"İsrail HƏMAS-la münaqişədə öz məqsədlərinə nail olub".
TASS-a istinadən verilənməlumata görə, bunu Brüsseldə səfərdə olan ABŞ Dövlət katibi Antoni Blinken jurnalistlərə bildirib.
O, İsrailin Qəzzada Fələstinin radikal HƏMAS hərəkatının hərbi potensialını və qruplaşmanın rəhbərliyini məhv etdiyini, indi isə münaqişənin həllinə diqqət yetirilməli olduğunu qeyd edib.
"İsrail 7 oktyabr (2023-cü il) kimi hücumların qarşısını almaq üçün HƏMAS-ın hərbi potensialını və həmin hücumun hazırlanmasına cavabdeh olan liderləri tamamilə məhv etmək niyyətini bəyan edib. Bu məqsədlərə nail olunub. İndi münaqişəni bitirmək vaxtıdır" ,- deyə Blinken bildirib.
Dövlət Departamentinin rəhbəri əlavə edib ki, münaqişəni başa çatdırmaq üçün HƏMAS-la girovların qaytarılması və Qəzza sektorunda atəşkəs barədə razılığa nail olmaq, həmçinin Fələstin qruplaşmasının hərbi gücünü yenidən artırmasına yol vermədən İsrail qoşunlarının anklavdan çıxarılmasını təmin etmək vacibdir.
Mənbə: oxu.az
