəsilə canlı göstəriləcək. İyulun 5-də Poznan stadionunda keçiriləcək matça Bakı vaxtı ilə 22:00-da start veriləcək.</p> <p>Bu komandaların bir həftə sonra Bakıda keçiriləcək matçını da böyük ehtimalla bu telekanal canlı nümayiş etdirəcək.</p>
<p>"Liverpul" yeni futbolçusunu ictimaiyyətə təqdim edib.</p><p><strong>Sportinfo.az </strong>xəbər verir ki, Mersisayd təmsilçisi "Fulhem"dən Fabio Karvalyonu transfer etdiyini açıqlayıb.</p><p>20 yaşlı futbolçu ilə 5 illik müqavilə imzalayıb.</p> <p>"Liverpul" Portuqaliyanın U-21 yığmasının da üzvü olan gənc yarımmüdafiəçinin keçidinə görə 5,9 milyon avrosundan keçib.</p>
