<p>Rusiya Federasiyasının Prezidenti Vladimir Putinlə ABŞ Prezidenti Cozef Bayden arasında telefon danışığı olub.<br/> Bu barədə Kremlin mətbuat xidməti məlumat yayıb.<br/> Vladimir Putin Cozef Baydeni ABŞ prezidenti postunda işə başlaması münasibətilə təbrik edib.<br/> Kreml rəhbəri bildirib ki, Rusiya və ABŞ arasında münasibətlərin normallaşması hər iki ölkənin maraqlarına cavab verərdi.<br/> Qeyd edilir ki, Vladimir Putin və Cozef Bayden Strateji Hücum Silahlarının məhdudlaşdırılması ilə bağlı müqavilənin (SHS-3) uzadılması haqqında notalardan məmnunluğunu bildiriblər.<br/> Dövlət başçılarının telefon danışığında koronavirus pandemiyası kimi kəskin problemlə mübarizə şəraitində ticarət-iqtisadi sfera da daxil olmaqla, digər sahələrdə də əməkdaşlıq imkanları nəzərdən keçirilib.<br/> Həmçinin ikitərəfli və beynəlxalq gündəmin aktual məsələləri müzakirə olunub. Cozef Bayden Ukraynanın suverenliyinə dəstəyini ifadə edib. ABŞ və Rusiya rəhbərləri eləcə də İranın nüvə proqramı, Fələstin-İsrail münaqişəsinin sülh yolu ilə nizamlanmasına da toxunublar.<br/> "Rusiya və ABŞ prezidentləri arasında ilk danışıq işgüzar və açıq xarakter daşıyıb. Dövlət başçıları təmasları davam etdirməyi razılaşdırıblar", - Kremldən bildirilib.<br/> Danışıqlar ABŞ tərəfinin təşəbbüsü ilə baş tutub./report</p>
<p>Rusiyanın Krasnoyarsk şəhəri ərazisində cari ilin əvvəlindən üçüncü dəfə "qara səma” rejimi elan edilib.<br/> Bu barədə Rusiyanın İstehlaka nəzarət regional baş idarəsi bildirilib.<br/> "Krasnoyarsk ərazisinin atmosferində əlverişsiz meteoroloji şərait olduğundan havada zəhərli tullantıların olacağı gözlənilir”, - məlumatda vurğulanıb.<br/> Orqanizmə zəhərli kimyəvi maddələrin daxil olacağı barədə xəbərdarlıq edilib və bu səbəbdən sakinlərə açıq hava şəraitində daha az olmaq məsləhət görülür./report</p>
<p>"İşğaldan azad olunmuş ərazilərin qazlaşdırılması ilə bağlı ümumi plan var. Yəni dövlətin ümumi proqramı var. Biz də, o proqramda iştirak edəcəyik”.<br/> Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin Baş direktoru Ruslan Əliyev açıqlamasında deyib ki, ilkin olaraq layihə işlərinə başlanılıb.<br/> Onun sözlərinə görə, burda "Azəriqaz" daxili qaz şəbəkəsinin, paylayıcı sistemin yaradılması ilə məşğuldu. Oraya maqistral qaz kəməri də çəkilməlidir. Hazırda layihə axtraış işləri gedir: "Amma konkret hansısa bir işə başlanma vaxtı, müddəti dəqiq deyə bilmərəm.”<br/> "İlkin olaraq Araz boyunca maqistral xəttin çəkilməsi nəzərdə tutulur və ordan da yuxarı rayonlara, Dağlıq Qarabağa doğru paylanması həyata keçiriləcək. Hazırda mövcud olan boru xətləri inventarlaşdırılıb, bununla bağlı xüsusi komissiyalar yaradılıb, bizim də 6 nəfər əməkdaşımış o komissiyalara daxildi.<br/> Qazın çəkilişi üçün maqistral xətt olmalıdır, tələbat müəyyənləşdirilməlidi, hansı ərazidə sənaye sahələri olacaq, hansı ərazidə daha çox əhali olacaq, bunları bilmədən layihəyə başlanması ilə bağlı dəqiq heç nə deyə bilmərəm”, - deyə qurumun baş direktoru deyib./report</p>
