<p style="text-align:justify;">Azərbaycanda son sutkada koronavirus (COVID-19) infeksiyasına 2102 nəfər yoluxub, 863 nəfər müalicə olunaraq sağalıb.</p><p style="text-align:justify;"> </p><p style="text-align:justify;">Nazirlər Kabineti yanında Operativ Qərargahdan <u><strong><a href="http://TED.az"><span style="color:#0000FF;">TED.az</span></a></strong></u>-a verilən məlumata görə, analiz nümunələri müsbət çıxan 15 nəfər vəfat edib.</p><p style="text-align:justify;"> </p><p style="text-align:justify;">İndiyədək ölkədə ümumilikdə 505 554 nəfərin koronavirus infeksiyasına yoluxması faktı müəyyən edilib, onlardan 479 675 nəfər müalicə olunaraq sağalıb, 6 793 nəfər vəfat edib, aktiv xəstə sayı 19 086 nəfərdir.</p><p style="text-align:justify;"> </p><p style="text-align:justify;">Son sutka ərzində yeni yoluxma hallarının müəyyənləşdirilməsi ilə əlaqədar 12 189, ötən müddət ərzində isə ümumilikdə 5 044 744 test aparılıb.ф</p>
<p style="text-align:justify;"><u><strong><a href="http://TED.az"><span style="color:#0000FF;">TED.az</span></a></strong></u> xəbər verir ki. 19 oktyabr tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzi (EHİM) ilə Bakı Ali Neft Məktəbi arasında Əməkdaşlıq haqqında Memorandum imzalanıb. Tədbir iştirakçılarını salamlayan EHİM-in direktoru Fariz Cəfərov təhsil sahəsində rəqəmsallaşmanın və texnoloji inkişafın əhəmiyyətini qeyd edib.</p><p style="text-align:justify;"> </p><p style="text-align:justify;">Dövlət Agentliyinin sədri Ülvi Mehdiyev əməkdaşlığın bir çox sahələri əhatə etdiyini vurğulayaraq, onun hər iki tərəf üçün faydalı olacağına dair əminliyini ifadə edib.</p><p style="text-align:justify;"> </p><p style="text-align:justify;">Bakı Ali Neft Məktəbinin rektoru Elmar Qasımov isə bu əməkdaşlığın tələbələrin gələcək karyerasında mühüm rol oynayacağını, hər iki qurum arasında əlaqələrin istiqamətini daha da genişləndirəcəyini qeyd edib.</p><p style="text-align:justify;"> </p><p style="text-align:justify;">Əməkdaşlıq haqqında Memorandumu EHİM-in direktoru Fariz Cəfərov və Bakı Ali Neft Məktəbinin rektoru Elmar Qasımov imzalayıblar.</p><p style="text-align:justify;"> </p><p style="text-align:justify;">Memorandum tələbələrin təcrübəyə cəlb edilməsini və EHİM tərəfindən təşkil olunan və ya aparılan yerli və beynəlxalq layihələrdə iştirak etməsini, birgə seminarların, kurs və təlimlərin təşkilini, elmi tədbirlərin keçirilməsini əhatə edir. Bununla yanaşı əməkdaşlıq intellektual məhsulların hazırlanmasında Mərkəzin təcrübələrindən istifadə edilməsini, COVID-19 pandemiyası dövründə təhlükəsiz fəaliyyəti təmin etmək məqsədilə rəqəmsal yoxlanış həllərinin tətbiq edilməsini, Universitetin elektron tədris sisteminin “ASAN Login” Vahid Giriş Sisteminə inteqrasiya edilməsini, EHİM-in tələblərinə uyğun olaraq sahəvi əməkdaşların yetişdirilməsini və digər istiqamətləri əhatə edir.</p>
<p style="text-align:justify;">İqtisadiyyat Nazirliyinin Kiçik və Orta Biznesin İnkişafı üzrə Dövlət Agentliyi (KOBİA) yanında İctimai Şura və ölkədəki reklam şirkətləri reklamçıların vahid vətəndaş cəmiyyəti institutunda birləşməsi üçün təklif irəli sürüb.</p><p style="text-align:justify;"> </p><p style="text-align:justify;"><u><strong><a href="http://TED.az"><span style="color:#0000FF;">TED.az</span></a></strong></u> xəbər verir ki, bunu jurnalistlərə açıqlamasında İctimai Şuranın sədri Fərhad Qaraşov bildirib.</p><p style="text-align:justify;"> </p><p style="text-align:justify;"><em>“Bu məsələyə biz dəstək göstərməyə hazırıq. Yaxın vaxtlarda Ədliyyə Nazirliyi reklamçıların vətəndaş cəmiyyəti institutunu dövlət qeydiyyatına alacaq. Məqsəd bu sahədə problemlərin birbaşa vahid platformadan səsləndirilməsi, dövlət orqanlarına daha rahat çatdırılmasıdır. Hesab edirəm ki, təsis konfransı keçiriləndən sonra sənədlər aidiyyəti orqanlara təhvil veriləcək və KOBİA-nın dəstəyi ilə bu proses daha da sürətləndiriləcək”,</em><strong>- deyə o, qeyd edib.</strong></p>
