Bu gün futbol üzrə UEFA Çempionlar Liqasında 2024/2025-ci illər mövsümünün Liqa mərhələsinin 6-cı turuna start verilib.
Arena.az xəbər verir ki, turun ilk oyun günündə 9 qarşılaşma baş tutub.
Zaqreb “Dinamo”su ilə “Seltik” arasındakı oyunda qapılara qol vurulmayıb. “Jirona”nın qonağı olan “Liverpul” səfərdə tək qolla qalib gələrək növbəti mərhələyə vəsiqəni vaxtından öncə təmin edib.
“Leypsiq” evdə “Aston Villa”ya uduzubsa, “Brest” PSV-ni, “Brügge” də “Sportinq”i xalsız yola salıb.
Almaniya çempionu “Bayer” evdə İtaliyanın ən güclüsü “İnter”lə qarşılaşıb. Matç leverkuzenlilərin qələbəsiylə yekunlaşıb.
Almaniya nəhəngi “Bayern” səfərdə Donetsk “Şaxtyor”una, Fransanın ən güclüsü PSJ isə “Zalsburq”a qalib gəlib.
“Atalanta” (İtaliya) ilə Madrid “Real”ı arasındakı məhsuldar qarşılaşma da qonaqların qələbəsiylə yekunlaşıb.
Qeyd edək ki, UEFA Çempionlar Liqasında Liqa mərhələsinin 6-cı turunun qalan oyunları dekabrın 11-də keçiriləcək.
UEFA Çempionlar Liqası
Liqa mərhələsi, 6-cı tur
10 dekabr
“Dinamo” (Zaqreb, Xorvatiya) – “Seltik” (Şotlandiya) 0:0
“Jirona” (İspaniya) – “Liverpul” (İngiltərə) 0:1
Qol: Salah, 63-pen.
“Leypsiq” (Almaniya) – “Aston Villa” (İngiltərə) 2:3
Qollar: Openda, 27. Baumqartner, 62 – Makqinn, 3. Duran, 52. Barkli, 85.
“Bayer” (Almaniya) – “İnter” (İtaliya) 1:0
Qol: Mukiele, 90.
“Atalanta” (İtaliya) – “Real” (İspaniya) 2:3
Qollar: De Ketelare, 45+2. Lukman, 65 – Mbappe, 10. Vinisius, 56. Bellingem, 59.
“Brügge” (Belçika) – “Sportinq” (Portuqaliya) 2:1
Qollar: Kuaresma, 24-öz qapısına. Nilsen, 84 – Katamo, 3.
“Şaxtyor” (Ukrayna) – “Bayern” (Almaniya) 1:5
Qollar: Kevin, 5 – Laymer, 11. Müller, 45. Olise, 70; 90+3. Musiala, 87.
“Zalsburq” (Avstriya) – PSJ (Fransa) 0:3
Qollar: Q.Ramos, 30. N.Mendes, 72. D.Due, 85.
“Brest” (Fransa) – PSV (Niderland) 1:0
Qol: Le Kardinal, 43.
