“Qərbin Avrasiyada xaos və nifaq toxumu səpmək cəhdləri yalnız Rusiyanın və onun regional tərəfdaşlarının asayişi bərpa etmək əzmini gücləndirir”.
Azpost.info bildirir ki, bu sözləri Rusiya Xarici Kəşfiyyat Xidmətinin direktoru Sergey Narışkin “Milli Müdafiə” jurnalına müsahibəsində bildirib.
Onun sözlərinə görə, inkişaf etməkdə olan ölkələr Qərbin Çin və ya Rusiya ilə şiddətli rəqabətində iştirakdan imtina edirlər. Qərb isə bununla hesablaşmalıdır.
“Qərb beynəlxalq normaları inkişaf etməkdə olan ölkələrin ehtiyaclarına uyğunlaşdırmaq, o cümlədən BMT Təhlükəsizlik Şurasında islahatlar aparmaq vədləri ilə onları aldatmağa çalışır. Bununla belə, hamı çox gözəl başa düşür ki, bu cür manevrlərin son məqsədi ABŞ və onun müttəfiqlərinin qlobal üstünlüyünü saxlamaqdır”-deyə Narışkin deyib.
O vurğulayıb ki, Rusiya Avrasiya makroregionunun tarixi yüksəlişinin şahidi olur: “Artıq bu gün qlobal iqtisadi artımın əsas payını bu region təmin edir. Çoxqütblü dünyanın inkişaf edən qeyri-Qərb mərkəzlərinin çoxu məhz Avrasiyada yerləşir. Onları qitədə sabitlik və qarşılıqlı faydalı əməkdaşlıqda ümumi maraq birləşdirir. Qərbin Avrasiyada xaos və nifaq toxumu səpmək cəhdləri yalnız Rusiyanın və onun regional tərəfdaşlarının asayişi bərpa etmək əzmini gücləndirir”.
Narışkin deyib ki, Avrasiya təhlükəsizlik arxitekturasının formalaşdırılması avro-atlantik elitaların dünyanı itələdiyi nüvə müharibəsi dalanından çıxarmaq üçün çıxış yoludur: “Biz bilirik ki, bu baxış təkcə Asiyada deyil. Bunu Avropada qalan sağlam qüvvələr də başa düşürlər. Onlar total senzura şəraitində hələ ki, kürək deməyə cəsarət etmirlər”.
Azpost.info
