“Borussiya”nın baş məşqçisi Nuri Şahin Çempionlar Liqasında “Barselona”ya qarşı keçirdikləri oyunu şərh edib.
Futbolpress.az UEFA-nın saytına istinadən xəbər verir ki, mütəxəssis 2:3 hesabıyla uduzduqları matçla bağlı bunları söyləyib:
“Məğlubiyyəti qəbul etmək çətindir. İki vacib oyunçumuz – Ryerson və Şotterbek zədələndi və bundan sonra matçı itirdik. Yaxşı oynadığımızı eşitmək istəmirəm. Belə oyunlarda qalib gəlməli və buraxdığımız səhvlərə yol verməməliyik. Bu səviyyədəki matçlarda səhvlərə yer yoxdur”.
