Bakıda noyabrın 11-22 tarixlərində keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkandakı bütün əməliyyatların kordinasiyası Məkanın İdarəedilməsi Departamenti tərəfindən icra edilib.
Bizim.Media xəbər verir ki, departament məkanda gündəlik keçirilən 300-dən çox tədbirin təşkilində və əraziyə daxil olan 25 mindən çox insana fərqli istiqamətlərdə xidmətlər göstərib.
Həmçinin görüş otaqlarının hazırlanması, texniki avadanlıqların işlək vəziyyətdə olması, insanların sərbəst şəkildə məkanda hərəkət etməsi və istədiyi məkana çatması, istədiyi servis xidmətindən istifadə etməsi Məkanın İdarəedilməsi Departamentinin komandası tərəfindən təmin olunub.
Bizim.Media
