"Çin təxminən otuz il ərzində regional sularda ən böyük donanmasını yerləşdirir və bu, Tayvana qarşı əvvəlki Çin hərbi təlimlərindən daha ciddi bir təhlükə yaradır". Manset.az xəbər verir ki, bu barədə Tayvan Müdafiə Nazirliyi məlumat verib. Müdafiə Nazirliyinin mətbuat katibi Sun Li-fang bildirib ki, hazırda Çin hərbi dəniz qüvvələrinin Cənubi Yaponiya adalarından Cənubi Çin dənizinə qədər olan ərazidəki yerləşdirilməsi, 1996-cı ildəki Tayvan prezident seçkilərindən əvvəl Çinin Tayvan ətrafında keçirdiyi hərbi təlimlərdən bəri ən böyük ölçüdədir. Çin ordusu məsələ ilə bağlı şərh verməyib və hər hansı təlim keçirdiyini təsdiqləməyib.
