Tbilisidə hakimiyyət əleyhinə keçirilən mitinqin iştirakçıları ölkə parlamentinin binasının pəncərələrini sındırıblar.
KONKRET.az xəbər verir ki, bu barədə Gürcüstanın Daxili İşlər Nazirliyinin (DİN) bəyanatında deyilir.
Bildirilir ki, mitinq başlayandan dərhal sonra aksiya iştirakçılarının bəziləri zorakılıq hərəkətləri etməyə başlayıblar. Eyni zamanda, bəzi mitinq iştirakçıları pirotexniki vasitələr, daşlar və müxtəlif ağır əşyalardan istifadə ediblər. Aksiya iştirakçıları qanunvericilik binasının bəndlərini zədələyib, həmçinin daş və digər əşyalardan istifadə etməklə parlamentin fasadındakı on pəncərəni sındırıblar. Bu da vəziyyəti daha da çətinləşdirir və gərginliyi artırır.
“Bir daha aksiyanın hər bir iştirakçısını öz etirazlarını qanuni, dinc formada bildirməyə və qanunsuz hərəkətlərə əl atmamağa çağırırıq”, – deyə DİN-in məlumatında bildirilir.
KONKRET.az
