Sosial şəbəkələrdə 28 May küçəsində taksi dayanacağının ləğv olunduğu ilə bağlı görüntülər yayılıb.
Videoda ərazidəki taksi dayanacağında avtobus zolağı çəkildiyi, bunun isə küçəni iflic vəziyyətə gətirdiyi əks olunur.
Referans.az-ın xəbər verir ki, məsələ ilə bağlı AYNA-dan Axar.az-ın sorğusuna cavab olaraq taksi dayanacağının ləğvinin infrastruktur işləri ilə əlaqəli olduğu bildirilib.
“Sözügedən ərazidə nişanlama və xətləmə işləri tam yekunlaşmayıb. Avtobusların zolaqla hərəkətinin təmin olunması üçün zəruri infrastruktur qurulur. Ərazidə aparılan infrastruktur işləri ilə əlaqədar taksi dayanacağı ləğv edilib”, – qurumun açıqlamasında qeyd olunur.
