“Bayern”inn qapıçısı və kapitanı Manuel Noyerin qabırğası sınıb.
Rekord.az xəbər verir ki, təcrübəli qapıçı 2024-cü ildə Münhen klubu üçün meydana çıxmayacaq.
Bunu komandanın baş məşqçisi Vensan Kompani deyib: “Onun qabırğası sınıb və yəqin ki, bu il oynamayacaq. Əsas odur ki, o, indi sağalsın və ümid edirəm Manuel yanvarda bizə qayıdacaq”.
38 yaşlı qapıçı bu mövsüm 19 oyun keçirib, onlardan 12-sində top buraxmayıb. Qapıçı 2011-ci ildən Münhen klubunda çıxış edir.