<p>"Ekologiya və Təbii Sərvətlər Nazirliyi işğaldan azad olunan ərazilərdə xüsusi mühafizə olunan təbiət ərazilərinin bərpası ilə bağlı təklif və layihələr hazırlayır".<br/> Bunu Ekologiya və Təbii Sərvətlər Nazirliyinin (ETSN) Bioloji Müxtəlifliyin Qorunması Xidmətinin rəisi Firuddin Əliyev "Ekspert saatı”nda deyib.<br/> Onun sözlərinə görə, həmin ərazilərdə təhlükəsizlik tədbirləri yekunlaşdıqdan sonra işlərə start veriləcək: "Xüsusi təbiət əraziləri daha əlçatan və vətəndaşlar üçün açıq olacaq. Bütün detallarla bağlı layihə hazırlanır və əhaliyə geniş məlumat veriləcək. Bir onu qeyd edə bilərəm ki, orada qoruq və yasaqlıqlar yox, daha müasir tərzdə yaradılan xüsusi mühafizə olunan təbiət əraziləri vətəndaşları gözləyir”.</p>
<p>"Ötən ilin əvvəlində MİDA-nın ilk layihəsi - Yasamal Yaşayış Kompleksində mənzillərin satışı tam başa çatdırılmış və ümumilikdə 1 633 ailə güzəştli mənzilə sahib olub”.<br/> XəzərXəbər xəbər verir ki, bunu Azərbaycan Respublikasının Mənzil İnşaatı Dövlət Agentliyinin (MİDA) ötən il ərzində fəaliyyətinin yekunlarına və qarşıda duran məsələlərə həsr olunmuş videokonfrans formatında keçirilən iclasda qurumun İdarə Heyətinin sədri Sadiq Sadıqov deyib.<br/> S.Sadiqovun sözlərinə görə, 2020-ci ilin mart ayının 24-də Azərbaycan Respublikasının Prezidenti İlham Əliyev və birinci xanım Mehriban Əliyevanın iştirakı ilə Agentliyinin növbəti layihəsi olan Hövsan Yaşayış Kompleksinin açılışı olub:<br/> "Bu kompleksdə ilk yeddimərtəbəli binanın təməli 2017-ci ilin dekabr ayının 24-də Azərbaycan Respublikasının Prezidenti İlham Əliyevin və ölkənin Birinci vitse-prezidenti xanım Mehriban Əliyevanın iştirakı ilə qoyulub. Hövsan Yaşayış Kompleksində mənzillərin sayı 2 962 ədəddir. Kompleksdə 1 920 yerlik tam orta məktəb, hər biri 90 yerlik olmaqla iki uşaq bağçası, tibb mərkəzi inşa olunub. 2020-ci ildə Hövsan Yaşayış Kompleksində yerləşən mənzillərin 3 satışı həyata keçirilib. Vətəndaşlara təklif olunan mənzillərdən 813-nün rəsmiləşdirilməsi başa çatdırılıb. Bütün mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə vətəndaşlara təhvil verilib”.</p>
<p>Almaniyanın İrandakı səfiri bu ölkənin Xarici İşlər Nazirliyinə çağırılıb və ona etiraz notası təqdim olunub.</p> <p>Xarici dövlətlərə casusluqda ittiham edilən adamların məhkəmə qərarı ilə edam edilməsinə səfir özünün "Twitter” hesabında münasibət bildirib. Qeyd olunub ki, guya İranda insan hüquqları pozulur və cəzalar siyasi xarakter daşıyır.</p> <p>Səfirin nəzərinə çatdırılıb ki, hər bir diplomat işlədiyi ölkənin qanunlarına hörmətlə yanaşmalı və diplomatik etikadan kənar hərəkətlərə yol verməməlidir. İranın məhkəmə və hüquq sisteminin işinə qarışmaq həm beynəlxalq qanunlara, həm də diplomatik qaydalara ziddir.</p> <p>Nəzərə çatdırılıb ki, İran səfirin sosial şəbəkədəki yazısını daxili işlərə qarışmaq kimi qiymətləndirir və bu kimi addımların təkrarlanmayacağına ümid edir. (AZƏRTAC)</p>