<p style="text-align:;" justify;"><em>“Azərbaycanda reklam televiziyasının yaradılması ilə bağlı iş aparılır”.</em></p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u> xəbər verir ki, bunu jurnalistlərə açıqlamasında İqtisadiyyat Nazirliyinin Kiçik və Orta Biznesin İnkişafı üzrə Dövlət Agentliyi (KOBİA) yanında İctimai Şuranın sədri Fərhad Qaraşov bildirib.</p><p style="text-align:;" justify;"> </p><p style="text-align:;" justify;">Yeni televiziya reklam bazarında baş verən yenilikləri işıqlandıracaq.</p>
<p style="text-align:justify;">Oktyabrın 20-də gözlənilən hava şəraiti açıqlanıb.</p><p style="text-align:justify;"> </p><p style="text-align:justify;">Milli Hidrometeorologiya Xidmətindən <u><strong><a href="http://TED.az"><span style="color:#0000FF;">TED.az</span></a></strong></u>-a verilən məlumata görə, Bakıda və Abşeron yarımadasında arabir yağış yağacağı, gündüz yağışda qısamüddətli fasilə olacağı gözlənilir.</p><p style="text-align:justify;"> </p><p style="text-align:justify;">Mülayim şimal-qərb küləyi arabir güclənəcək. Havanın temperaturu gecə 12-14° isti, gündüz 14-16° isti olacaq. Bakıda gecə 12-14° isti, gündüz 14-16° isti olacaq.</p><p style="text-align:justify;"> </p><p style="text-align:justify;">Atmosfer təzyiqi 763 mm civə sütunundan 771 mm civə sütununa yüksələcək. Nisbi rütubət 70-80 % olacaq.</p><p style="text-align:justify;"> </p><p style="text-align:justify;">Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, dağlıq ərazilərdə qar yağacağı ehtimalı var.</p><p style="text-align:justify;"> </p><p style="text-align:justify;">Gecə və səhər bəzi yerlərdə duman olacaq. Qərb küləyi arabir güclənəcək. Havanın temperaturu gecə 11-14° isti, gündüz 16-20° isti, dağlarda gecə 0-5° isti, gündüz 5-10° isti olacaq.</p>
<p style="text-align:justify;">İlin əvvəlindən Azərbaycan əhalisinin sayı 25948 nəfər və ya 0,3 faiz artaraq 2021-ci il sentyabr ayının 1-i vəziyyətinə 10 145 081 nəfərə çatıb.</p><p style="text-align:justify;"> </p><p style="text-align:justify;"><u><strong><a href="http://TED.az"><span style="color:#0000FF;">TED.az</span></a></strong></u>-ın məlumatına görə, əhalinin 53 faizini şəhər, 47 faizini kənd sakinləri, 49,9 faizini kişilər, 50,1 faizini isə qadınlar təşkil edir.</p><p style="text-align:justify;"> </p><p style="text-align:justify;">Yanvar – avqust aylarında Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-avqust ayları ərzində 73177 doğulan körpə qeydə alınıb və əhalinin hər 1000 nəfərinə bu göstərici 11 təşkil edib. Doğulan uşaqlar arasında oğlanların xüsusi çəkisi 53,4 faiz, qızların xüsusi çəkisi isə 46,6 faiz olub.</p><p style="text-align:justify;"> </p><p style="text-align:justify;">Körpələrdən 1862-si əkiz, 51-i üçəm, 4-ü isə dördəm doğulub.</p>
<p style="text-align:justify;">"Rebuild Karabakh" - Azərbaycan Beynəlxalq "Qarabağın Bərpa, Yenidənqurma və İnkişafı" sərgisi 20-22 oktyabr 2021-ci il tarixlərində Bakı Ekspo Mərkəzində keçiriləcək.</p><p style="text-align:justify;"> </p><p style="text-align:justify;">Təşkilatçıların <u><strong><a href="http://TED.az"><span style="color:#0000FF;">TED.az</span></a></strong></u>-a verdiyi məlumata görə, üç gün ərzində sərgiyə gələn ziyarətçilər dünyanın 17 ölkəsindən 279 şirkətin məhsulları ilə tanış ola biləcəklər.</p><p style="text-align:justify;"> </p><p style="text-align:justify;">Almaniya, Gürcüstan, İsrail, Macarıstan və Türkiyədən 5 milli pavilyon 1-ci "Rebuild Karabakh" sərgisində iştirak edir. Milli pavilyonlar ölkələrinin ticarət və sənaye palatası dəstəyi ilə təşkil edilir. İştirakçılar arasında bir çox Azərbaycan dövlət strukturları və özəl şirkətlər var.</p><p style="text-align:justify;"> </p><p style="text-align:justify;">Sərginin ekspozisiyasına təhlükəsizlik, hasilat sənayesi, səhiyyə, informasiya texnologiyaları, təhsil, qida sənayesi, <a target="_blank" href="https://kayzen.az/blog/k%C9%99nd-t%C9%99s%C9%99rr%C3%BCfat%C4%B1/">kənd təsərrüfatı</a>, inşaat, yol tikintisi və infrastruktur, nəqliyyat, turizm və mədəni irs, enerji, ekologiya sahələri daxildir. Sərgidə "yaşıl enerji", "ağıllı kənd" layihələri, işğaldan azad edilmiş ərazilərdə yerləşən su və su qurğuları, onların bərpası, mühafizəsi və səmərəli istifadəsi üçün planlaşdırılan layihələr, yeni hava limanları və bir çox başqa layihələr də yer alır.