...Prezident Vladimir Putin bildirib ki, Rusiya Ukrayna ilə sülh danışıqlarından heç vaxt imtina etməyib. Onun sözlərinə görə, əvvəlcə Kursk vilayətinin ərazisinə daxil olan “quldurlarla” məşğul olmaq lazımdır.
SİA-nın rus saytlarından əldə etdiyi məlumata görə, Putin bu mövzunu ziyarət etdiyi Tuvada məktəbdə “Vacib şeylər haqqında danışmaq” adlı açıq dərsdə qaldırıb.
Dərs zamanı on birinci sinif şagirdi prezidentdən təmas xəttindəki vəziyyətlə maraqlanıb. Onun sözlərinə görə, internetdə Ukrayna ilə danışıqlara dair ziddiyyətli məlumatlar var.
Vladimir Putin isə cavabında bildirib ki, əgər Ukraynanınsözdə deyil, əməldə dinc danışıqlara keçmək və bu məsələləri sülh yolu ilə həll etmək arzusu varsa, Rusiya hakimiyyətiheç vaxt bundan imtina etməyib.
...Ancaq biz, əlbəttə ki, Rusiya Federasiyasının ərazisinə, daha doğrusu Kursk vilayətinə daxil olan bu quldurlarla və onların bütövlükdə sərhəd bölgəsində vəziyyəti sabitləşdirmək cəhdləri ilə mübarizə aparmalıyıq.
Bunu Putin deyib.
Qeyd edək ki, avqustun 6-dan Kursk vilayətində Ukrayna hərbçiləri ilə toqquşmalar davam edir. İyulun 31-də Ukrayna prezidentinin aparatının müşaviri Mixail Podolyak Rusiya ilə sülh danışıqlarının zəruriliyindən danışıb.
Avqustun 12-də Kursk vilayətində döyüşlər zamanı Vladimir Putin Ukrayna hakimiyyəti ilə danışmağa heç nəyin olmadığını deyib. Son bir həftə ərzində rayonun sərhədyanı rayonlarını 1,4 min, ümumilikdə isə 11,5 mindən çox insan tərk edib.
Əli Babayev
