Rusiya Federal Vergi Xidməti təsisçisi keçmiş UFC çempionu Həbib Nurməhəmmədov olan şirkətlərin hesablarını bloklayıb.
“Mash” Telegram kanalı xəbər verir ki, o, hesabları Federal Vergi Xidməti tərəfindən bloklanan "Futbol Topu Muzeyi" və "Təhsil, İdman və Sosial Təşəbbüslərin İnkişafı Fondu" şirkətlərinin təsisçisi kimi qeyd olunur.
"Yəqin ki, məlumat və rəsmi sənədlərdəki səhvlərə görə, fond 2021-ci ildə təsisçiləri haqqında məlumatları gizlədib. Və Həbib muzeyi qeyri-kommersiya təşkilatı vasitəsilə idarə edib", - mesajda deyilir.
İyulun 1-də Federal Vergi Xidməti Mütləq Döyüş Çempionatının keçmiş çempionunun hesablarına həbs qoydu. “Mash” Telegram kanalı bildirib ki, həbsə səbəb idmançının 297 milyon rubl (5 259 393 manat - red.) borcu olub. Bundan əvvəl vergi departamenti keçmiş UFC çempionunun şirkətlərini yalan məlumatlara görə bağlayıb.
Həbib Nurməhəmmədov karyerası ərzində keçirdiyi 29 döyüşün hamısında qalib gələn məğlubedilməz UFC çempionudur. O, 2020-ci ilin payızında Jastin Qetjini məğlub etdikdən sonra karyerasını bitirdiyini açıqladı.
Almaz Həsənli