</p><p style="text-align:justify;"> </p><p style="text-align:justify;">İstehsalçılar, distributorlar, konsaltinq şirkətləri və inşaat sektorunda xidmət göstərən şirkətlər də daxil olmaqla Azərbaycan şirkətləri sərgi iştirakçılarının 40%-ni təşkil edir.</p><p style="text-align:justify;"> </p><p style="text-align:justify;">Bu il Belarus, İran, Çexiya, BƏƏ, Türkiyədən 5 milli pavilyon, habelə Rusiya Federasiyasından 8 regional qrup, Bryansk, Lipetsk, Novosibirsk, Rostov, Yaroslavl, Stavropol, Tatarıstan, Çuvaşiya regional qrupları iştirak edəcək.</p><p style="text-align:justify;"> </p><p style="text-align:justify;">"Rebuild Karabakh" sərgisinin proqramına “Azərbaycanda yaradılmış biznes mühiti və investisiya imkanları”; “İşğaldan azad olunmuş ərazilərin iqtisadi, investisiya və turizm potensialı. Qarabağda həyata keçirilməsi təklif olunan layihələr, “Made in Karabakh” əmtəə nişanına dair təqdimatlar”, “Qarabağın enerji potensialı – azad olunmuş bölgələrdə “yaşıl energetika”nın inkişaf imkanları, regionun müharibə sonrası bərpası”; “Rəqəmsal iqtisadiyyat” mövzusunda təqdimatlar. Dördüncü Sənaye İnqilabı üzrə Azərbaycanda yeniliklər” mövzularda təqdimatlar daxildir.</p>
<p style="text-align:;" justify;">"Bakı Metropoliteni" QSC metroda gedişhaqqının artırılması ilə bağlı hələlik Tarif Şurasına müraciət etməyib.</p><p style="text-align:;" justify;"> </p><p style="text-align:;" justify;">Bunu <u><strong><a href="http://TED.az"><span style="color:#0000FF;">TED.az</span></a></strong></u>-a açıqlamasında qurumun Mətbuat xidmətinin rəhbəri Bəxtiyar Məmmədov deyib.</p><p style="text-align:;" justify;"> </p><p style="text-align:;" justify;"><strong>O bildirib ki, hələlik bununla bağlı heç bir müraciət yoxdur: </strong><em>"Bilirsiniz ki, metroda gedişhaqqının tənzimlənməsi Tarif Şurasının səlahiyyətindədir. Bakı metropoliteni gediş haqlarını tənzimləmək səlahiyyətinə malik deyil. Bakı metropoliteni isə hələlik bununla bağlı Tarif Şurasına müraciət etməyib".</em></p><p style="text-align:;" justify;"> </p><p style="text-align:;" justify;">Qeyd edək ki, sonuncu dəfə Bakı Metropolitenində gedişhaqqı 2018-ci ilin avqustun 1-dən artırılıb. Metroda 1 gediş üçün 30 qəpik müəyyən olunub. Həmin qərara qədər isə metroda gedişhaqqı 20 qəpik idi.</p>
<p style="text-align:justify;">Təşkilatın strategiyası Azərbaycanda və bütün dünyada etibarın möhkəmləndirilməsi və dayanıqlı nəticələrin əldə edilməsinə yönəlib.</p><p style="text-align:justify;"> </p><p style="text-align:justify;">PwC yeni strategiyanın The New Equation tətbiq edilməsi barədə məlumat verib. Bu strategiya dünyada baş verən kardinal dəyişikliklərə, o cümlədən inqilabi texnoloji problemlərə, iqlim dəyişikliyinə, geosiyasi dəyişikliklərə və COVID-19 pandemiyasının davam edən fəsadlarına cavab olaraq hazırlanmışdır.</p><p style="text-align:justify;"> </p><p style="text-align:justify;">The New Equation strategiyası qlobal tendensiyalara və müştərilər və maraqlı tərəflərlə çoxsaylı müzakirələrin nəticələrinə əsaslanır. Strategiyada müştərilərin qarşıdan gələn illərdə qarşılaşacaqları iki əlaqəli ehtiyaca diqqət yetirilir:</p><p style="text-align:justify;"> </p><p style="text-align:justify;">Birinci ehtiyac etibarın möhkəmləndirilməsinən ibarətdir ki, bu da getdikcə daha aktual, əhəmiyyətli və çətin məsələyə çevrilir. Şirkətlər, maraqlı tərəflər üçün əhəmiyyət kəsb edən bir sıra məsələlər üzrə etibar qazanmaqda daha çox çətinlik çəkirlər. Müvəffəqiyyət liderliyin düşüncə tərzində, təşkilati mədəniyyətində, sistemlərində və istəklərində fundamental dəyişikliklərdən asılıdır.</p><p style="text-align:justify;"> </p><p style="text-align:justify;">İkinci ehtiyac misli görünməmiş miqyasda artan rəqabət və sabitliyin pozulması riskinin artması, eləcə də cəmiyyət tərəfindən hədsiz dərəcədə yüksək gözləntilər şəraitində dayanıqlı nəticələrin əldə edilməsindən ibarətdir. Sərmayələrin, istedadların və müştərilərin cəlb edilməsi üçün şirkətlər daha sürətli və əsaslı şəkildə dəyişməlidir. Transformasiya üzrə dar yönümlü təşəbbüslərin artması gözlənilən nəticəni verə bilmir. Yeni bir yanaşma lazımdır.