Kanadanın "D-Wave" şirkəti özünün ən son kvant prosessorunun - 4400 kubitdən çox olan "Advantage2"nin kalibrlənməsini və sınaqlarını başa çatdırıb. Yeni model sələfindən 25 000 dəfə sürətlidir.
Valyuta.az bu barədə "Live Science" jurnalına istinadən xəbər verir.
Nəşr vurğulayır ki, "Advantage2" süni intellektə əsaslanan proseslər də daxil olmaqla çox resurs tələb edən proqramlarla işləmək üçün nəzərdə tutulub. "D-Wave" nümayəndələrinin sözlərinə görə, yeni kvant prosessoru ilk modelin 5000 kubitdən ibarət olmasına baxmayaraq, sələfi ilə müqayisədə məhsuldarlıqda böyük artım əldə edib.
"Son performans testləri göstərir ki, 4,400+ kubitlik "Advantage2" prosessoru hesablama baxımından hazırkı "Advantage" sistemindən daha güclüdür və material elmində geniş yayılmış 3D qəfəs tapşırıqları da daxil olmaqla bir sıra tapşırıqları 25,000 dəfə daha sürətli həll edir. Prosessor həmçinin yüksək dəqiqlik tələb edən vəzifələrin həlli üçün beş dəfə daha yaxşı seçimlər təqdim edir. Bundan əlavə, o, geniş kvant tətbiqlərindəki imkanlarını vurğulayaraq, "Boolean" texniki-iqtisadi əsaslandırma tapşırıqlarının 99%-də mövcud "Advantage" sistemini üstələyir", deyə şirkət bildirib.
Nəşr vurğulayır ki, 3D qəfəsləri olan tapşırıqlar tez-tez materialşünaslıqda atomik qarşılıqlı təsirləri modelləşdirmək üçün istifadə olunur. Daha sürətli həllər o deməkdir ki, elm adamları daha az vaxt ərzində yeni material hazırlayıb sınaqdan keçirə bilərlər.
"Boolean" fizibilite tapşırıqları bir çox mümkün həll yolu ilə sistemin mürəkkəb tapşırıqları idarə etmək qabiliyyətini qiymətləndirən etalon testlərdir. Nəşr izah edir ki, bu testlər həllərin sürətli axtarışının vacib olduğu kriptoqrafiya və logistika kimi tətbiqlərdə prosessorun işini qiymətləndirməyə kömək edir.
Bundan əlavə, "D-Wave" yeni prosessorun üç əsas sahədə təkmilləşdirmələr əldə etdiyini bildirib: uyğunluq vaxtı, enerji miqyası və qubit bağlantısı.
"İnkişaf səylərini növbəti yumşaldıcı kvant hesablama sistemimizin əlaqəsini və uyğunluğunu yaxşılaşdırmağa yönəltmək üzrə strateji qərarımız özünü doğrultdu. Yeni kalibrlənmiş prosessorumuzun performansı bizi həyəcanlandırır və əminik ki, bu texnologiya müştərilərimiz üçün getdikcə daha mürəkkəb problemlərin həllində heyrətamiz nəticələr verəcəkdir", deyə "D-Wave"in İnkişaf Direktoru Trevor Lantinq bildirib.
Paşa Məmmədli
