Türkiyənin xarici işlər naziri Hakan Fidan Qətərin Baş naziri və xarici İşlər naziri Şeyx Məhəmməd bin Əbdürrəhman Əl Saninin dəvəti ilə dekabrın 7-8-də Qətərin paytaxtı Dohada keçiriləcək 22-ci Doha Forumunda iştirak edəcək. Diplomatik mənbələrdən əldə edilən məlumata görə, Hakan Fidanın forum çərçivəsində müxtəlif iclaslara qatılacağı gözlənilir.
SİA-nın məlumatına görə, forumda Rusiya və İran Xarici İşlər nazirlərinin iştirakı ilə Astana formatında Xarici İşlər Nazirləri görüşünün keçirilməsi planlaşdırılır.Nazir Hakan Fidanın Dohada həmkarları ilə bir sıra görüşlər keçirməsi də gözlənilir.