<p>İraqın paytaxtı Bağdaddakı "Yaşıl vadi” adlanan ərazidə yerləşən ABŞ səfirliyinin yaxınlığına bomba atılıb.</p> <p>AZƏRTAC İraq mətbuatına istinadla xəbər verir ki, səfirliyin yaxınlığına iki bomba atılıb. Partlayışın təsirindən bəzi binalara yüngül zərər dəyib.</p> <p>Hadisə yerinə gələn xüsusi xidmət orqanları araşdırma aparırlar. Hadisənin terror aktı olması istisna edilmir. Ölən və yaralananlar barədə hələlik məlumat yoxdur.</p> <p>Cari ildə ABŞ-ın İraqdakı səfirliyi bir neçə dəfə terror hücumuna məruz qalıb. Bu hücumlar nəticəsində səfirliyin binasına ciddi ziyan dəyib.</p>
<p>Azərbaycanlılara qarşı 1905-1906, 1918-1920, 1948-1953 və 1988-1994-cü illərdə çoxsaylı soyqırımları, kütləvi qırğınlar və deportasiyalar həyata keçirmiş erməni millətçiləri, eyni zamanda, minlərlə tarixi abidələri, nadir maddi və mənəvi mədəniyyət əsərlərini, məscidləri, minarələri, qəbiristanlıqları yerlə yeksan etmiş, tarixi adlara qarşı da soyqırımı törətmişlər.</p> <p>Bu fikri AZƏRTAC-a açıqlamasında Azərbaycan Milli Elmlər Akademiyasının Tarix İnstitutunun direktoru, akademik Yaqub Mahmudovun deyib. O bildirib ki, erməni millətçilərinin indiki Ermənistan ərazisində azərbaycanlılara məxsus mənəvi sərvətlərə qarşı davamlı olaraq həyata keçirdikləri soyqırımı nəticəsində minlərlə tarixi ad dəyişdirilərək erməniləşdirilib.</p> <p>İlk mənbələr, o cümlədən arxiv sənədləri indiki Ermənistanda azərbaycanlılara məxsus yaşayış məntəqələrinin adlarının və digər toponimlərin dəyişdirilməsi prosesinə ilk dəfə 1919-cu ildə - Azərbaycan ərazisində erməni dövləti yaradıldıqdan (1918) dərhal sonra Ermənistan Respublikası hökumətinin qərarı ilə başlanıldığını sübut edir. 1919-cu ilin dekabrında Ermənistan hökumətinin qərarı ilə daxili işlər nazirliyinin nəzdində kəndlərin, şəhərlərin, çayların və dağların adlarının dəyişdirilməsi üçün xüsusi komissiya yaradılmışdı. 1920-ci ildə Ermənistanda sovet hakimiyyəti qurulduqdan sonra da Azərbaycan toponimlərinin erməniləşdirilməsi prosesi davam etdirilib. 1935-ci ilədək Ermənistanda 200-ə yaxın yaşayış məntəqəsinin adları dəyişdirilib. 1935-ci ildən etibarən isə yaşayış məntəqələrinin adlarının dəyişdirilməsi Ermənistan SSR Ali Soveti Rəyasət Heyətinin fərmanları əsasında həyata keçirilib. 1988-ci ilin avqust ayınadək indiki Ermənistan ərazisində 521 Azərbaycan yaşayış məskəninin adları dəyişdirilib. 1988-1989-cu illərdə Ermənistan ərazisində azərbaycanlı əhaliyə qarşı etnik təmizləmə siyasəti həyata keçirildikdən sonra Ermənistan Respublikası Ali Soveti Rəyasət Heyətinin 1991-ci il 9 aprel tarixli fərmanı ilə 90 yaşayış məntəqəsinin, 1991-ci il 8 avqust tarixli fərmanı ilə 16 yaşayış məntəqəsinin, Ermənistan parlamentinin 2006-cı il 4 iyul tarixli qərarı ilə isə əvvəllər azərbaycanlılara məxsus olmuş 31 yaşayış məntəqəsinin adları dəyişdirilərək erməniləşdirilib.