İranda hava çirklənməsi ilə bağlı ölüm hallarının sayında artım müşahidə olunur.
Bu barədə "Azad İran" "Telegram" kanalı məlumat yayıb.
İranın səhiyyə naziri Məhəmmədrza Zəfərqəndinin sözlərinə görə, hər il ölkədə hava çirkliliyi səbəbindən təxminən 50 min insan həyatını itirir.
Nazir qeyd edib ki, havanın çirklənməsi ölkə iqtisadiyyatına da ciddi ziyan vurur. Bunun maliyyə dəyəri ən azı 12 milyard dollar təşkil edir, bəzi hesablamalara əsasən isə bu rəqəm 20 milyard dollara qədər yüksələ bilər.
