"Hazırda Çinin müxtəlif növ pasport sahibləri üçün qarşılıqlı vizasız gediş-gəliş haqqında saziş bağladığı ölkələrin və regionların sayı 157-yə çatıb".
Bakıvaxtı.az "Euronews"a istiandən xəbər verir ki, bunu Çin Xarici İşlər Nazirliyinin konsulluq departamentinin rəhbəri Tong Xuejun deyib.
Onun sözlərinə görə, Çin həmçinin Fransa və Almaniya da daxil olmaqla 29 ölkənin pasport sahibləri üçün birtərəfli vizasız rejim tətbiq edib:
"Artıq Çinə gələn əcnəbilər üçün viza prosedurları daha rahat olub. Çinin xarici ölkələrdəki bütün diplomatik nümayəndəlikləri viza üçün müraciət etməzdən əvvəl görüş təyin etmək zərurətini aradan qaldırıb. Həmçinin vətəndaşları barmaq izlərinin toplanması zərurətindən azad olan ölkələrin siyahısı genişləndirilib. Mövcud standartlara uyğun olaraq, viza rüsumları 25 faiz azaldılıb. Əcnəbilərin Çinə gediş-gəliş xərcləri daha da aşağı olacaq".
Gülşən Şərif