</p><p style="text-align:justify;"> </p><p style="text-align:justify;"><em>“Bütün dünyada olduğu kimi Azərbaycanda da COVID-19 pandemiyası cəmiyyətdə fəsadlar yaradıb və iqtisadiyyata ciddi təsir göstərib. Bundan əlavə, pandemiya həm də qlobal miqyasda artan sosial problemlərin kəskinləşməsinə də gətirib çıxarıb. Bu dönməz dəyişikliklər bir-biri ilə sıx əlaqəlidir və bu dəyişikliklər nəticəsində yaranan idarəetmə problemləri artıq fərdi vasitələrlə və ya həllərlə aradan qaldırıla bilməz. PwC-nin yeni The New Equation strategiyası bu mürəkkəb sosial və iqtisadi problemlərin əvvəlkindən daha da effektiv şəkildə həllinə kömək edən fundamental bir dəyişiklikdir. Bu məqsədlə müxtəlif sahələrdə təcrübəyə malik peşəkar komandamız müştərilərimizin davamlı inkişafına və bu inkişafın əsasını təşkil edən etibarın möhkəmlədirilməsinə kömək etmək üçün insanların ixtiraçılıq qabiliyyətini və təcrübəsini texnoloji yeniliklərlə çevik şəkildə birləşdirəcək"</em><strong> – PwC firmasının Azərbaycan üzrə İdarəedici Partnyoru Mövlan Paşayev qeyd etmişdir.</strong></p><p style="text-align:justify;"> </p><p style="text-align:justify;">Cənab Paşayev həmçinin vurğulamışdır ki, Azərbaycanda innovasiyaların tətbiqi üçün kifayət qədər potensial mövcuddur. O, qeyd etmişdir ki, PwC-nin yeni strategiyası Azərbaycanın iqtisadi inkişafına töhfə verəcək, daxili bazarın potensialından istifadə edəcək və həm dövlət, həm də özəl sektor üçün daha çox imkanlar yaradacaq.</p><p style="text-align:justify;"> </p><p style="text-align:justify;">The New Equation strategiyası çərçivəsində, Azərbaycanın da daxil olduğu PwC CEE ESG sahəsində təşəbbüslərə, səriştənin artırılmasına, insan kapitalının inkişafına və sıfır emissiyanın nail olunmasına diqqət yetirməklə, bazarda müştərilərin maraqlı şəxslərinin xüsusi ehtiyaclarının qarşılanmasına dair planlarını açıqlayır. CEE regionunda PwC-nin öhdəlikləri:</p><p style="text-align:justify;"> </p><p style="text-align:justify;">Cari ehtiyaclarını və imkanlarını nəzərə alaraq, regiondakı müştərilərə xidmət göstərmək məqsədilə biznesin inkişafına və səriştələrin artırılmasına sərmayələrin qoyuluşunu davam etdirmək. Bura audit xidmətləri, rəqəmsal transformasiya xidmətləri və maliyyə cinayətləri ilə mübarizə üçün idarə olunan xidmətlər, eləcə də bulud hesablamaları, robotlaşdırma və avtomatlaşdırma sahəsində xidmətlər spektrinin genişləndirilməsi daxildir.</p><p style="text-align:justify;"> </p><p style="text-align:justify;">Firmanın müştərilərinə ekologiya, sosial məsuliyyət və korporativ idarəetmə (ESG) sahələrində xidmət göstərmə qabiliyyətinin inkişaf etdirilməsi üçün regional sərmayələrin dəstəklənməsi məqsədilə qarşıdan gələn iki il ərzində 6 milyon ABŞ dolları məbləğində sərmayə qoyuluşu. Bura müştərilərimizə transformasiya, strategiyası və hesabatlılıq məsələləri üzrə məsləhət xidmətlərinin təqdim edilməsi üçün regionda ESG Regional Peşə Kompetensiya Mərkəzinin yaradılması daxildir.<br />2022-ci ilin sonuna qədər CEE regionundakı 12,000 əməkdaşımız üçün rəqəmsal bacarıqların inkişafının təmin edilməsi. Bu məqsədin əsasını CEE regionundakı rəqəmsallaşdırma proqramı (Digitise CEE) təşkil edir: ötən maliyyə ilində firmanın 9000 əməkdaşı rəqəmsal bacarıqların inkişaf etdirilməsi proqramlarına qatılıb və beləliklə, təlim saatlarının sayı 131.000-i üstələyib.</p><p style="text-align:justify;"> </p><p style="text-align:justify;">Rəqəmsal bacarıqlarının inkişaf etdirilməsi vasitəsilə uşaqlara və əhalinin həssas təbəqələrinə kömək göstərmək üçün təcrübəli mütəxəssislərin iştirakı ilə regional könüllü pro-bono proqramlarının genişləndirilməsi. Artıq beş ölkədə (Çexiya, Macarıstan, Qazaxıstan, Polşa və Rumıniya) kibertəhlükəsizlik sahəsində təhsil proqramı başlayıb və gələn il digər ölkələrdə də tətbiq edilməsi planlaşdırılır.</p><p style="text-align:justify;"> </p><p style="text-align:justify;">Bu yaxınlarda The Science Based Targets initiative (SBTi) tərəfindən təsdiqlənmiş 2030-cu ilə qədər PwC-nin müvafiq qlobal məqsədlərinə nail olmaq üçün CEE ölkələrinə köməyin göstərilməsi məqsədilə sıfır karbon emissiyası hədəfinə çatma üzrə daxili regional proqramın işlənib hazırlanması.</p><p style="text-align:justify;"> </p><p style="text-align:justify;">Hibrid iş rejimi çərçivəsində əməkdaşlarımıza dəstəyin göstərilməsi üçün Flexible Fridays proqramının həyata keçirilməsi və 5 sadə rifah vərdişinin (5 Simple Well Being Habits) təşviqi daxil olmaqla, işçilərin inkişafı və rifahı üçün 10 milyon ABŞ dolları məbləğində vəsaitin ayrılması.</p>
