1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Son 15 ildə bir qrup alim Ekvadorun şimal-qərbində yerləşən, sıx tropik meşələrlə örtülü Esmeraldas əyalətinə bir sıra ekspedisiyalar həyata keçirib. Bu tədqiqatlar zamanı onlar unikal xüsusiyyətlərə malik qeyri-adi bir yeraltı ilbizi aşkar ediblər.
Oxu.Az-ın "Science Direct" elmi jurnalına istinadən verdiyi məlumata görə, tapılan canlı "scolecomorphidae" adı ilə tanınan ayaqsız suda-quruda yaşayanların bir növüdür. Bu canlı Cənubi Amerikanın tropik meşələrinin torpağında yaşayır və gizli həyat tərzi ilə seçilir.
Aşkar edilən ilbiz öz qeyri-adi görünüşü ilə alimlərin marağına səbəb olub. Onun başında iynəyə bənzər, geriyə əyilmiş böyük dişlər var. İlbizin kiçik gözləri isə yeraltı həyat tərzi üçün xarakterik xüsusiyyətlərdən biridir. Xarici görünüşcə soxulcana bənzəsə də, həyat tərzi və qidalanma üsulu bu canlını əhəmiyyətli dərəcədə fərqləndirir.
Alimlərin fikrincə, ilbizin əyri, iynəvari dişləri yeraltı tunellərdə şikar tutmaq və saxlamaq üçün təkamül edib. Bu unikal forma məhdud məkan və işıqlanma şəraitində heyvana effektiv qidalanma imkanı verir.
Həmçinin, tapılan canlının başqa bir diqqətçəkən xüsusiyyəti zəhər ifraz etməsidir. Bu təbii toksin ilbizi potensial yırtıcılardan qorumaq üçün müdafiə mexanizmi kimi xidmət edir.
