“Biz təəccüb etmək, sevindirmək üçün, kiminsə gözündə o yaşı oğurlamaq üçün ki, gözdən yaş gəlməsin, kiminsə dodağına gülüş qondurma üçün bu həyata gəlmişik. Bir məşhur deyim var – “Ruh yüksəkliyini itirmiş xalq məğlubiyyətini, ilk addımını atıb”. Ruh yüksəkliyi mütləq olmalıdır bütün xalqda xüsusi ilə də döyüşən insanlarda”.
OLAY yazır ki, bu sözləri Xalq artisti Faiq Ağayev qonaq olduğu “Günə bax” verilişində deyib.
Sənətçi bildirib ki, Birinci Qarabağ savaşı zamanı əsgərlər qarşısında çıxış edərkən mənfur düşmənlər ona atəş açıblar:
“Birinci Qarabağ müharibəsi zamanı dəfələrlə əsgərlərimiz qarşısında çıxış etmişəm. Tərtərdə, Quzanlıda... Bizə atəş də açıblar. Əsgərlərimiz Hollivud “boyeviki” (döyüşcü – red.) idi mənim üçün. Dörd nəfər haradan gəldi heç bilmədim. Hərəsi bir tərəfdən oppanıb məni altlarında gizlətdilər ki, birdən güllə dəyməsin və düşmən sonradan kam almasın. Bizim işimiz ruh yüksəkliyi gətirmək, kiminsə qəmini unutdurmaqdır. İndi isə millət olaraq qəmimiz qalmayıb. Bizim işlərimiz var, onları da görmək lazımdır. Ən vacibi də budur”.