</p> <p>Ermənistan ərazisində çay, göl və dağ adlarının dəyişdirilməsi prosesi sovet hakimiyyəti illərində mütəmadi olaraq davam etdirilib. Məsələn, Göycə gölü "Sevan”, Zəngi çayı "Hrazdan”, Arpaçay "Axuryan”, Ələyəz dağı "Araqats”, İşıxlı dağı "İşxanasar”, Ağbaba dağı "Qukasyan”, Dərəçiçək yaylağı "Tsaxkadzor” adlandırılıb. Bundan başqa, uzun tarixi dövr ərzində "Valarşahabad” kimi işlənən toponim erməni ədəbiyyatında təhrif olunaraq "Vağarşabad” formasına salınıb. Erməni dilində heç bir izahı olmayan "Valarşahabad” toponimi Arşakilər sülaləsindən olan Sanatürkün oğlu Valar şahın adı ilə bağlıdır.</p> <p>Azərbaycan toponimlərinin erməniləşdirilməsi əsasən aşağıdakı qaydada həyata keçirilib:</p> <p>1) İlk növbədə azərbaycanlıların soykökü, onların tarixi keçmişi ilə bağlı olan yaşayış məskənlərinin adlarının dəyişdirilməsinə xüsusi diqqət yetirilib. Məsələn, Bayandur - Vağadur, Sərdarabad - Hoktember və s.</p> <p>2) Bir çox yaşayış məskənlərinin adları ermənicəyə hərfi tərcümə edilib. Məsələn, Daşqala - Karaberd, Dərəçiçək - Tsaxkadzor və s.</p> <p>3) Bəzi yaşayış məskənlərinin adları "beynəlmiləlçilik” pərdəsi altında dəyişdirilib. Məsələn, Sultanabad - Şurabad, Aşağı Necili - Sayat Nova və s.</p> <p>4) Yaşayış məskənlərinin adlarının bir qismi isə cüzi dəyişikliklə, ona oxşar, lakin erməniləşdirilmiş adla əvəz edilib. Məsələn, Ələyəz - Araqats, Gabud - Kapuyt və s.</p> <p>5) "Yuxarı”, "Aşağı”, "Böyük”, "Kiçik” sözləri ilə başlanan Azərbaycan yaşayış məntəqələrinin adlarında bu sözlər ermənicə, yəni müvafiq olaraq "Verin”, "Nerkin”, "Mets”, "Pokr” şəklində verilib. Bununla elə təəssürat yaratmağa çalışmışlar ki, guya dəyişdirilən adlar erməni mənşəlidir. Məsələn, Nerkin Zeyvə - Hartaşen, Mets Kəpənəkçi - Musaelyan və s.</p> <p>Akademik Yaqub Mahmudov qeyd edib ki, Azərbaycanın tarixi yer adları ilə bağlı dövlətimizin başçısının xüsusi tapşırığı olub: "Biz bu tapşırığı yerinə yetirərək tanınmış tarixçi alim Nazim Mustafa ilə birlikdə "Vandalizm: tarixi adlara qarşı soyqırımı” kitabını ərsəyə gətirdik. İngilis və rus dillərinə tərcümə edilmiş bu kitabın mahiyyəti ondan ibarətdir ki, indiki Ermənistan deyilən respublikanın ərazisi tarixi Azərbaycan torpağıdır və yer adlarının hamısını dəyişdiriblər. Bu kitabda qədim Azərbaycan adları və onların ermənilər tərəfindən saxtalaşdırılmış variantları öz əksini tapıb. Həmçinin Ermənistan SSR Ali Soveti Rəyasət Heyətinin adların dəyişdirilməsi ilə bağlı fərmanları da bu kitabda verilib. Tarix İnstitutu "Vandalizm: tarixi adlara qarşı soyqırımı” kitabını yenidən nəşr edəcək. Yeni nəşrə çar Rusiyası işğalları dövründə çar generallarının, hərbi topoqrafların yaratdığı xəritələr və Azərbaycanın ermənilər tərəfindən işğal olunmuş Dağlıq Qarabağ və onun ətrafında yerləşən rayonlarındakı tarixi adların kütləvi surətdə dəyişdirilməsi ilə bağlı faktlar əlavə olunacaq”.