Tərtərdə yol qəzası baş verib.
Avtosfer.az “Bizim.Media”ya istinadən xəbər verir ki, hadisə Bərdə-Tərtər yolunda qeydə alınıb.
Belə ki, hərəkətdə olan iki VAZ markalı minik avtomobili toqquşub. Daha sonra idarəetməni itirərən minik maşınlarından biri yol kənarında dayanan “OKA” markalı minik avtomobilinə çırpılıb.
Hadisə nəticəsində xəsarət alanlar, 1951-ci il təvəllüdlü Əliyev Aşur Murtuza oğlu və 1978-ci təvəllüdlü Mamedov Qorxmaz Məhəmmədəli oğlu Bərdə mərkəzi rayon xəstəxanasına çatdırılıblar. Onların həyati təhlükəsinin olmadığı bildirilir.
Faktla bağlı araşdırma aparılır.
