1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın "Rosneft" şirkəti Hindistanın "Reliance" neft emalı zavodu ilə gündə təxminən 500 min barel neft tədarükü ilə bağlı 10 illik müqavilə imzalayıb.
Oxu.Az xəbər verir ki, bu barədə "Reuters" mənbələrə istinadən məlumat yayıb.
Qeyd olunur ki, bugünkü qiymətlərlə bu saziş ildə 13 milyard dollara başa gələcək ki, bu da onu iki ölkə arasında neft tədarükü üzrə ən böyük müqaviləyə çevirir.
Mənbələrin məlumatına görə, tədarükün əksəriyyəti gələn il üçün Dubay qiymətindən 3 dollar aşağı qiymətə satılacaq "Urals" markalı neft olacaq. Eyni zamanda, şirkətlər neft bazarlarının dinamikasını nəzərə almaqla, hər il sövdələşmə çərçivəsində qiymətləri və tədarük həcmini nəzərdən keçirəcəklər. Tədarükün 2025-ci ilin yanvarında başlanması planlaşdırılır.