</p> <p>İlk mənbələr təsdiq edir ki, müasir Ermənistan Respublikasının ərazisi ən qədim zamanlardan başlayaraq həmişə Azərbaycan dövlətlərinin tərkibində olub. Bu ərazi sonrakı tarixi dövrlərdə də Azərbaycan sülalələri olan Sacilər, Salarilər, Şəddadilər, Eldənizlər, Qaraqoyunlular, Ağqoyunlular, Səfəvilər, Əfşarlar və Qacarların idarə etdikləri Azərbaycan dövlətlərinin tərkibində olub. Orta əsrlərdə Azərbaycan hakimləri olan Çuxursəd əmirləri və İrəvan xanlarının idarə etdikləri bu torpaqlar həm də Oğuz xaqandan başlayaraq Azərbaycan-türk tayfalarının elliklə və ən sıx şəkildə yaşadığı regionlardan biri idi.</p> <p>Akademik vurğulayıb ki, Azərbaycanın qədim mədəniyyət mərkəzlərindən biri olan İrəvan şəhərinin adı indiyədək iki dəfə dəyişdirilib. Birinci dəfə çar Rusiyasının işğalından sonra 1828-ci ildə Erivan (Эривань), ikinci dəfə isə 1936-cı ildə ermənilər tərəfindən dəyişdirilərək Yerevan (Ереван) adlandırılıb. Erməni tarixçiləri hazırda Yerevan adlandırdıqları şəhərin adını Urartu çarı I Argiştinin dövründə - eradan əvvəl 782-ci ildə salınmış Erebuni (İrpuni) qalasının adı ilə bağlamağa çalışırlar. Erebuni qalası yalnız hərbi istehkam məqsədilə inşa edilib və onun ətrafında heç vaxt şəhər infrastrukturu formalaşmayıb. Urartuluların ermənilərə heç bir aidiyyəti olmadığı kimi, qədim Erebuni qalasının da indiki İrəvan şəhəri ilə nə məkan, nə də tarixi baxımdan heç bir əlaqəsi olmayıb.</p> <p>Erməni vandalları keçmiş İrəvan xanlığının torpaqlarında, o cümlədən İrəvan şəhərində Azərbaycan xalqına məxsus 300-dən çox məscidi yerlə yeksan ediblər. Hazırda erməni vandalizmi işğal altında olan Qarabağ torpağında da davam edir. Orada məscidlərimiz və digər tarixi abidələrimiz məhv edilib, bəzi məscidlərimizdə isə donuz saxlanılır.</p> <p>Prezident İlham Əliyev Qarabağda ermənilərə aid heç bir tarixi irs olmadığını dəfələrlə bəyan edib: "Sual olunur: əgər Dağlıq Qarabağ qədim Ermənistan ərazisidirsə, niyə paytaxtın adı qədim erməni adı ilə adlandırılmayıb. Çünki paytaxtın qədim adı Xankəndidir - Xanın kəndi. Stepanakert, çünki Şaumyanın adı Stepan idi, kert Ermənistanda şəhər deməkdir, elə deyilmi? Stepanakert həmin bolşevikin adı ilə adlandırılıb”.</p> <p>Ermənistan BMT Təhlükəsizlik Şurasının 4 qətnaməsinə məhəl qoymayaraq, Azərbaycan torpaqlarını hələ də işğal altında saxlamaqda davam edir. Erməni təcavüzkarları keçmiş İrəvan xanlığının ərazisində, Zəngəzurda və başqa yerlərdə olduğu kimi işğal etdikləri Qarabağdakı Azərbaycan toponimlərini də erməniləşdirirlər. Qondarma "Dağlıq Qarabağ Respublikası” ("DQR”) Ali Soveti Rəyasət Heyətinin qərarlarına əsasən, işğal olunmuş ərazilərdə yeni inzibat-ərazi vahidləri yaradılır və "tarixi adların qaytarılması” adı altında toponimlər dəyişdirilir. Qondarma "DQR”in Ali Sovetinin 1993-cü il 2 dekabr tarixli qərarına əsasən, işğal olunmuş Laçın, Qubadlı və Zəngilan rayonlarını əhatə edən Kaşatağ rayonu yaradılıb və rayon mərkəzi kimi, Laçın şəhərinin adı dəyişdirilərək "Berdzor” adlandırılıb. İndiyədək qondarma "DQR” parlamentinin qərarları ilə 120-dən çox azərbaycanlı yaşayış məntəqəsinin adları dəyişdirilib. Ağdam şəhəri "Akn”, Füzuli şəhəri "Varanda”, Zəngilan şəhəri "Kovsakan”, Qubadlı şəhəri "Sanasar”, Kəlbəcər şəhəri "Karvacar”, Cəbrayıl şəhəri "Crakan” adlandırılıb. Dünyanın gözü qarşısında soyqırıma məruz qoyulan Xocalı şəhəri isə onun işğal planını hazırlayan general X.