Egey dənizinin ən sevimli adalarından biri

Son yeniləmə: 6 Sentyabr 2024 00:46 BAYRAQDAR MEDİA – “Bənzərsiz həyat tərzi və ləzzətli mətbəxi, təmiz çimərlikləri ilə Egey dənizinin ən sevimli adalarından biri olan Bozcaada Türkiyənin üzüm bağları marşrutları arasındadır”.BAYRAQDAR MEDİA-ya Türkiye Turizm Tanıtım ve Geliştirme Ajansından (TGA) BAYRAQDAR MEDİA-ya daxil olan məlumatda belə deylir.Qeyd edilir ki, ada çınqıllı dar küçələri və təmiz havası ilə yanaşı, hər il sentyabr ayında öz şərabçılıq ənənəsinə sadiq qalaraq təşkil edilən Bozcaada Üzüm Yığım Festivalı ilə də turistləri cəlb edir: “Məhsul yığımı turları, canlı musiqi, yerli sənətkarların hazırladığı hədiyyələri və suvenirləri satan sevimli bazar dükanlar turistlərin ən sevimli məkanlarıdır”.Məlumata əsasən, ana təbiətin bəxş etdiyi quzey küləkləri sayəsində Bozcaada həmişə üzüm əkinçiliyi üçün ideal yer olub: “Kiçik ada 3000 illik üzümçülük ənəsinə malikdir və bu gündə bu ənələr davam etdirilir. Bu ənənələr hətta Tenedosun üzümlə təsvir edilmiş sikkələrində və Homerin “İliadası” kimi yazılı mənbələrdə görmək olar”.Vurğulanır ki, Bozcaadanın özünəməxsus iqlimi və torpaq tərkibi ilə zənginləşən münbit torpaqları Papazkarası, Karasakız, Sauvignon Blanc da daxil olmaqla müxtəlif üzüm sortlarının yetişməsinə şərait yaradır: “Bununla belə, adada şərablara fərqli dad və xarakter gətirən dörd endemik üzüm növü var: qırmızı üçün Kuntra və Karalahna, ağ üçün Çavuş və Vasilaki. Adadakı şəraitdən istifadə edərək, yeni nəsil üzümçülər hələ də yaxşı tanınmış müəyyən şərab növlərini istehsal edirlər”.Məlumata əsasən Bozcaada Üzüm Yığım Festivalı adanın uzun müddətdir davam edən ənənəsidir: “Ada sakinləri və şərab həvəskarları hər ilin sentyabrında məhsul yığımını qeyd etmək üçün bir araya gəlirlər. Festival üzüm yığımı ilə başlayır. Üzümçülər və festivala gələnlər traktorlarla üzüm bağlarına gedirlər, orada üzüm yığılır. Daha sonra yığılan üzümlər köhnə adət-ənənələrə sadiq qalaraq atlar, eşşəklər və “pır pır” adlı mini traktorlarla Bozcaada meydanına gətirilir”.Məlumatda o da bildirilir ki, “Festival boyunca Bozcaada Üzümçülük Kooperativi də hər gün səhər saat 10:00-dan 18:00-a qədər məhsul turları təşkil edir. Bu iki saatlıq turlar zamanı ziyarətçilər klarnet və darbuka musiqisi ilə üzüm bağlarına üz tuturlar. Onlar üzüm bağlarında gəzir və nəsillər boyu bu üzümləri becərmiş təcrübəli əllərin rəhbərliyi altında üzüm yığımının şahidi olur və üzüm növləri haqqında öyrənirlər. Sonra xüsusi üzüm bıçaqları ilə üzümləri kəsib zənbillərini doldururlar. Festival əlavə olaraq, adanın fərqli ərazisini əks etdirən, hər biri özünəməxsus ləzzət profilinə malik müxtəlif yerli istehsal şərablarını dada biləcəyiniz bir səyahətdir”.TGA-nın məlumatına əsasən, Bozcaada həm də bütün ziyarətçilərinə unikal və unudulmaz bayram təcrübələri təqdim edən sehrli bir məkandır: “Adaya çatdığınız zaman sizi limana baxan Bozcaada qalası qarşılayır. Qaladan füsunkar mənzərəni seyr etdikdən sonra mənzərəli limanı gəzə bilərsiniz. Burada müxtəlif restoran və kafelər var, hər birinin özünəməxsus hekayəsi var. Daha sonra adanın rəngarəng evlərlə dolu dar küçələrində gəzə, Bozcaada Muzeyini, Bozcaada Ayazma Monastırını və Bozcaada Məryəm Kilsəsi ilə tanış ola bilərsiniz. Unudulmaz gün batımını izləmək üçün adanın qərb ucundakı Polente Mayakına da gedə bilərsiniz”.Yeri gəlmişkən, Bozcaada həm də öz kulinariya ləzzətləri ilə səyahətçiləri valeh edir: “Adada yerli meyvələrdən kəklikotu və mürəbbə almağı, badamlı peçenye və lavanda ətirli dondurmanın dadına baxmağı unutmayın. Həmçinin, siz regional zeytun yağları və ən təzə dəniz məhsulları ilə ətirli otlar və tərəvəzlər, o cümlədən çipura, levrek, orf, istiridye, ahtapot, kalamar və karides ilə gözəl yemək təcrübələrindən həzz ala bilərsiniz”.