Türkiyənin İsparta vilayətində Ordu Aviasiya Məktəbinə məxsus hərbi helikopterin qəzaya uğraması nəticəsində həlak olan hərbçilərin sayı 6-ya çatıb.
Modern.az xəbər verir ki, qəzada həlak olanlar arasında İsparta Aviasiya Məktəbinin komandiri, briqada generalı İsa Baydilli də var.
***
13:33
Türkiyədə hərbi helikopter qəzası nəticəsində həlak olan daha bir nəfərin meyiti tapılıb.
Modern.az bu barədə "CNN Türk"ə istinadən xəbər.
Məlumata görə, həlak olanlardan biri generaldır. O, təlimə komandirlik edirmiş.
Qəzaya səbəb kimi təlim zamanı iki helikopterin biri-birinə toxunması göstərilir. Təmasdan sonra helikopterlərdən biri qəzaya uğrayıb, digəri isə təhlükəsiz şəkildə endirilib.
***
12:44
Türkiyədə hərbi helikopter qəzaya uğrayıb.
Modern.az Türkiyə mətbuatına istinadən xəbər verir ki, qəza ölkənin İsparta vilayətinin Keçiborlu rayonunda qeydə alınıb.
Yanacaqdoldurma məntəqəsi yaxınlığında baş verən hadisə yerinə təcili yardım və xilasetmə briqadaları cəlb olunub.
Qəza nəticəsində 4 nəfər şəhid olub.
Digər ekipaj üzvlərinin axtarışı davam edir.