İvanyanın adı ilə "İvanyan” adlandırılıb.</p> <p>"Müasir vandallar unudurlar ki, Dağlıq Qarabağ düyünü sülh yolu ilə açılmazsa, Üzeyir Hacıbəylinin, Xan qızı Natəvanın, Bülbülün güllələnmiş heykəllərini Şuşaya – Qarabağa təcavüzkarlar üzərində zəfər çalmış Azərbaycan xalqının özü qaytarıb aparacaqdır. O gün gələcək! O gün uzaqda deyil!” – deyə akademik Yaqub Mahmudov qeyd edib.</p>
<p>Cari il sentyabrın 1-nə olan məlumata görə, Gürcüstanın Azərbaycana olan borcu 422 min dollar azalaraq 5,68 milyon ABŞ dolları olub.</p> <p>Xezerxeber.az xəbər verir ki, bu barədə Gürcüstanın Maliyyə Nazirliyinin hesabatında deyilir.</p> <p>Bildirilir ki, Gürcüstanın ümumi xarici borcu 6,7 milyard ABŞ dolları təşkil edir. Bunun da 6,5 milyard dolları hökumətin payına düşür. Gürcüstanın Türkiyə, Rusiya, ABŞ və digər ölkələrə olan borcunun da həcmi bir qədər azalıb.</p>
<p>İtaliyanın "İnter" komandasının futbolçusu Lautaro Martines İspaniya "Real Madrid"inə keçəcək.</p> <p>"Sport Mediaset" nəşri xəbər verir ki, artıq klublar arasında razılıq əldə olunub.</p> <p>İddiaya görə, Milan təmsilçisi bu keçidi argentinalı forvardın xidmətində maraqlı olan "Barselona"dan gizli saxlayıb. Çünki "İnter" hazırda Arturo Vidalın transferi üçün Kataloniya təmsilçisi ilə danışıqları davam etdirir.</p> <p>İtaliya klubunun rəhbərliyi hesab edir ki, 23 yaşlı forvardın satışından əldə olunacaq gəlir "Real Madrid"dən 40 milyon avro qarşılığında alınan Əşrəf Hakiminin transfer xərclərini bağlayacaq. Həmçinin Madrid təmsilçisnin hücumçusu Luka Yoviç Martinesin əvəzinə "İnter"ə icarəyə verilə bilər.</p> <p>Cənubi amerikalı oyunçunun "Real Madrid"dəki illik maaşı təxminən 8 milyon avro olacaq. Oyunçu Milan klubundakı məvacibdən 3 milyon avro çox, "Barselona"nın təklif etdiyi məğləğdən isə 2 milyon avro az qazanacaq.</p>
<p>"Rusiya Belarusa 1,5 mlrd. dollar həcmində kredit verəcək”.</p> <p>Bu barədə Rusiya prezidenti Vladimir Putin belaruslu həmkarı Aleksandr Lukaşenko ilə görüşündə bildirib.</p> <p>"Biz razılaşdıq ki, Rusiya Belarusa bu çətin anında 1,5 mlrd dollar həcmində dövlət krediti versin. Biz bunu icra edəcəyik. Hazırda bildiyim qədəri ilə maliyyə nazirlərimiz bu barədə professional səviyyədə iş aparırlar”, - deyə Putin vurğulayıb.</p> <p>Qeyd edək ki, bu gün Soçidə Rusiya və Belarus prezidentləri arasında danışıqlar aparılıb. Təkbətək formatda keçirilən danışıqlardan sonra prezidentlər mətbuat önündə çıxış ediblər./apa</p>
