Nazir: “2021-2022-ci illərdə 207 mindən çox saxta əlil müəyyən edilib”

“Bu il artıq 40 min şəxsə əlillik təyin olunub. Bunun yarısı ilkin əlillikdir”.

Bizim.Media xəbər verir ki, bunu Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə keçirilən iclasında əmək və əhalinin sosial müdafiəsi naziri Sahil Babayev deyib.

Nazir qeyd edib ki, qanunvericiliklə kimə əlillik düşürsə, veriləcək:

"Qanunvericiliklə düşməyənə isə əlillik verilməyəcək. 2021-2022-ci illərdə saxta əlilliklə dövlət vəsaitlərini mənimsəyən 207 000-dən çox şəxs müəyyən edilib”.

Bizim.Media