Bank Respublika diqqətini bank bazarına yönəldəcək.
Azərbaycanın maliyyə sektorunun liderlərindən biri olan "Bank Respublika" bank xidmətləri sahəsində mövqelərinin gücləndirilməsinə yönəlmiş yeni strategiyası çərçivəsində törəmə şirkəti olan "Bakı Sığorta" şirkətinin fəaliyyətini könüllü şəkildə dayandırdığını elan edib.
Bu qərar "Bank Respublika"ya innovativ bank məhsullarının hazırlanması və tətbiqinə, həmçinin müştəri xidmətlərinin keyfiyyətinin artırılmasına fokuslanmağa imkan verəcək.
"Bankın bütün göstəricilər üzrə əldə etdiyi yüksək nəticələri nəzərə alaraq və mövcud vəziyyəti hərtərəfli təhlil etdikdən sonra belə bir qərara gəldik ki, bank xidmətlərinə fokuslanmaq bizə dinamik inkişafı davam etdirmək və real sektorun maliyyələşdirilməsinə diqqət yetirmək üçün daha geniş imkanlar yaradacaqdır"- deyə “Bank Respublika”nın Müşahidə Şurasının sədri Şakir Rəhimov qeyd edib.
