Vaşinqton “Saziş 123”də nəzərdə tutulduğu kimi İrəvana Amerikanın mülki nüvə texnologiyalarına çıxış imkanlarını araşdırır.
Qaziler.az xəbər verir ki, bu barədə Ermənistanın “CivilNet” nəşri ABŞ Dövlət Departamentinin bəyanatına istinadən yazır.
Nəşrin fikrincə, “Saziş 123” öz adını Amerikanın atom enerjisi qanununun maddəsinin nömrəsindən almışdır. Söhbət elə bir müddəadan gedir ki, ona görə Vaşinqton “millətlər və millətlər qrupları” ilə yalnız müvafiq saziş bağlanarsa, əməkdaşlıq edə bilər. Sonuncu dövlət başçısı və ABŞ Konqresi tərəfindən təsdiqlənir.
“Birləşmiş Ştatlar Ermənistanın “Saziş 123”ə qoşulmaq üçün müraciətini araşdırır. Təsdiq edilərsə, Yerevan Amerikanın mülki nüvə texnologiyasını ala biləcək”, - Dövlət Departamenti vurğulayıb.
ABŞ Xarici İşlər Nazirliyi əlavə edib ki, ölkə rəhbərliyi Ermənistanla danışıqlar prosesinin təfərrüatlarını açıqlaya bilməz. Bununla belə, Vaşinqton İrəvanın əməkdaşlıq tələbinə “lazımi diqqət yetirir”, - bəyanatda aydınlıq gətirilib.
Nəşrin qeydinə görə, Ermənistanın “Saziş 123”ə qoşulması respublikada yeni Atom Elektrik Stansiyasının (AES) tikintisinə yol aça bilər. Məqalə müəllifləri qeyd ediblər ki, bu qurğu sovet dövründə ölkədə tikilmiş atom elektrik stansiyasını əvəz edə biləcək.
QAZİLER.AZ