<p>İspaniyanın "Real Madrid" klubunun 2021-ci il üçün əsas transfer hədəfləri bəlli olub.</p> <p>"Report" AS nəşrinə istinadən xəbər verir ki, "kral klubu" növbəti yay 3 fransız futbolçunu heyətinə qatmaq niyyətindədir.</p> <p>Bunlar Almaniya "Leyptsiq"inin müdafiəçisi Dayot Upamekano, Fransa "Renn"indən yarımmüdafiəçisi Eduardo Kamavinq və PSJ-nin hücumçusu Kilian Mbappedir.</p> <p>Qeyd edək ki, "Real Madrid" 2020-ci ildə yüksək ödənişli oyunçuların transferindən imtina edib.</p>
<p>"Yuventus"un hücumçusu Qonsalo İquain karyerasını ABŞ-da davam etdirəcək.</p> <p>Argentinalı hücumçu MLS təmsilçisi "İnter Mayami" ilə razılığa gəlib. Onun transferi tezliklə rəsmi şəkildə açıqlanacaq.</p> <p>İquain 2016-cı ildə 94 milyon avro qarşılığında "Napoli"dən "qoca sinyora"ya keçmişdi. 32 yaşlı futbolçu Turin klubunda keçirdiyi 149 oyunda 66 qol vurub, 16 məhsuldar ötürmə edib.</p>
<p>"Milan" və "Ayntraxt" klubları futbolçuları - Andre Silva ilə Ante Rebiçi dəyişiblər.</p> <p>"Milan" iki il öncə icarəyə götürdüyü futbolçunu 25 milyon avroya transfer edib. 26 yaşlı xorvatiyalı hücumçu ilə 3 illik müqavilə imzalanıb.Andre Silva iki il icarə əsasında</p> <p>oynadığı "Ayntraxt"la 3 illik müqavilə bağlayıb. 24 yaşlı portuqaliyalı forvardın transferi Frankfurt klubuna 25 milyon avroya başa gəlib.</p>
<p>Son sutkada Braziliyada COVID-19-a 40 mindən çox yoluxma aşkarlanıb.</p> <p>Bu barədə TASS yerli Səhiyyə Nazirliyinə istinadən məlumat yayıb.</p> <p>Son məlumata görə, respublikada koronavirusa sutkalıq yoluxma 40 557 təşkil edib. Pandemiyanın başlanğıcından ölkədə təhlükəli infeksiyaya 4 238 446 sakin yoluxub.</p> <p>Qeyd edilir ki, 129 552 pasiyent təhlükəli infeksiyanın qurbanı olub, onlardan 983-ü son sutkada vəfat edib. Eyni zamanda koronavirusa yoluxmuş 3 497 337 nəfər sağalıb.</p> <p>Braziliya dünyada koronavirusa yoluxma hallarının sayına görə ikinci yerdədir. Ölkə virus daşıyıcılarının sayı üzrə yalnız ABŞ-dan geri qalır.</p> <p>Koronavirus infeksiyası ötən ilin dekabrında Çinin Uhan şəhərində yayılmağa başlayıb.</p> <p>Hazırda virus 218 ölkə və bölgədə qeydə alınıb. Ümumdünya Səhiyyə Təşkilatı (ÜST) COVID-19-u pandemiya elan edib. /report</p>
<p>"Beşiktaş" yeni futbolçu ilə anlaşıb.</p> <p>Səudiyyə Ərəbistanı təmsilçisi "Əl-Əhli"dən ayrılan Jozef de Souza İstanbul klubu ilə ilkin razılığa gəlib.</p> <p>"Qara qartallar" 31 yaşlı yarımmüdafiəçiyə 1+1 illik müqavilə təklif edib. Klub rəhbərliyi Jozefə illik 1,3 milyon avro maaşı ödəməyə hazır olduğunu bildirib. İlkin təklifi müsbət qiymətləndirən braziliyalı futbolçu transferi rəsmiləşdirmək üçün İstanbula yollanıb.</p> <p>Növbəti günlərdə transferin rəsmiləşəcəyi gözlənilir.</p> <p>Jozef 2015-2018-ci illərdə "Fənərbaxça"da oynayıb. O, 2018-ci ildə İstanbul klubundan "Əl-Əhli"yə 12 milyon avro qarşılığında keçmişdi.</p>
<p>"Nyukasl" "Norviç Siti"nin sol cinah müdafiəçisi Camal Lüisi transfer edib.</p> <p>XəzərXəbər klubun saytına istinadla xəbər verir ki, "sağsağanlar" şimali irlandiyalı futbolçunu 15 milyon funt-sterlinqə transfer edib. Camalla 5 illik müqavilə imzalanıb.</p> <p>22 yaşlı futbolçu ötən mövsüm Premyer Liqada keçirdiyi 28 oyunda 1 məhsuldar ötürmə edib.</p>
