Polşa ölkənin cənub-qərbində baş verən daşqınla əlaqədar Rusiyadan "informasiya-psixoloji əməliyyat”la üz-üzədir.
Qaynarinfo "Kommersant”a istinadən xəbər verir ki, bu barədə Polşa Silahlı Qüvvələrinin Kibermüdafiə Qüvvələrinin bəyanatında deyilir.
"Təsir aparatı kiberməkanda məlumatların seçmə metodundan istifadə edir və ünvançılarda qorxu və acizlik emosiyalarını oyatmağa çalışır. Əməliyyatın elementlərindən biri Dövlət Təhlükəsizliyi strukturlarına inamı sarsıtmaq cəhdidir”, - bəyanatda deyilir.
Polşa ordusu vətəndaşlara "emosional reaksiyalara” səbəb ola biləcək "əzab və dağıntıları” əks etdirən məzmundan ehtiyatlı olmaları barədə xəbərdarlıq edib. "Emosiyalara təslim olmayın, məlumat mənbələrini yoxlayın", - məlumatda deyilir.
Qeyd edək ki, sentyabrın ortalarında leysan yağışlar Mərkəzi Avropada 1997-ci ildən bəri ən güclü daşqınlardan birinə səbəb olub. Polşada təbii fəlakət vəziyyəti elan edilib. Yerli hakimiyyət orqanlarının məlumatına görə, azı 7 nəfər həlak olub. Fırtına və daşqınlar Macarıstan, Slovakiya, Almaniya, Rumıniya, Avstriya və Çexiyanı da əhatə edib.
Nizami Bağırov
