"Naxçıvan"ın baş məşqçisi bəlli oldu

Basketbol Liqasının 2024/25 mövsümündə "Naxçıvan"ın baş məşqçisinin adı dəqiqləşib.

"Football-plus.az" xəbər verir ki, komandaya Murat Dikmen rəhbərlik edəcək.

Ötən mövsümdə "Xəzri" kimi çıxış edən klubun adı "Naxçıvan"a dəyişib. Türkiyəli mütəxəssis məhz "Xəzri"yə başçılıq etdiyindən idman ictimaiyyətinə yaxşı tanışdı. Onunla mövsümün sonuna kimi müqavilə imzalanıb.

Komandada çıxış edən üç basketbolçu - Cordan Perkins, Rəsul Məmmədzadə və Yavər Abbasov klubla müqavilə müddətini uzadıb.