<p style="text-align:justify;">Təhsil Nazirliyi koronavirusa yoluxma hallarının artmasına görə məktəblərin bağlanacağı və tədrisin distant formada davam etdiriləcəyi barədə məlumatlara aydınlıq gətirib.</p><p style="text-align:justify;"> </p><p style="text-align:justify;">Nazirlikdən <u><strong><a href="http://TED.az"><span style="color:#0000FF;">TED.az</span></a></strong></u>-ın sorğusuna cavab olaraq bildirilib ki, məsələ ilə bağlı müvafiq qurumlar tərəfindən qərar veriləcəyi halda ictimaiyyətə açıqlanacaq.</p><p style="text-align:justify;"> </p><p style="text-align:justify;">Hələlik belə bir qərar yoxdur. </p><p style="text-align:justify;"> </p><p style="text-align:justify;">Qeyd edək ki, Azərbaycanda sentyabrın 22-dən aşağı siniflərdə (I-IV), sentyabrın 29-dan isə yuxarı siniflərdə (V-XI) əyani tədris bərpa olunub.</p><p style="text-align:justify;"> </p><p style="text-align:justify;">Son günlər koronavirusa yoluxma səbəbindən Bakıdakı 20 nömrəli məktəb-lisey, 245 nömrəli tam orta məktəb, "Ankara məktəbi" məktəb-lisey bağlanıb, bir neçə təhsil müəssisəsində 200-dən çox sinif 14 gün müddətinə distant təhsilə keçib.</p>
<p style="text-align:;" justify;">Azərbaycan vətəndaşlarının sığorta xidmətlərinə əlçatanlığının təmin edilməsi məqsədilə müəyyyən mobil tətbiqlərin istifadəyə verilməsi planlaşdırılır.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u> bu barədə Azərbaycan Mərkəzi Bankına (AMB) istinadən xəbər verir.</p><p style="text-align:;" justify;"> </p><p style="text-align:;" justify;">Məlumata görə, mobil tətbiqlər vətəndaşlara sığorta məhsulu almaqla yanaşı, sığorta hadisələrinin tənzimlənməsində iştirak etməyə, sığorta şirkətlərinin fəaliyyətinə qiymətə verməyə imkan yaradacaq. Bununla da, AMB sığorta bazarında keyfiyyətli xidmət göstərilməsinə dəstək verəcək.</p>
<p style="text-align:;" justify;">Tamamilə distant təhsilə keçid edilsə, onlayn dərslərə qoşulmaq üçün avadanlıqları olmayan 500 mindən çox şagird və tələbə tədrisdən kənarda qalacaq.</p><p style="text-align:;" justify;"> </p><p style="text-align:;" justify;">Bunu <u><strong><a href="http://TED.az"><span style="color:#0000FF;">TED.az</span></a></strong></u>-a açıqlamasında təhsil eksperti Kamran Əsədov deyib.</p><p style="text-align:;" justify;"> </p><p style="text-align:;" justify;"><strong>O bildirib ki, onlayn dərsləri tələb edənlərin böyük əksəriyyətinin istəyi subyektivdir:</strong></p><p style="text-align:;" justify;"> </p><p style="text-align:;" justify;"><em>"22 sentyabra qədər sosial şəbəkələrdə hər kəs yazırdı ki, ənənəvi qaydada dərslər bərpa edilsin.</em></p><p style="text-align:;" justify;"> </p><p style="text-align:;" justify;"><em>İndi isə tam əksi baş verir. Təhsil alanların böyük əksəriyyəti tədrisin onlayn rejimdə davam etməsi ilə bağlı müraciətlər edirlər. Hər birimiz gündəlik həyatda görürük ki, pandemiya dövrünün qaydalarına tam şəkildə riayət olunmur. Nə ictimai nəqliyyatda, nə restoran və əyləncə mərkəzlərində, nə küçə və parklarda ara məsafəsi gözlənilir, nə də dezinfeksiya tədbirləri görülür. Əgər təhsil müəssisələrində dərslər dayanıb onlayn-distant tədrisə keçirilsə, 2 milyon insan hər hansı bir yoxlanılmaya cəlb edilmədən rahatlıqla ictimai nəqliyyatda, restoranda, parkda, əyləncə mərkəzlərində gəzəcək ki, bu, daha təhlükəlidir. Hansı ki, təhsil müəssisələri fəaliyyət göstərəndə 1,6 milyon şagird, 250 min tələbə, 180 min müəllim və digər texniki işçilər hər gün yoxlamaya cəlb edilir, əlamət müşahidə olunan şəxslər təcrid olunur".</em></p><p style="text-align:;" justify;"> </p><p style="text-align:;" justify;"><strong>Ekspert yoluxmaların artması fonunda tədrisin hansı qaydada keçirilməsi ilə bağlı təkliflər də verib:</strong></p><p style="text-align:;" justify;"> </p><p style="text-align:;" justify;"><em>"Təklif edirəm ki, hal-hazırdakı vəziyyət qalsın. Dərslər davam etsin. Kim istəyirsə, ənənəvi qaydada dərslərdə iştirak etməsin, onlar üçün distant dərslər təşkil edilsin. Amma daha "Microsoft Teams" platformasında, kamera və mikrofonun söndürülməsi yolu ilə yox. Daha sərt nəzarət, ciddi şəkildə tədris, heç bir güzəşt olmadan. Ən azı Bakı Dövlət Universitetinin tətbiq etdiyi "blackboard" proqramı ilə. Belə ki, kamera və mikrofon bağlı olan kimi, avtomatik olaraq iştirakçıya "qayıb" yazılır. Müəllim də dərsdən orta məktəbdə 45, universitetdə 80 dəqiqədən tez çıxdıqda, dərs keçirilməmiş hesab edilir, əmək haqqı yazılmır.