ABŞ-də maraqlı hadisə baş verib. Xarici KİV-in yaydığı məlumata görə, Massaçusets ştatında polisdən qaçan "şaxta baba" tüstü bacasında ilişib qalıb.
Nəticədə xilasedicilərə müraciət olunub: "Onlar kərpici sökdülər və cinayətkarı təhlükəsizlik qüvvələrinə təhvil verdilər".
Qeyd edilib ki, "Santa klaus" narkotik saxlamaqda şübhəli bilinib. Massaçusets sakininin evində axtarış aparıldığı üçün o, mənzilə gələn hüquq-mühafizə orqanlarının əməkdaşlarından qaçmaq qərarına gəlibmiş.
Lakin qaçış uğursuz olub. Hazırda o, polisdən yayınmağa cəhd də daxil olmaqla bir neçə maddə ilə ittiham olunur. Təqsirləndirilən şəxs indi Milad bayramını dəmir barmaqlıqlar arxasında keçirəcək.
Tural
