Bakıda sərnişin avtobusunun içinə yağış YAĞDI - VİDEO

Bakıda fəaliyyət göstərən avtobusun damından su axıb. Axan su oturcaqları və içərini isladıb.

Bizim.Media xəbər verir ki, bununla bağlı görüntülər metronun “Gənclik” stansiyasından Maştağa qəsəbəsi istiqamətində hərəkət edən M8 marşrut avtobusunda lentə alınıb.

Görüntüləri sərnişinlərdən biri - Nicat Məmmədov lentə alıb. Onun sözlərinə görə, yağışlı havadan qorunmaq üçün avtobusa minən sərnişinlər yağışı bu dəfə içəridə hiss ediblər.

Məsələ ilə bağlı “Baku Bus” MMC-dən bildirilib ki, baş verən nasazlıqla bağlı dərhal avtobus təmirə aparılıb.

O da bildirilib ki, avtobusların sazlığı və isitmə sistemləri mütəmadi olaraq nəzarətdən keçirilir.

Mövzu ilə bağlı daha ətraflı Xezerxeber.az-ın videomaterialında:


Bizim.Media