“Time” jurnalı “İlin adamı” namizədlərinin adını açıqlayıb.
“Qafqazinfo” xəbər verir ki, bu barədə nəşrin saytında bildirilir.
Qeyd olunur ki, qısa siyahıya ABŞ-nin yeni seçilmiş prezidenti Donald Tramp, 2024-cü il seçkilərində ABŞ prezidentliyinə namizəd Kamala Harris, amerikalı milyarder İlon Mask və “Meta” korporasiyasının təsisçisi Mark Zukerberq daxil olub.
Namizədlər arasında İsrailin Baş naziri Benyamin Netanyahu, Britaniya şahzadəsi Keyt Middlton və digər məşhur simalar da var idi.
Bildirilir ki, bu titulun qalibi cümə axşamı, dekabrın 12-də məlum olacaq.
Qeyd edək ki, 2023-cü ildə nəşr məşhur müğənni Taylor Svifti “İlin adamı” seçib.
Həmçinin, 2023-cü ildə mükafat üçün qısa siyahıya Rusiya Prezidenti Vladimir Putin, Çin lideri Si Cinpin, Böyük Britaniya kralı III Çarlz və digər iddiaçılar daxil edilib.