</em></p><p style="text-align:;" justify;"> </p><p style="text-align:;" justify;"><em>Hesab edirəm ki, təhsil müəssisəsində kütləvi yoluxma varsa, uşaqlar məktəbdən gedib valideynlərini, yaşlı insanları yoluxdurursa, həmin məktəbdə distant, onlayn təhsilə keçməyin tərəfdarıyam. Amma bunun tam şəkildə bütün təhsil müəssisələrində yox, yalnız yoluxma halları baş vermiş təhsil müəssisələrində həyata keçirilməsi lazımdır. Yəni hansı məktəbdə, kollecdə, universitetdə yoluxma halları varsa, yalnız o məktəblərdə tədrisi onlayn qaydada həyata keçirmək lazımdır. Yenidən tədrisdə qapanmaya getmək ciddi fəsadlar yaradacaq. Belə ki, şagirdlərin bundan sonra məktəblərə cəlb edilməsində problem olacaq. Bundan başqa onların qrafikləri ciddi şəkildə pozulacaq. Məktəb direktoru şagirdlərin təhlükəsizliyini, sağlamlığını ön planda saxlamalıdır. Çünki təhsil müəssisələrinin bağlanması şagirdlərə həm mənəvi, həm də psixoloji təsir edir".</em></p><p style="text-align:;" justify;"> </p><p style="text-align:;" justify;">Qeyd edək ki, hazırda Azərbaycanda fəaliyyət göstərən 4435 məktəbdə 85 626 sinif var. 22 sentyabrdan ənənəvi tədris bərpa olunandan sonra 280-ə yaxın sinif COVID-19-a yoluxma faktına görə 14 günlük distant təhsilə keçib. Distant təhsilə keçən siniflərin sayı 0.4 faiz ətrafındadır. Həmçinin ali və orta ixtisas təhsili müəssisələrində də 14 günlük distant təhsilə keçid edən qruplar var.</p>
<p style="text-align:;" justify;">ABŞ-da ölkə sakinlərinin əvvəlcə olunduğu peyvənddən fərqli vaksin istifadə edərək koronavirusa qarşı yenidən peyvənd olunmasına icazə veriləcək.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u>-ın məlumatına görə, bu barədə "The New York Times" qəzeti xəbər verib.</p><p style="text-align:;" justify;"> </p><p style="text-align:;" justify;">Məlumata əsasən, müvafiq icazə ABŞ Səhiyyə və Sosial Xidmətlər Nazirliyi yanında Qida və Dərmanların keyfiyyəti məsələləri üzrə İdarəsi tərəfindən veriləcək.</p>
<p style="text-align:;" justify;">2021-ci ilin yanvar-sentyabr aylarında Azərbaycan 64 954 avtomobil idxal edib ki, bu da ötən ilin eyni dövrü ilə müqayisədə 40,5 faiz çoxdur.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u> bu barədə Dövlət Gömrük Komitəsinin hesabatına istinadən məlumat verir.</p><p style="text-align:;" justify;"> </p><p style="text-align:;" justify;">Hesabat dövründə idxal olunan avtomobillərin 60 578-i minik avtomobili olub ki, bu da 2020-ci ilin eyni dövrü ilə müqayisədə 40,5 faiz çoxdur.</p><p style="text-align:;" justify;"> </p><p style="text-align:;" justify;">Azərbaycan bu ilin doqquz ayı ərzində 10 və daha çox sərnişintutumlu 141 avtomobil, 93 elektromobil və 8 779 hibrid avtomobil ixrac edib.</p><p style="text-align:;" justify;"> </p><p style="text-align:;" justify;">Bu ilin yanvar-sentyabr aylarında Azərbaycana idxal olunan yük avtomobillərinin sayı ötən ilin eyni dövrü ilə müqayisədə 42,3 faiz artaraq 4 123 ədəd təşkil edib.</p><p style="text-align:;" justify;"> </p><p style="text-align:;" justify;">Hesabat dövründə Azərbaycan 659,508 milyon dollar məbləğində avtomobil idxal edib.</p>
<p style="text-align:;" justify;">Şimali Koreya Yapon dənizinə doğru naməlum mərmi atıb.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u>-ın məlumatına görə, bu barədə Yonhap agentliyi Cənubi Koreya Silahlı Qüvvələrinin Baş Qərargah rəislərinin Birgə Komitəsinə istinadən bildirib.</p><p style="text-align:;" justify;"> </p><p style="text-align:;" justify;">Məlumata əsasən, naməlum mərminin buraxılışı həyata keçirilib. Onun haqqında başqa heç bir məlumat verilməyib.</p><p style="text-align:;" justify;"> </p><p style="text-align:;" justify;">Yaponiya Sahil Mühafizəsi, öz növbəsində, KXDR-in, ehtimala görə, Yapon dənizinə doğru ballistik raket buraxdığını bildirdi.</p>
