Suriyada 61 illik BƏƏS rejiminin devrilməsindən sonra, paytaxt Dəməşq başda olmaqla Hələb, Lazkiyə, Dəra, Hama və digər şəhərlərdə milyonlarla insan küçələrə axışaraq böyük coşqu ilə qələbəni qeyd edir.
Redaktor.az xəbər verir ki, ilk cümə namazından sonra Dəməşq, Hələb, İdlib, Hama, Homs, Deyrəzzor, Tartus və Süveyda da daxil olmaqla ölkənin bütün bölgələrində insanlar kütləvi şəkildə meydanlarda toplaşıblar.
Hər yaşdan və müxtəlif etnik mənsubiyyətlərdən olan insanların qatıldığı tədbirlərdə sevinc və xoşbəxtlik görüntüləri diqqət çəkib.
Meydanları dolduran kütlə, “Suriya inqilabı bayraqları” ilə yürüş edərək azadlıq və “yeni Suriya” üçün şüarlar və inqilab mahnıları səsləndiriblər.
Seymur BƏNNAYEV
