Fins.az - Dünya halal qida bazarının mərkəzi olan İstanbul, bu günlərdə qlobal halal sektorunun ən əhəmiyyətli tədbirlərindən birinə ev sahibliyi edir.
İstanbul Sərgi Mərkəzində keçirilən Beynəlxalq Halal Sammiti, halal qida və xidmətlər sahəsindəki yenilikləri nümayiş etdirmək və beynəlxalq əməkdaşlığı gücləndirmək məqsədini daşıyır.
Bu ilki sammit, İslam Əməkdaşlıq Təşkilatına üzv və müşahidəçi statusunda olan 60 ölkənin nazirlərini və ticarət nümayəndələrini bir araya gətirəcək. Tədbirdə, dünya halal qida bazarının 70 faizini təşkil edən ölkələrin rəhbərləri, halal məhsulların ticarəti, təhlükəsizliyi və standartları üzrə müzakirələr aparacaq. Beynəlxalq Nazirlər Sessiyası, halal iqtisadiyyatının inkişafına töhfə verəcək yeni siyasət və tədbirləri müzakirə edəcək.
