“Air Force and Space Magazine” adı açıqlanmayan Amerika rəsmilərinə istinadən xəbər verir ki, Birləşmiş Ştatlar Yaxın Şərqə əlavə üç qırıcı və hücum təyyarəsi eskadrilya göndərməyə hazırlaşır.
Nəşrin məlumatına görə, söhbət F-16 Fighting Falcon və F-15E Strike Eagle qırıcılarının iki eskadrilyasından, həmçinin A-10 Thunderbolt II hücum təyyarələrinin bir eskadrilyasından gedir. Mənbələr jurnala bildiriblər ki, ABŞ həmçinin bölgədəki qırıcıların və hücum təyyarələrinin ümumi sayını artırmaq üçün artıq Yaxın Şərqdə olan hava birliklərinin qalma müddətini uzatmaq qərarına gəlib.
Sentyabrın 30-da Pentaqonun mətbuat katibinin müavini Sabrina Sinq brifinqdə jurnalistlərə bildirib ki, Yaxın Şərqə əlavə təyyarə və “daha bir neçə min” Amerika əsgəri göndəriləcək. Bundan əvvəl ABŞ-ın müdafiə naziri Lloyd Ostin Yaxın Şərqdə “müxtəlif gözlənilməz vəziyyətlərə cavab vermək üçün əlavə qüvvələr yerləşdirməyə hazırlığın artırılmasını əmr etmişdi”.
Nigar
