Türkiyənin İsparta vilayətində iki hərbi təlim helikopterinin toqquşması nəticəsində həlak olanların sayı 6-ya çatıb.
Redaktor.az xəbər verir ki, bu barədə NTV məlumat yayıb.
13:23
***
Redaktor.az xəbər verir ki, bu barədə "CNN Türk" məlumat yayıb.
Məlumata görə, həlak olanlardan biri təlim komandiridir.
Həlak olan komandirin general İsa Baydilli olduğu açıqlanıb.
Qəzaya səbəb kimi təlim zamanı iki helikopterin biri-birinə toxunması göstərilir. Təmasdan sonra helikopterlərdən biri qəzaya uğrayıb, digəri isə təhlükəsiz şəkildə endirilib.
12:50
***
Türkiyədə hərbi helikopter qəzaya uğrayıb.
Redaktor.az "CNN Türk"ə istinadən xəbər verir ki, qəza ölkənin İsparta vilayətinin Keçiborlu rayonunda qeydə alınıb.
Yanacaqdoldurma məntəqəsi yaxınlığında baş verən hadisə yerinə təcili yardım və xilasetmə briqadaları cəlb olunub.
Qəza nəticəsində 4 nəfər həlak olub.
Digər ekipaj üzvlərinin axtarışı davam edir.