<p style="text-align:;" justify;">Apple şirkəti yenilənmiş MacBook Pro noutbukunu təqdim edib.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u>-ın məlumatına görə, bu barədə şirkətin saytında bildirilib.</p><p style="text-align:;" justify;"> </p><p style="text-align:;" justify;">Yeni kompüterin fərqli xüsusiyyəti onun "çatıq qaş" ekranıdır. Ekranda kamera və digər sensorlar var. Liquid Retina XDR ekran matrisası Mini-LED texnologiyasına əsaslanır və məlumatı ekranda 120 hertzdə göstərən Pro Motion funksiyasını dəstəkləyir.</p><p style="text-align:;" justify;"> </p><p style="text-align:;" justify;">MacBook Pro iki çeşiddə-14 və 16 düymlük ekranlarda mövcuddur.</p>
<p style="text-align:;" justify;">İngiltərənin Darem Universitetinin alimləri olduqca sürətli dövri parlaqlıq dəyişikliklərinə malik ağ cırtdan ulduz aşkarlayıblar.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u> xəbər verir ki, bu barədə məqalə <a href="https://www.nature.com/natastron/volumes/5/issues/10" style="box-sizing:;" border-box; margin: 0px; padding: 0px; color: rgb(58, 134, 255); text-decoration-line: none; background-color: transparent; outline: 0px; display: inline;" target="_blank">“Nature Astronomy”</a> jurnalında dərc olunub.</p><p style="text-align:;" justify;"> </p><p style="text-align:;" justify;">Qeyd edilir ki, ağ cırtdan ulduzlar termonüvə yanacaqları tükənmiş, lakin kütləsi neytron ulduzuna çevrilmək üçün kifayət etməyən köhnə ulduzlardır. Onlar 0,08-12 Günəş kütləsi olan ulduzlara çevrilə bilər.</p><p style="text-align:;" justify;"> </p><p style="text-align:;" justify;">Yeni ağ cırtdan ulduzu Simon Skarinqin rəhbərliyi altında astronomların komandası müşahidə edib. Səma cismi “TW Pictoris” sistemindədir. Materiyanın bir ulduzdan digərinə keçməsi bir neçə gündən bir aya qədər davam edən parlaqlıq dəyişiklikləri ilə müşayiət olunur.</p><p style="text-align:;" justify;"> </p><p style="text-align:;" justify;">Alimlər “Transiting Exoplanet Survey Satellite” teleskopunun köməyi ilə müşahidə etdikləri ağ cırtdanın parlaqlığının təəccüb doğuran sürətlə dəyişdiyini qeydə alıblar. Bildirilir ki, o, parlaqlığını yarım saat ərzində üç dəfə dəyişə bilər.</p><p style="text-align:;" justify;"> </p><p style="text-align:;" justify;">“TW Pictoris” sisteminin ağ cırtdan ulduzu rekord vaxtda iki parlaqlıq rejimi arasında dəyişir.</p>
<p style="text-align:;" justify;">Rusiyada "VKontakte" sosial şəbəkəsinin işində qüsurlar yaranıb.</p><p style="text-align:;" justify;"> </p><p style="text-align:;" justify;"><u><strong><a href="http://TED.az"><span style="color:#0000FF;">TED.az</span></a></strong></u>-ın məlumatına görə, şəbəkənin işi ilə bağlı 2 500-ə yaxın şikayət daxil olub.</p><p style="text-align:;" justify;"> </p><p style="text-align:;" justify;">Qeyd olunur ki, istifadəçilərin 41 faizi mobil tətbiqin işindən, 39 faizi veb-saytın işindən şikayət ediblər. Daha 20 faiz istifadəçi isə serverə qoşulmaqda çətinlik çəkdiklərini bildiriblər.</p><p style="text-align:;" justify;"> </p><p style="text-align:;" justify;">Oktyabrın 10-da da Rusiyada "VKontakte" və "Telegram"ın işində qüsurlar qeydə alınmışdı.</p><p> </p>
<p style="text-align:;" justify;">Peşə Təhsili üzrə Dövlət Agentliyinin dəstəyi ilə Sənaye və İnnovasiyalar üzrə Bakı Dövlət Peşə Təhsil Mərkəzində sistem inzibatçısı istiqaməti üzrə təlimlər keçiriləcək.</p><p style="text-align:;" justify;"> </p><p style="text-align:;" justify;">Agentlikdən <u><strong><a href="http://TED.az"><span style="color:#0000FF;">TED.az</span></a></strong></u>-a bildirilib ki, təlimdə iştirak üçün elektron ərizə qəbulu oktyabrın 24-dək davam edəcək. Təlimlərə peşə, orta ixtisas və ya ali təhsil almış şəxslər müraciət edə bilərlər. Seçim zamanı başlanğıc səviyyə ingilis dili biliklərinin, informasiya texnologiyaları üzrə təhsil və ya iş təcrübəsinin olmasına üstünlük veriləcək.</p><p style="text-align:;" justify;"> </p><p style="text-align:;" justify;">İştirakçılar “Windows” platformalı serverlərin, əməliyyat sistemlərinin qurulması, idarə olunması, proqram təminatlarının paylanması və yenilənməsi, serverlərin profillənməsi və monitorinqi, nasazlıqların aşkarlanması və aradan qaldırılması kimi sahələrdə biliklər əldə edəcəklər. İştirakçıların əldə etdikləri nəzəri bilikləri təlim zamanı tapşırıqlar vasitəsilə təcrübədə tətbiq etmək imkanları olacaq.</p><p style="text-align:;" justify;"> </p><p style="text-align:;" justify;">Nəzəri və praktiki hissələrdən ibarət olan təlimləri uğurla bitirən şəxslərə dövlət nümunəli sertifikat veriləcək.</p>