<p>Tbilisidə hər il oktyabr ayında qeyd olunan "Tbilisoba” şəhər bayramı bu il keçirilməyəcək.</p> <p>Bu barədə şəhər meriyası qərar qəbul edib.</p> <p>Tbilisi meri Kaxa Kaladze bildirib ki, cari epidemioloji vəziyyəti nəzərə alaraq festivalı təxirə salıblar.</p> <p>O deyib ki, "Tbilisoba” ilə bağlı yalnız onlayn formatda canlı yayımda konsert proqramları təqdim olunacaq.</p> <p>Qeyd edək ki, Gürcüstan paytaxtında "Tbilisoba” şəhər bayramı 1979-cu ildən keçirilir. Əvvəllər bu şənlik oktyabr ayının sonunda təşkil olunsa da, 2018-ci ildən etibarən ayın ilk bazar günləri qeyd edilir. /report</p>
<p>Tyaqo Alkantara "Bayern"dən ayrılmağa qərar verib.</p> <p>"Bild" xəbər verir ki, Münhen təmsilçisinin ispaniyalı yarımmüdafiıçisi komanda yoldaşları ilə vidalaşıb. Ötən mövsüm komanda ilə 3 titul qazanan 29 yaşlı futbolçu klubun yeni müqavilə təklifini qəbul etməyib.</p> <p>Tyaqonun adı "Liverpul" və "Mançester Yunayted" ilə hallanır. Son olaraq, "Barselona"nın da keçmiş futbolçusuna təklif göndərdiyi bildirilir.</p> <p>Alkantaranın "Bayern"lə müqaviləsi 2021-ci ilin yayında bitəcək. Bundesliqa klubu futbolçunu 2013-cü ildə "Barselona"dan 25 milyon avroya transfer edib.</p>
<p>Kaliforniya qubernatoru Qevin Nyusom meşə yanğınları səbəbilə ABŞ-ın bu ştatının beş dairəsində fövqəladə vəziyyət rejimi tətbiq edib.</p> <p>TASS xəbər verir ki, bu barədə qubernatorun saytında dərc olunan bəyanatda deyilir.</p> <p>"Yanğınlar səbəbi ilə on min akr ərazi yanıb, evlər məhv olub, minlərlə sakin evakuasiya edilib”, - Q.Nyusom bildirib.</p> <p>Fövqəladə vəziyyət rejimi Kaliforniyanın mərkəzi hissəsindəki Fresno, Madera və Mariposa dairələrində, eləcə də ştatın cənubundakı San-Bernardino və San-Dieqo dairələrində tətbiq olunur. Kaliforniyada ümumilikdə 58 dairə var.</p> <p>Qeyd edək ki, ştat başçısı anomal istilər, eləcə də digər dairələr yanğınlar olması səbəbindən avqustun 18-də artıq ştat səviyyəsində fövqəladə vəziyyət tətbiq etmişdi. Bu addım yerli hökumət orqanlarına bəzi əlavə fondlara çıxış əldə etməyə və yanğının nəticələrinin aradan qaldırılması zamanı daha çox mənbədən istifadə etməyə imkan verir. Bu hətta ABŞ Milli Qvardiyasının xilasetmə və ya bərpa işlərinə cəlb olunmasını da mümkün edir. Bundan əlavə, dairə səlahiyyətliləri yanğınlar səbəbilə zəruri olan qida məhsullarını sadələşdirilmiş sxemlə ala bilərlər./Report</p>
<p>Sumqayıtda bir sinfin yeddi məzunu qəbul imtahanlarında 600-dən yüksək bal toplayıb.</p> <p>XəzərXəbər xəbər verir ki, Sumqayıt şəhər N.Tusi adına 12 nömrəli tam orta məktəbin riyaziyyat müəllimi Novruzova Zülfiyyənin rəhbərlik etdiyi 11B sinfi 2019-2020-ci tədris ilində yüksək nəticələr göstərib.</p> <p>Belə ki, sinfin 7 məzun fərqlənmə attestatına layiq görülüb, ali məktəbə qəbul nəticələrinə görə 7 məzun 600-dən yuxarı, 4 məzun isə 500-dən yuxarı bal toplayıb.</p>
