Qazaxıstanda 2024-cü ilin sentyabr ayının əvvəlində xarici turistlərin sayında böyükmiqyaslı artım qeydə alınıb.
Publika.az xəbər verir ki, bu barədə Qazaxıstan Respublikasının Turizm və İdman Nazirliyi məlumat yayıb.
Məlumata görə, sentyabrın 1-dən 13-dək Qazaxıstana 597 min əcnəbi səfər edib.
Turist axınının artmasının əsas səbəbləri V Ümumdünya Köçəri Oyunlarının keçirilməsi və məşhur qazax ifaçısı Dimaş Kudaybergenin konserti olub.
Bu tədbirlər 89 ölkədən qonaqların diqqətini cəlb edib ki, bu da xarici ziyarətçilərin sayının əhəmiyyətli dərəcədə artmasına səbəb olub.