<p style="text-align:;" justify;">Bakı Ali Neft Məktəbinin (BANM) tələbələri bu il ilk dəfə olaraq Azərbaycanı NASA-nın (ABŞ Milli Aeronavtika və Kosmik Fəzanın Tədqiqatı İdarəsi) 2022-ci ildə keçirəcəyi “Human Exploration Rover Challenge” müsabiqəsində təmsil edəcək.</p><p style="text-align:;" justify;"> </p><p style="text-align:;" justify;">Bu barədə <u><strong><a href="http://TED.az"><span style="color:#0000FF;">TED.az</span></a></strong></u>-a BANM-dən məlumat verilib. Bildirilib ki, dünyanın müxtəlif orta və ali məktəblərindən olan 91 komandanın qatıldığı beynəlxalq müsabiqədə Azərbaycanı yeganə olaraq Bakı Ali Neft Məktəbi təmsil edir. Ali məktəbin komandasına məsləhətçi Aygül Musayeva və kapitan Nihad Həbizadə olmaqla, Hüseyn Abızadə, Şəmistan Lətifov, Cavid İsayev, Anar Alızadə, Aytən Sədirova, Şəms Gözəlova və Turan Səfərova daxildir.</p><p style="text-align:;" justify;"> </p><p style="text-align:;" justify;">Qeyd edək ki, “NASA Human Exploration Rover Challenge” hər il orta məktəb şagirdləri və universitet tələbələri üçün simulyasiya edilmiş Ay və Mars ərazisi üzərində insan gücü ilə işləyən, qatlana bilən nəqliyyat vasitələrinin dizaynı, qurulması və yarışının cəmləndiyi bir müsabiqədir. Beynəlxalq müsabiqə tələbələrin mühəndislik və STEM layihələrinin təşkili bacarıqlarının sınanmasını əhatə edir. Hər il dünyanın müxtəlif ölkələrindən olan orta və ali məktəb komandaları bu müsabiqədə rəqabət aparır.</p>
<p style="text-align:justify;"><u><strong><a href="http://TED.az"><span style="color:#0000FF;">TED.az</span></a></strong></u> xəbər verir ki, Bakcell Bakı şəhərində, “Sahil” metro stansiyasının yaxınlığında yeni konsept mağazasını istifadəyə verib. Müştərilərin rahatlığını təmin etmək məqsədilə yeni dükan özündə müştəri xidməti, eyni zamanda nömrə və aksessuar satışı funksiyasını birləşdirərək “hər şey bir arada” innovativ konsepsiyası əsasında qurulub. </p><p style="text-align:justify;"> </p><p style="text-align:justify;">Üzeyir Hacıbəyli küçəsi 48 ünvanında yerləşən yeni mağazanın qurulmasıda müştəri yönümlü yanaşmadan istifadə edilib. Burada abunəçiləri mobil rabitə xidmətlərinə aid bütün məsələlərdə kömək edə bilən xüsusi hazırlıq keçmiş əməkdaşlar qarşılayacaq. İnteryerin sadə zona bölgüsü sayəsində müştərilər üçün bütün lazımi məlumatlar daha əlçatan, müştəri xidməti təmsilçiləri və dükan əməkdaşları ilə ünsiyyət isə daha asandır. </p><p style="text-align:justify;"> </p><p style="text-align:justify;"><em> “Əminəm ki, bu konsept mağazada biz hər bir müştərimizə daha üstün keyfiyyətli xidmət göstərəcəyik, çünki bütün yeni açılan mərkəzlərimizdə olduğu kimi, burada da bütün xidmət prosesi “hər şeyin mərkəzində müştəri dayanır” yanaşması üzərində qurulub. Xidmətlərimizi Azərbaycanın bütün regionlarında yaşayan abunəçilərimiz üçün daha əlçatan etmək məqsədilə biz ölkənin müxtəlif şəhər və rayonlarında yeni konsept mağazaların qurulmasını davam etdirəcəyik. Bu il növbəti dəfə “Azərbaycanın ən sürətli mobil şəbəkəsi” adına layiq görülmüş Bakcell şəbəkəsi və özündə yüksək keyfiyyətli müştəri xidməti və satış funksiyasını birləşdirən yeni konsept mağazalar vasitəsilə biz müştərilərimizi bazarda ən üstün müştəri təcrübəsi ilə təmin etməyə davam edəcəyik”,<strong>-</strong></em><strong> deyə Bakcell şirkətinin baş icraçı direktoru Rainer Rathgeber bildirib. </strong></p><p style="text-align:justify;"> </p><p style="text-align:justify;">Mağazanın şəhərin mərkəzində yerləşməsini nəzərə alaraq, burada korporativ müştərilərə xidmətin göstərilməsi və B2B görüşlərinin keçirilməsi də nəzərdə tutulub. </p><p style="text-align:justify;"> </p><p style="text-align:justify;">Qeyd edək ki, Bakcell şirkəti bu ilin sonunadək bir neçə yeni mağazanın açılışını planlaşdırıb.</p>
