Ford, Avropada elektrik avtomobillərinə olan tələbin azalması və Çin istehsalçılarının artan rəqabəti səbəbindən 2027-ci ilə qədər 4,000 nəfəri işdən çıxarmağı planlaşdırır.
Yaponiyanın avtomobil istehsalçısı 9 min işçini ixtisar etməyi planlaşdırır
FED.az xəbər verir ki, bu ixtisarlar şirkətin bölgədəki işçi qüvvəsinin 14%-ni təşkil edir və əsasən Almaniya və Böyük Britaniyada həyata keçiriləcək. Şirkət bu addımı tənəzzüldə olan bazar şərtlərinə uyğunlaşmaq və Avropada rəqabət qabiliyyətini qorumaq üçün vacib hesab edir.
Ford-un Avropadakı sərnişin avtomobilləri bölməsi son illərdə böyük maliyyə itkiləri ilə üzləşib. Elektrik avtomobilləri bazarında yüksək istehsal xərcləri və zəif satışlar şirkəti qiymətləri azaltmağa və istehsal planlarını dəyişməyə məcbur edib. Ford nümayəndələri qeyd ediblər ki, iş yerlərinin ixtisarına baxmayaraq, istehsalın optimallaşdırılması şirkətin uzunmüddətli planlarının bir hissəsidir.
Bu xəbər, avtomobil sənayesində böhran içində olan digər istehsalçıları da təsir edir. Məsələn, Volkswagen də iqtisadi çətinliklər səbəbindən ixtisarlar elan edib və istehsalat müəssisələrinin bağlanmasını planlaşdırır.
