ABŞ-ın yeni seçilmiş prezidenti Donald Tramp Amerikanın gücünə vurğu edərək dünyada sülhü bərpa etmək niyyətindədir.
Senzor.az bildirir ki, bunu Trampın seçki qərargahının sözçüsü Karolina Levitt TASS-a açıqlamasında Rusiya lideri Vladimir Putinin Qərbin siyasətinin Ukraynada gərginliyi artırdığı haqda xəbərdarlığını şərh edərkən deyib.
“Amerika xalqı Trampı yenidən prezident seçdi, çünki onun ölkəni arxasınca aparacağına və dünyada sülhü güc yolu ilə bərpa edə biləcəyinə inanır. O, Ağ Evə qayıdanda bunu etmək üçün hərəkətə keçəcək”, - Levitt bildirib.
Qeyd edək ki, Trampın andiçmə mərasimi 20 yanvar 2025-ci ildə keçiriləcək.
