Rusiya Ukraynanı Rusiya ərazisinə növbəti uzaqmənzilli silah zərbələrindən imtina etməyə məcbur etmək üçün qitələrarası ballistik raketlə Dneprə hücum edib.
Bunu CNN-ə açıqlamasında ABŞ-ın istefada olan general-mayoru Mark Makkarli deyib.
O qeyd edib ki, Moskva bununla Ukraynaya növbəti dəfə Kiyevi də qitələrarası ballistik raketlə vura biləcəyini göstərmək istəyir.
“Deyə bilərsiniz ki, Rusiya ilk olaraq Dneprdə atəş açdı və sanki belə bir bəyanatla çıxış etdi ki, əgər Ukrayna ABŞ-ın Böyük Britaniyadan bu yaxınlarda tədarük etdiyi "ATACMS" və "Storm Shadow"("Fırtına Kölgəsi") raketlərininn istifadəsindən imtina etməsə, o zaman Rusiya eyni daha uzun mənzilli qitələrarası ballistik raketlə istifadə Kiyevi vuracaq”, - Makkarli jurnalistlərə bildirib.
ABŞ-ın istefada olan general-mayoru bu səhər Kiyevdə olduğunu və paytaxtda hava hücumu xəbərdarlığının səsləndiyini eşitdiyini paylaşıb. O, insanların şəhərin qitələrarası ballistik raketlə hücuma məruz qala biləcəyindən qorxduğunu vurğulayıb:
"Sirenlər nəhayət dayandı, lakin hələ də insanların zirzəmilərə və beton dayanacaqlara axını var idi, çünki bu, sadəcə olaraq böyük qorxu yaradır. Rusların istədiyi də budur, yaşayan və sağ qalanlar arasında qorxu..."
Xatırladaq ki, noyabrın 21-də səhər saatlarında Rusiya işğalçıları ilk dəfə olaraq Dnepr şəhərini qitələrarası ballistik raketlə vurub. İlkin məlumatlara görə, bu, "RS-26 -Rubej" raketi olub.
Ukrayna Silahlı Qüvvələrinin Hərbi Hava Qüvvələri Komandanlığının kommunikasiyalar şöbəsinin rəisi vəzifəsini icra edən Yuri İqnat bu zərbəyə reaksiya verib. O qeyd edib ki, bu hücumla bağlı bütün məlumatlar Hərbi Hava Qüvvələrinin hesabatında göstərilib. Zərbə ilə bağlı heç bir təfərrüat açıqlanmayacaq.
