“Dədə-babalarımız nə yeyibsə, onu yemək daha faydalıdır, nəinki...” — Vegeterianlar üçün restoran açılır?
Azad İstehlakçılar Birliyinin sədri Eyyub Hüseynov təklifi Demokrat.az-a açıqlamasında dəyərləndirib və söyləyib ki, Azərbaycanda çox az sayda vegeterian insan var:
“Vegeterian olmaq istəyən insanların təxminən 50 faizi sonradan ənənəvi həyat tərzinə geri qayıdır. Düşünürəm ki, Azərbaycanda veqan restoranı açılsa da, elə də gəlirli olmayacaq. Azərbaycan istehlakçıları bu cür qidalanmaya hazır deyillər. Vegeterian insanların sağlamlıq vəziyyəti digər insanlardan heç də seçilmir, çox cüzi dəyişiklik baş verir. Vegeterian insanlarda fərqli olan məsələ dünyaya baxışlarıdır. Onların qidalanmağı, həyat tərzi Krişnaya əsaslanır. Onların əksəriyyətinin inancları da, dinləri də dəyişir. Krişna tərəfdarları yemək vasitəsilə öz dinlərini yaymaq istəyirlər. Dədə-babalarımız nə yeyibsə, onu yemək, o cür qidalanmaq daha faydalıdır, nəinki, başqa ölkələrdən gələn qidalanma növü. Mən belə hesab edirəm. Düşünürəm ki, belə restoranları da müəyyən dini sektalar maliyyələşdirə bilər ki, öz inanclarını yaysın. Ancaq 30 faiz insan dini baxışlarını dəyişmədən vegeterian olur, o cümlədən də Azərbaycanda”.
Törə Zeynallı
Demokrat.az
